HBD SANA : ‘கண்டா வரச்சொல்லுங்க.. ஆடி போனா ஆவணி..’ தனித்துவமான இசையால் மக்கள் மனதை வெற்ற இசை நாயகன் சந்தோஷ் நாராயணன்!
May 15, 2024, 06:00 AM IST
Share
HBD Santhosh Narayanan : தனித்துவமான இசையால் மக்கள் மனதை வெற்ற இசை நாயகன் சந்தோஷ் நாராயணன் பிறந்தநாள் இன்று. இவரின் பெரும்பாலான பாடல்கள் இணையத்தில் கோடி பார்வையாளர்களை கடந்து சென்று கொண்டிருக்கிறது.
2012-ல் வெளியான இயக்குநர் பா.ரஞ்சித்தின் அட்டகத்தி படத்தின் மூலம் திரைப்பட இசையமைப்பாளராக அறிமுகமானார். ஆடி போனா ஆவணி அவ ஆள மயக்கும் தாவணி முதல் ஆசை ஒரு புல்வெளி அதில் ஆண் பெண் ஒரு பனித்துளி பாடல் வரை கொடுத்து அசத்தி இருப்பார். ஆட்டம் போட வைக்கும் வைப் பாடல்களும், மென்மையான பாடல்களும் கொடுத்து அசத்தி இருப்பார்.
பொறியியல் முடித்த பட்டதாரியான சந்தோஷ் நாராயணன் இசையமைப்பாளராக வேண்டும் என்ற கனவுடன் பல இசையமைப்பாளர்களிடம் இசை பொறியாளராக பணியாற்றி உள்ளார். குரு திரைப்படத்தில் ஏஆர் ரகுமான் உடன் பணியாற்றியுள்ளார். அதன் பிறகு தனது இசை பயணத்தை தொடங்கி 40க்கும் மேற்பட்ட திரைப்படங்களுக்கு இசையமைத்துள்ளார். அனைத்து திரைப்படத்திலும் பெயர் சொல்லும்படியான வெற்றியை பதிவு செய்துள்ளார்.
பாடல்களில் மேஜிக்
2012ஆம் ஆண்டு வெளியான கார்த்திக் சுப்புராஜின் பீட்சா படத்துக்கும் சந்தோஷ் நாராயணன் இசையமைத்தார். அடுத்தடுத்த ஆண்டுகளில் வெளியான சூது கவ்வும், குக்கூ போன்ற படங்கள் அவரை அடுத்த கட்டத்துக்குக் கொண்டு சென்றன. குறிப்பாக குக்கூ படம் வெற்றிக்கு சந்தோஷ் நாரயணன் இசைக்கு முக்கிய பங்கு உண்டு என்றே சொல்லலாம். அந்த அளவுக்கு இப்படத்தில் இடம்பெற்ற அனைத்து பாடல்களும் மனதை வருடும் அளவுக்கு இருக்கும். படத்திற்கு ஏற்றவாறு அற்புதமாக இசையமைத்து இருப்பார் சந்தோஷ் நாராயணன்.
குக்கூ படத்தில் இவரின் பாடல்கள் சில
“மனசுல சூரக் காத்தே அடிக்குது காதல் பூத்தே
நிலவே சோறூட்டுதே கனவே தாலாட்டுதே
மின்னல் ஓசையும் காதிலே கேட்குதே
உந்தன் வாசனை வானவில் காட்டுதே”
”ஆகாசத்த நான் பாக்குறேன்
ஆறு கடல் நான் பாக்குறேன்
கண்ணால எதையும்
காணாத இவதான்
கண்ணீரப் பாத்தேனே” இந்த பாடல்கள் இன்றும் பேருந்து பயணங்கள், ரயில் பயணங்கள் என எங்கு சென்றாலும் பலர் விரும்பி கேட்கும் பாடலாக இருக்கிறது.
