டாப் 10 சினிமா செய்திகள்.. சிவகார்த்திகேயனின் அமரன் முதல் விமல் நடித்த சார் வரை.. கோலிவுட் முக்கிய தகவல்கள்

சிவகார்த்திகேயனின் அமரன் முதல் விமல் நடித்த சார் வரை கோலிவுட் சினிமாவின் முக்கிய தகவல்கள் குறித்துப் பார்க்கலாம்.

• நடிகர் ஜீவா, பிரியா பவானி சங்கர் ஆகியோர் நடித்து இன்று வெளியாகியிருக்கும் ‘பிளாக்’ திரைப்படம், பாஸிட்டிவ் ஆன விமர்சனங்களைப் பெற்று வருகிறது. இப்படத்தை திரில்லர் பாணியில் உருவாக்கியிருக்கிறார், படத்தின் இயக்குநர் பாலசுப்பிரமணி.
• 8 தோட்டாக்கள், ஜிவி, கேர் ஆஃப் காதல், பம்பர் ஆகியப் படங்களில் நடித்து பெயர் பெற்ற நடிகர் வெற்றி, நடிகை அனு சித்தாரா மற்றும் மதுரா, கருணாகரன் ஆகியோர் நடித்திருக்கும் ரொமான்டிக் திரைப்படம், ஆலன். இப்படம் வரக்கூடிய அக்டோபர் 18ஆம் தேதி திரையரங்குகளில் வெளியாக இருப்பதாக 3 எஸ் பிக்சர்ஸ் தயாரிப்பு நிறுவனம் அறிவித்துள்ளது. இப்படத்தை தனஞ்ஜெயனின் கிரியேட்டிவ் எண்டர்டெயினர்ஸ் நிறுவனம் ரிலீஸ் செய்கிறது.

அமரன் உண்மைக்கதையின் அடிப்படையில் உருவான படம்:

• அமரன் திரைப்படம் தீபாவளியை ஒட்டி, அக்டோபர் 31ஆம் தேதி ரிலீஸாகவுள்ள நிலையில் படக்குழுவினர், முன்னாள் ராணுவத்தினர் குடும்பத்தினரை அழைத்து வந்து பேட்டி எடுத்து யூட்யூபில் ஒளிபரப்பியுள்ளனர். இந்த நிகழ்வில் படத்தின் தயாரிப்பாளர் கமல்ஹாசனும் இருக்கிறார். இப்படத்தில் சிவகார்த்திகேயனும், சாய் பல்லவியும் முன்னணி கதாபாத்திரங்களில் நடித்திருக்கின்றனர். ராஜ்குமார் பெரியசாமி அமரன் படத்தை இயக்கியிருக்கிறார். இப்படம், இந்திய ராணுவத்தில் மேஜராக இருந்து வீரமரணம் அடைந்த மேஜர் முகுந்த் வரதராஜன் மற்றும் அவரது மனைவி இந்து ரெபேக்கா வர்கீஸ் ஆகியோரின் வாழ்க்கையை அடிப்படையாகக் கொண்டு உருவாக்கப்பட்டுள்ளது.
• விமல், சாயா தேவி கண்ணன், சரவணன், விஜய் முருகன் ஆகியோர் நடித்து அக்டோபர் 18ஆம் தேதி வெளியாகவுள்ள படம், சார். இப்படத்தை போஸ் வெங்கட் இயக்கியுள்ளார். சார் படத்தின் வசனங்களை பத்திரிகையாளர் சுகுணா திவாகர் எழுதியுள்ளார். இப்படத்துக்குண்டான இசையை சித்து குமார் செய்துள்ளார். இப்படத்தை வெற்றிமாறனின் கிராஸ் ரூட் ஃபிலிம் கம்பெனி ரிலீஸ் செய்கிறது.
• ஹனுமன் என்னும் பான் இந்தியப் படத்தை எடுத்து ஹிட்டடித்த ஆர்.கே.டி ஸ்டூடியோஸ், தயாரிப்பில் அடுத்து உருவாகும் படம், மகா காளி. இப்படத்திலும் பிரசாந்த் வர்மா தனது எழுத்துப் பணியை செய்ய, பூஜா அபர்ணா கொல்லூரு இயக்கத்தை மேற்கொள்ளவுள்ளார். முன்னதாக, பிரசாந்த் வர்மா இயக்கிய ஹனுமன் திரைப்படம் ரூ.40 கோடி செலவில் எடுக்கப்பட்டு, ரூ.350 கோடி ரூபாய் வசூலை ஈட்டியது என்பது குறிப்பிடத்தக்கது. இப்படம் குறித்த அறிவிப்பினை இணையத்தில் ஐந்து மில்லியன் பேர் பார்த்துள்ளனர்.

மூன்றாவது வாரத்தில் மெய்யழகன்:

• கார்த்தி ,அர்விந்த் சுவாமி நடித்து, 96 திரைப்படப் புகழ் பிரேம் குமார் எழுதி இயக்கியிருக்கும் படம், மெய்யழகன். தஞ்சை மாவட்டம், நீடாமங்கலத்தைச் சேர்ந்த ஒருவர், குடும்பத்தோடு சென்னையில் புலம்பெயர்ந்து செட்டிலாகி, வெகுநாட்களுக்குப்பின், சொந்த ஊர் வந்தால், அதில் பாசமான ஒரு உறவுக்காரப் பையனைப் பார்த்தால் என்ன நடக்கும் என்பது தான் மெய்யழகன். இப்படத்தை ஜோதிகா மற்றும் சூர்யா இருவரும் சேர்ந்து தயாரித்திருந்தனர். பட ரிலீஸுக்குப் பின் பலரால், சிலாகிக்கப்பட்டது. இந்நிலையில் இப்படம் இன்று முதல் திரையரங்குகளில் மூன்றாவது வாரத்தை எட்டியிருக்கிறது.
• சமீபத்தில் பிரபாஸ், தீபிகா படுகோனே, கமல்ஹாசர் ஆகியோர் சேர்ந்து நடித்து வெளியான கல்கி 2898 ஏ.டி படம் பூசன் உலகத்திரைப்பட விழாவில் வெளியாகி பெரும் வரவேற்பினைப் பெற்றுள்ளது.
• இயக்குநர் மற்றும் இயக்குநர் நிவின் பாலியின் பிறந்த நாளை ஒட்டி, சிறப்பு போஸ்டர் வெளியிட்டு வாழ்த்து தெரிவித்துள்ளது, ஏழு கடல் ஏழு மலை படக்குழு.
• நடிகர் விஜய் ஆயுதபூஜை, சரஸ்வதி பூஜை, விஜயதசமி பூஜை ஆகிய திருநாள்களை ஒட்டி, அதைக் கொண்டாடும் அனைவருக்கும் இனிய நல்வாழ்த்துகளைத் தெரிவித்து இருக்கிறார்.
• மறைந்த பத்திரிகையாளர் முரசொலி செல்வத்தின் உடலுக்கு நடிகர் பார்த்திபன், சத்யராஜ், அருண் விஜய், விஜயகுமார், தியாகராஜன், பிரசாந்த் மற்றும் சங்கீதா விஜய் ஆகியோர் நேரில் அஞ்சலி செலுத்தினர்.