"நீ வந்து கொதிக்கிறியா.. இரிட்டேட் பண்ணாத" ஓப்பனாக தெரியும் வன்மம்.. ஆள்மாறாட்டத்தால் வெடிக்கும் சண்டை!

பிக்பாஸ் வீட்டில் போட்டியாளர்கள் அனைவரும் வீட்டில் உள்ள வேறு ஒரு நபரைப் போல நடை, உடை, பாவனைகளை மாற்றி செயல்பட வேண்டும் என்ற வீக்லி டாஸ்க் வழங்கப்பட்டுள்ளது.

தொந்தரவு செய்யும் ஜாக்குலின்

இந்த டாஸ்கில் அன்ஷிதாவாக மாறிய ஜாக்குலின் சமையல் அறையில் குடிப்பதற்கு பானம் தயாரித்து வருகிறார். அப்போது, ஜாக்குலினாக மாறியுள்ள அன்ஷிதா அவரை தொடர்ந்து தொந்தரவு செய்து வருகிறார்.

தண்ணி ஊத்துனியா, கொதிச்சதுக்கு அப்புறம் சக்கரை போடு என ஜாக்குலின், அன்ஷிதாவை ஒரு வேளையை செய்ய விடாமல் அடுத்தடுத்து ஏதாவது ஒன்றை சொல்லிக் கொண்டே இருக்கிறார்.

இதனால், கடுப்பான அன்ஷிதா, தண்ணி கொதிச்சதா என கேட்ட ஜாக்குலினிடம் நீ வந்து கொதிக்கிறியா என கோபமாக கேட்டார்.

கடுப்பான ஜாக்குலின்

நா ஒரு வேலை பாக்குறேன்னா அதை நான் பாத்துக்குறேன். நீ கொஞ்சம் வாய மூடிட்டி உன் வேலையைப் பாரு என அன்ஷிதாவாக உள்ள ஜாக்குலின் கூற, இது என்னோட பழக்கம். ஒருத்தருக்கு வேலை சொல்லிட்டு இருப்பேன் என ஜாக்குலினாக உள்ள அன்ஷிதா பதில் பேசினார்.

இதில் கடுப்பான ஜாக்குலின் இரிட்டேட் பண்ணாத எனக் கூறி ஒரிஜினல் கேரக்டராக மாறினார். அதையும் விடாத அன்ஷிதா, இரிடேட் பண்ணாத என நான் தான் கூற வேண்டும். அது என்னோட வார்த்தை. அன்ஷிதா இப்படி பேச மாட்டார் எனக் கூற, ஜாக்குலின் கூடத்தான் இப்படி பேசமாட்டார் என போகிற போக்கில் சொல்லி இருக்கிறார் ஜாக்குலின்.

வெளிப்படும் வன்மம்

இதுகுறித்த ப்ரோமோவை விஜய் டிவி வெளியிட்டுள்ளது. இதுவரை சுமூகமாக சென்ற பிக்பாஸ் நிகழ்ச்சி ஒற்றை டாஸ்க்கால் வீட்டில் உள்ள போட்டியாளர்கள் அனைவரும் தங்களுக்குள் இருக்கும் மொத்த வன்மத்தையும் கக்கி வருகின்றனர்.

ஆள் மாறட்ட டாஸ்க்

வீக்லி டாஸ்க்காக இருந்த இந்த ஆள் மாறட்ட டாஸ்கில், பிக்பாஸ் வீட்டில் இருக்கும் சக போட்டியாளர் தன்னை பாவித்து கொள்ளும் போட்டியாளர் அவரை போலவே நடை, உடை, பேச்சு என அவர்களின் கேரக்டராகவே வாழ வேண்டும்.

அத்தோடு நிறுத்தாமல் பிக்பாஸ் வீட்டில் நடந்த நிகழ்வு ஒன்றை நாடகமாக நிகழ்த்த வேண்டும் என கூறப்பட்டது. எல்லா சீசன்களிலும் தவறாமல் இடம்பெறும் இந்த டாஸ்கில், இந்த சீசனிலும் போட்டியாளர்கள் ஒவ்வொருவரும் தங்களது கவனத்தை பெற வைத்ததோடு இல்லாமல், இடையிடையே அவர்களின் வன்மத்தையும் வெளிக்கொட்டினார்.

போட்டியாளர்களில் ஜாக்குலின் அன்ஷிதாவாகவும், செந்தர்யா சுனிதாவாகவும், சுனிதா சாச்சனாவாகவும், சாச்சனா ஆனந்தியாகவும், அன்ஷிதா ஜாக்குலினாகவும், ஆனந்தி செளந்தர்யாவாகவும், பவித்ரா தர்ஷிகாவும், தர்ஷிகா பவித்ராவாகவும் மாறினார்.

சுனிதா கேரக்டரில் மிரட்டிய செளந்தர்யா

அதேபோல் ஆண் போட்டியாளர்களில், அருண் சத்யாவாகவும், சத்யா அருணாகவும், ஜெப்ரி தீபக் ஆகவும், விஷால் முத்துவாகவும், தீபக் விஷால் ஆகவும், ரஞ்சித் ஜெப்ரி ஆகவும், முத்து ரஞ்சித் ஆகவும் மாறினார்.

இந்த ஆள்மாறட்ட கேரக்டர்களில் செளந்தர்யாவின் பெர்பார்மென்ஸ் பிக்பாஸ் ஹவுஸ்மேட்களுக்கு இடையில் மட்டுமல்லாமல், ரசிகர்கள் மத்தியிலும் வெகுவாக ரசிக்கப்பட்டது.

ஏற்கனவே ஏழாம் பொருத்தத்துடன் உறவாடி வரும் சுனிதாவின் கேரக்டர் தனக்கு கிடைக்க, அப்படியே இன்ச் பை இன்ச் சுனிதாவாக மாறி கச்சிதமாக வெளிப்படுத்தி அப்லாஸ் வாங்கினார். அன்ஷிதாவிடம் ஒட்டிக்கொண்டே இருப்பது முதல் அழுவது வரை செளந்தர்யா செம என்டர்டெயின்மெண்ட் கொடுத்தார். இவருக்கு அடுத்தபடியாக ஜாக்குலின், ரஞ்சித், முத்து, விஷால் ஆகியோரின் நடிப்பும் வெகுவாக ரசிக்கப்பட்டது.