இயக்குநர் கார்த்திக் சுப்புராஜ், இயக்குநர் ரஞ்சித், இயக்குநர் நலன் குமாரசாமி, இயக்குநர் மாரி செல்வராஜ், இயக்குநர் ராஜுமுருகன் இவர்களுக்கு ஆஸ்தான இசையமைப்பாளர் சந்தோஷ் நாராயணன்.
சூது கவ்வும்
எனக்குள் ஒருவன
காதலும் கடந்து போகும்
பரியேறும் பெருமாள என இப்படிப்பட்ட படங்களுக்கு சந்தோஷின் இசை முக்கிய பங்கு வகித்தது.
பரியேறும் பெருமாள் படத்தில் இடம்பெற்றுள்ள இந்த பாடல்
“ரெக்கை வெச்சான்
வானத்தை அள்ள
கத்தி நின்னேன் கரணம் இல்ல
ஓரம் நிக்க தேவை இல்ல” இது நாம் அனுபவிக்காத ஒரு வித்தியாசமான உணர்வை கொடுக்கும்.
இணையத்தில் கோடி பார்வையாளர்கள்
அதேபோல் சூப்பர் ஸ்டார் ரஜினிகாந்துக்கு கபாலி, காலா, விஜய்க்கு பைரவா, தனுஷுக்கு கொடி, வடசென்னை என ரசிகர்கள் கொண்டாடும் வகையில் பாடல்கள் கொடுத்து இருப்பார்.
இவரின் பெரும்பாலான பாடல்கள் இணையத்தில் கோடி பார்வையாளர்களை கடந்து சென்று கொண்டிருக்கிறது. குறிப்பாக மேகமோ அவள் கண்ணம்மா ஆகாயம் தீப்பிடிச்சா என பல பாடல்கள் மக்கள் மத்தியில் ஒரு தனி இடம் பிடித்துள்ளது.
உதயநிதி ஸ்டாலின் நடிப்பில் 2016ஆம் ஆண்டு வெளியான திரைப்படம் மனிதன். இந்த படத்திற்கு சந்தோஷ் நாரயணன் இசையமைத்து இருப்பார். இந்த படத்தில் இடம்பெற்ற ”அவள் குழல் உதிா்த்திடும் இலை எனை துளைத்திடும் இடைவெளி முளைத்திடும் நேரம் உயிா் நனைத்திடும்” என்ற பாடல் ரசிகர்கள் மத்தியில் நல்ல வரவேற்பை பெற்றது. இந்த பாடலை பாடலாசிரியர் விவேக் எழுதி இருப்பார்.இதே போல 2016 ல் வெளிவந்த இறைவி படத்தில் இடம்பெற்ற பாடல்
”கண்ணக் காட்டி
முறைச்சா ஒத்த வாட்டி
சிாிச்சாப் போதும் சொச்ச
காலம் இனிக்கும் பச்ச
வாழை துளிா்க்கும் நேரம்” என்ற பாடலும் மீண்டும் செம ட்ரெண்டானது.
பெரும் தாக்கத்தை ஏற்படுத்திய பாடல்
மாரி செல்வராஜ் எழுதி இயக்கி தனுஷ் நடிப்பில் 2021 ஆம் ஆண்டு வெளியான திரைப்படம் கர்ணன். இப்படத்தில் சந்தோஷ் நாரயணன் பாடல் மக்கள் மத்தில் பெரும் தாக்கத்தை ஏற்படுத்தியது என்றே சொல்லலாம். அப்படி இப்படத்தில் இடம் பெற்ற ”கண்டா வரச்சொல்லுங்க கர்ணனை கையோட கூட்டி வாருங்க” என்ற பாடல் செம ஹிட். குறிப்பாக கிடக்குழி மாரியம்மாள் குரலில் இப்பாடல் அற்புதமாக அமைந்திருக்கும்.
தனது தனித்துவமான இசையால் மக்கள் மனதை வெற்ற இசை நாயகன் சந்தோஷ் நாராயணன் பிறந்தநாள் இன்று. இன்றைய தினம் அவருக்கு வாழ்த்து கூறுவோம். இந்துஸ்தான் தமிழ் சார்பாக பிறந்தநாள் வாழ்த்துக்கள்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்