HBD Abhirami : உன்னை விட இந்த உலகத்தில் ஒசந்தது ஒன்னும் இல்ல.. அன்னலட்சுமி நினைவிருக்கா? நடிகை அபிராமி பிறந்தநாள் இன்று!
Jul 26, 2024, 06:30 AM IST
Share
HBD Abhirami: விருமாண்டி படத்தில் நடித்த பிறகு எந்த சினிமாவிலும் நடிக்காமல் பத்து ஆண்டுகள் குடும்ப வாழ்க்கையில் ஈடுபட்டிருந்தார். அதற்கு பிறகு 36 வயதினிலே என்ற படத்தின் மூலம் மீண்டும் தமிழ் சினிமாவில் காலடி எடுத்து வைத்தார் அபிராமி.
கேரள மாநிலம் திருவென்றம் மாநிலத்தில் ஜூலை 26 ஆம் தேதி 1983 ஆம் ஆண்டு பிறந்தவர் அபிராமி. கோபி குமார் புஷ்பா தம்பதிக்கு பிறந்தார்.
கேரளாவை பூர்வீகமாகக் கொண்ட அபிராமி குழந்தை நட்சத்திரமாக சினிமாவில் அறிமுகமானவர். 1995ஆம் ஆண்டு வெளியான காத்தபுருஷன் என்ற படத்தின் மூலம்தான் அவர் அறிமுகமானார். அதனைத் தொடர்ந்து மலையாளத்தில் பத்ரம், ஸ்ரதா, மில்லினியம் ஸ்டார்ஸ் உள்ளிட்ட படங்களில் நடிகையாக நடிக்க ஆரம்பித்துவிட்டார்.
தமிழ் சினிமாவில் உச்சத்தில் இருந்த எத்தனையோ நடிகைகள் திருமணத்திற்கு பிறகு ஆள் இடம் தெரியாமல் மறைந்து விட்டனர். குறிப்பிட்ட காலத்திற்குப் பிறகு மீண்டும் சினிமாவில் நடித்து தங்களது இடத்தை நிரூபித்து காட்டுவார்கள்.
தவிர்க்க முடியாத நடிகை
அந்த வரிசையில் ஒரு படத்தின் மூலம் மிகப்பெரிய வெற்றியை கண்டு இன்று வரை தமிழ் சினிமாவில் தவிர்க்க முடியாத நடிகையாக இருந்து வருபவர் நடிகை அபிராமி. விருமாண்டி திரைப்படத்தில் நடித்து மிகப்பெரிய உச்சத்தை அடைந்தவர் இவர்.
அர்ஜுன் நடித்து வெளியான வானவில் திரைப்படத்தின் மூலம் அபிராமி தமிழ் சினிமாவில் அறிமுகமானார். மிடில் கிளாஸ் மாதவன், சமுத்திரம் உள்ளிட்ட படங்களில் இவர் நடித்துள்ளார். கமல்ஹாசன் நடித்து வெளியான விருமாண்டி திரைப்படத்தில் அன்னலட்சுமி என்ற கதாபாத்திரத்தின் மூலம் மிகப்பெரிய நடிகையாக அவதாரம் எடுத்தார். இதனால் தமிழ் சினிமாவில் இவருக்கு தனி ரசிகர்கள் கூட்டமே உருவானது.
36 வயதினிலே என்ற படத்தின் மூலம் ரீ என்டரி
விருமாண்டி படத்தில் நடித்த பிறகு எந்த சினிமாவிலும் நடிக்காமல் பத்து ஆண்டுகள் குடும்ப வாழ்க்கையில் ஈடுபட்டிருந்தார். அதற்கு பிறகு 36 வயதினிலே என்ற படத்தின் மூலம் மீண்டும் தமிழ் சினிமாவில் காலடி எடுத்து வைத்தார். மீண்டும் சினிமாவில் கவனம் செலுத்த தொடங்கியுள்ள அபிராமி கன்னடம், தமிழ், தெலுங்கு, மலையாளம் என அனைத்து மொழிகளிலும் பிஸியாக இருந்து வருகிறார்.
தமிழில் ‘மிடில் கிளாஸ் மாதவன்’ ‘சமுத்திரம்’ ‘சார்லி சாப்ளின்’ ‘மாறா’ ‘நித்தம் ஒரு வானம்’ உள்ளிட்ட பல படங்களில் நடித்தவர் நடிகை அபிராமி. பல படங்களில் நடித்தாலும் கமலுடன் விருமாண்டி படத்தில் இவர் ஏற்று நடித்த அன்னலட்சுமி கதாபாத்திரம் இன்றும் மக்கள் மனதில் நிற்கிறது.
திருமணம்
இவர் பிரபல எழுத்தாளரான பவணனின் பேரன் ராகுல் பவணனை கடந்த 2009 ஆம் ஆண்டு டிசம்பர் 27 ஆம் தேதி திருமணம் செய்து கொண்டார். இவர்களுக்கு நீண்ட நாட்களாக குழந்தை இல்லாமல் இருந்த நிலையில், கல்கி என்ற பெண் குழந்தையை இருவரும் தத்தெடுத்துக்கொண்டனர். இது குறித்து மிகவும் நெகிழ்ச்சியாக பதிவுகளை வெளியிட்டார் அபிராமி.
மணிரத்னம் இயக்கத்தில் கமல் நடிக்கும் தக் லைஃப் படத்திலும் அவர் கமிட்டாகியிருக்கிறார் என்று கூறப்படுகிறது. இந்நிலையில் அபிராமி சினிமாவில் தனக்கு நேர்ந்த கசப்பான அனுபவம் குறித்து பேசியிருக்கிறார். அவர் பேசுகையில், "உடல்ரீதியாக நானும் விமர்சனங்களை சந்தித்திருக்கிறேன்.
அபிராமி பிறந்தநாள் இன்று
என்னுடைய உயரத்தை வைத்து கேலி செய்திருக்கிறார்கள். அதேபோன்று என்னுடைய தாடையும் கொஞ்சம் நீளமாக இருக்கும். அதையும் கிண்டலடித்திருக்கிறார்கள்" என்றார். அபிராமி இன்று தனது பிறந்தநாளை கொண்டாடி வருகிறார். அவருக்கு இந்துஸ்தான் டைம்ஸ் தமிழ் சார்பாக வாழ்த்துகள்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்