பூகம்பத்தை கிளப்பிய ஆள் மாறாட்ட டாஸ்க்..முத்து மீது டார்கெட் - ஜாக்குலின், அன்ஷிதாவின் வன்மம்! பிக்பாஸ் இன்றைய எபிசோட்

பிக்பாஸ் 8 தமிழ் கடந்த 6ஆம் தேதி 18 போட்டியாளர்களுடன் தொடங்கியது. பரபரப்பாக சென்று கொண்டிருக்கும் பிக்பாஸ் தற்போது 23 நாள்களை கடந்தள்ளது. ஒவ்வொரு சீசனிலும் தவறாமல் இடம்பிடிக்கும் ஆள்மாறாட்டம் டாஸ்க் அரங்கேற்றப்பட்டது. இதில் போட்டியாளர்கள் ஒவ்வொருவரும் தங்களது சக போட்டியாளர்களில் ஒருவராக பாவித்து வேற லெவலில் பெர்பார்மான்ஸ் செய்தனர்.

பிக் பாஸ் இன்றைய புரொமோ

இன்று வெளியான முதல் ப்ரோமோவில் ஆள் மாறட்ட டாஸ்கில் சக போட்டியாளர்கள் கேரக்டர்களாக இருப்பவர்கள் மாற்றி கொள்ள விரும்பும் விஷயங்களை சொல்கிறார்கள். சுனிதா கேரக்டராக இருக்கும் அனிதா "நான் ஓபி அடிப்பதை மாத்திக்க விரும்புறேன்" என்கிறார்.

செளந்தர்யாவாக இருக்கும் ஆனந்தி, "நீங்க எல்லாரும் மாறிட்டாலே என் லைஃப் நல்லா இருக்கும்" என சொல்ல குபீர் சிரிப்பு சிரிக்கிறார் செளந்தர்யா. அதேபோல் அன்ஷிதாவாக வரும் ஜாக்குலின், "சுனிதா ஒரு விஷயமா சொல்லி எல்லாத்துக்கு ஆட்ரதை விட்டு ஏன் ஒபியனை சொல்லனும்னு" எரியில் நெருப்பில் எண்ணெய் ஊற்றியவாறு சுனிதா, அன்ஷிதா பார்வை பற்றி எரியும் விதமாக இருந்தது.

இதற்கு பதிலடி தரும் விதமாக ஜாக்குலினாக இருந்து வரும் அன்ஷிதா, "மத்தவங்களை குறை சொல்றதுதான் ஏன் வேலை" என பொங்க அதிடியாக இன்றயை எபிசோட் இருக்கும் என தெரிகிறது.

மற்றொரு ப்ரோமோவில், விஷால் மற்றும் சத்யா இணைந்து முத்துவை டார்கெட் செய்கிறார்கள். விஷால் “விஜய் சேதுபதி சார் ஆட்டுமந்தை மாதிரி முத்துக்குமாரன் பின்னாடி ஓடிக்கிட்டே இருக்கிங்கனு சொன்ன அந்த விஷயம் மண்டைக்குள்ள ஓடிக்கிட்டே இருக்கு மச்சான்” என்று சத்யாவிடம் கூறுகிறார். அதற்கு சத்யாவும் “ஆமாம் மச்சான் அவன் நல்லா மைண்ட் கேம் ஆடுறான்” என்று கூறுகிறார். அத்துடன், அவன் பக்காவாக தயாராகி தான் இந்த ஷோக்கு வந்திருக்கான் என விஷால் கூறுகிறார்.

ஆள் மாறட்ட டாஸ்க்

வீக்லி டாஸ்க்காக இருந்த இந்த ஆள் மாறட்ட டாஸ்கில், பிக்பாஸ் வீட்டில் இருக்கும் சக போட்டியாளர் தன்னை பாவித்து கொள்ளும் போட்டியாளர் அவரை போலவே நடை, உடை, பேச்சு என அவர்களின் கேரக்டராகவே வாழ வேண்டும்.

