Budget 2024: காங்கிரஸ் சொன்னதை காப்பி அடிச்சி வச்சி இருக்கீங்க! பட்ஜெட்டை பிரித்து மேய்ந்த ராகுல் காந்தி!
Budget 2024: கூட்டணி கட்சிகளை சமாதானம் செய்யும் வகையில் பட்ஜெட் வடிவமைக்கப்பட்டு உள்ளதாகவும், சாமானிய இந்தியர்களுக்கு எந்த திட்டமும் இல்லை எனவும் எதிர்க்கட்சித் தலைவர் ராகுல் காந்தி கூறி உள்ளார்.
மூன்றாவது முறையாக பொறுப்பு ஏற்று உள்ள மோடி அரசின் இடைக்கால பட்ஜெட்டை மக்களவை எதிர்க்கட்சித் தலைவர் ராகுல் காந்தி விமர்சித்து உள்ளார்.
நிர்மலா சீதாராமன் உரை
கூட்டணி கட்சிகள் ஆதரவு உடன் மூன்றாவது முறையாக பொறுப்பு ஏற்றுள்ள நரேந்திர மோடி தலைமையிலான தேசிய ஜனநாயக கூட்டணி அரசு, இன்று தனது முதல் இடைக்கால பட்ஜெட்டை நாடாளுமன்ற மக்களவையில் தாக்கல் செய்தது. நாடாளுமன்ற மக்களவையில் பட்ஜெட் உரையை வாசித்த நிதியமைச்சர் நிர்மலா சீதாராமன், "பிரதமர் மோடி தலைமையிலான அரசாங்கத்தின் மீது இந்திய மக்கள் நம்பிக்கை வைத்து, வரலாற்று சிறப்புமிக்க மூன்றாவது முறையாக அதை மீண்டும் தேர்ந்தெடுத்துள்ளனர். ஏழைகள், பெண்கள், விவசாயிகள், இளைஞர்களை மையப்படுத்தி பட்ஜெட் தயாரிக்கப்பட்டு உள்ளது என தெரிவித்தார்.
9 முன்னுரிமைகள்
இதில் உற்பத்தி, வேலைகள், சமூக நீதி, நகர்ப்புற மேம்பாடு, எரிசக்தி பாதுகாப்பு, உள்கட்டமைப்பு, புதுமை மற்றும் சீர்திருத்தங்கள் ஆகியவை அடங்கியதாக இருக்கும் என நிர்மலா சீதாராமன் தெரிவித்தார்.