அத்தோடு நிறுத்தாமல் பிக்பாஸ் வீட்டில் நடந்த நிகழ்வு ஒன்றை நாடகமாக நிகழ்த்த வேண்டும் என கூறப்பட்டது. எல்லா சீசன்களிலும் தவறாமல் இடம்பெறும் இந்த டாஸ்கில், இந்த சீசனிலும் போட்டியாளர்கள் ஒவ்வொருவரும் தங்களது கவனத்தை பெற வைத்ததோடு இல்லாமல், இடையிடையே அவர்களின் வன்மத்தையும் வெளிக்கொட்டினார்.

சுனிதா கேரக்டரில் மிரட்டிய செளந்தர்யா

போட்டியாளர்களில் ஜாக்குலின் அன்ஷிதாவாகவும், செந்தர்யா சுனிதாவாகவும், சுனிதா சாச்சனாவாகவும், சாச்சனா ஆனந்தியாகவும், அன்ஷிதா ஜாக்குலினாகவும், ஆனந்தி செளந்தர்யாவாகவும், பவித்ரா தர்ஷிகாவும், தர்ஷிகா பவித்ராவாகவும் மாறினார்.

அதேபோல் ஆண் போட்டியாளர்களில், அருண் சத்யாவாகவும், சத்யா அருணாகவும், ஜெப்ரி தீபக் ஆகவும், விஷால் முத்துவாகவும், தீபக் விஷால் ஆகவும், ரஞ்சித் ஜெப்ரி ஆகவும், முத்து ரஞ்சித் ஆகவும் மாறினார்.

இந்த ஆள்மாறட்ட கேரக்டர்களில் செளந்தர்யாவின் பெர்பார்மென்ஸ் பிக்பாஸ் ஹவுஸ்மேட்களுக்கு இடையில் மட்டுமல்லாமல், ரசிகர்கள் மத்தியிலும் வெகுவாக ரசிக்கப்பட்டது.

ஏற்கனவே ஏழாம் பொருத்தத்துடன் உறவாடி வரும் சுனிதாவின் கேரக்டர் தனக்கு கிடைக்க, அப்படியே இன்ச் பை இன்ச் சுனிதாவாக மாறி கச்சிதமாக வெளிப்படுத்தி அப்லாஸ் வாங்கினார். அன்ஷிதாவிடம் ஒட்டிக்கொண்டே இருப்பது முதல் அழுவது வரை செளந்தர்யா செம என்டர்டெயின்மெண்ட் கொடுத்தார். இவருக்கு அடுத்தபடியாக ஜாக்குலின், ரஞ்சித், முத்து, விஷால் ஆகியோரின் நடிப்பும் வெகுவாக ரசிக்கப்பட்டது.

வீட்டுக்குள் கிளம்யிய பூகம்பம்

பூகம்பத்தை கிளப்பும் விதமாக பிக்பாஸ் தொடங்கி வைத்த இந்த ஆள்மாறட்ட டாஸ்க் நன்றாக ஒர்அவுட் ஆகியுள்ளது. டாஸ்கின் போது பெர்பார்மென்ஸில் ஒருவரை மிஞ்சும் விதமாக போட்டி போட்டுக்கொண்டு நடிப்பை வெளிப்படுத்த, திடீரென் டாஸ்குக்கு பாஸ் கொடுத்த பிக்பாஸ் நாளை வேக்அப் பாடலுக்கு பிறகு மீண்டும் தொடங்கும் என சொல்லி முடித்தார்.

இதற்கிடையே இந்த டாஸ்க்கின் போது போட்டியாளர்கள் சிலர் தங்களை மற்ற போட்டியாளர் இமிடேட் செய்தை சிரித்து ரசித்தாலும், ஒரு பக்கம் மனதுக்குள் புகைச்சலை உண்டாக்கி இருக்கும் என்றே கூறலாம். அதற்கு ஏற்றார் போல் டாஸ்க் தற்காலிகமாக நிறுத்தப்பட்டதுடன் அப்பாட என தங்களது சுய கேரக்டருக்கு சென்ற ஒவ்வொருவரும் தங்களது அபிமானவர்களிடம் கூடி பேசி புறணியை ஆரம்பித்துள்ளனர்.

எனவே இன்றைய நாள், தீபாவளிக்கு முந்தைய நாள் பிக்பாஸ் பற்ற வைத்த நெருப்பு ஒவ்வொரு போட்டியாளர் மனதில் பற்றி எரிந்துகொண்டிருக்கும் என்ற எதிர்பார்க்கலாம்.