கங்குவா வசூல்! எங்களுக்கும் கடவுள் பக்தி இருக்கு..ஜோடியாக மூகாம்பிகை கோயிலில் சூர்யா - ஜோதிகா சாமி தரிசனம்

சூர்யா நடிப்பில் இரண்டு ஆண்டுகள் கழித்து கடந்த 14ஆம் தேதி வெளியாகியிருக்கும் கங்குவா படத்துக்கு எதிர்மறையான விமர்சனங்கள் எழுந்த படத்தின் படத்தின் பாக்ஸ் ஆபிஸ் வசூல் கடுமையாக பாதிக்கப்பட்டது. இதையடுத்து படம் தொடர்பாக பலரும் எதிர்மறை கருத்துகளை வேண்டுமென்றே பரப்புவதாக சூர்யாவின் மனைவியும், நடிகையுமான ஜோதிகா கருத்து தெரிவித்திருந்தார்.

இதையடுத்து கங்குவா படம் ரிலீசாகி இரண்டு வாரங்கள் ஆகியிருக்கும் நிலையில், தற்போது பேமிலி ஆடியன்ஸ் தயவால் படத்தின் வசூல் மெல்ல அதிகரித்து வருகிறது. ரூ. 400 கோடி பட்ஜெட்டில் உருவாகியிருக்கும் கங்குவா படம் தற்போது ரூ. 100 கோடிக்கு மேல் வசூலை எட்டியுள்ளது.

வரும் வாரம் பெரிய படங்கள் எதுவும் ரிலீஸ் ஆகாத நிலையில், டிசம்பர் 5ஆம் தேதி பான் இந்தியா படமான புஷ்பா 2 ரிலீஸ் ஆக இருக்கிறது. இதற்கு இடைப்பட்ட காலத்தில் கங்குவா வசூலை குவித்தால் மட்டுமே தப்பிக்க முடியும்.

சூர்யா - ஜோதிகா சாமி தரிசனம்

கங்குவா படம் தொடர்பான விமர்சனங்களுக்கு மத்தியில், கர்நாடகா மாநிலத்தில் உள்ள மூகாம்பிகை கோயிலில் சூர்யா - ஜோதிகா ஜோடியாக சாமி தரிசனம் செய்தனர். இதுதொடர்பான புகைப்படங்கள் சமூக வலைத்தளங்களில் வெளியாகி வைரலாகி வருகின்றன.

கர்நாடகாவில் கொல்லூரில் அமைந்திருக்கும் மூகாம்பிகை கோயிலில் மனைவி ஜோதிகாவுடன், நடிகர் சூர்யா சண்டி யாகம் செய்துள்ளார் எனவும் தகவல்கள் தெரிவிக்கின்றன. வாழ்க்கையில் சந்திக்கும் தடைகளில் இருந்து விலகவும், எதிரிகளை வீழ்ததவும் சண்டி யாகம் செய்வதென்பது நம்பிக்கையாக இருந்து வருகிறது.

அந்த வகையில், நீண்ட நாள்களுக்கு பிறகு மிகுந்த எதிர்பார்ப்புக்கு மத்தியில் வெளியான கங்குவா படம் மீது கடுமையான விமர்சனங்கள் முன் வைக்கப்பட்டிருக்கும் நிலையில், சூர்யா மற்றும் ஜோதிகா ஆகிய முன்னர் பேசிய பேச்சுக்களையும் சுட்டிக்காட்டி அவர்களின் மீது தனிமனித தாக்குதல்களும் நடந்து வருகிறது.

இந்த நேரத்தில் சாமி தரிசனம் செய்துள்ள இந்த ஸ்டார் தம்பதியினர், தாங்களும் பக்தி மிக்கவர்கள் தான் என்பதை வெளிச்சம் போட்டு காட்டியுள்ளார்கள்.

நரசிம்மர் கோயிலில் சூர்யா

கடந்த வாரம் கங்குவா படம் இயக்குநர் சிறுத்தை சிவாவுடன், ராணிப்பேட்டை மாவட்டம் சோளிங்கரில் இருக்கும் யோக நரசிம்மர் கோயிலுக்கு சென்று சாமி தரிசனம் செய்தார். இதுதொடர்பான விடியோக்கள், புகைப்படங்கள் வெளியாகின. இதன் தொடர்ச்சியாக தற்போது கர்நாடகா மூகாம்பிகை கோயிலில் மனைவி ஜோதிகாவுடன் சாமி தரிசனம் அமைந்துள்ளது.

எதிர்பார்ப்பை ஏற்படுத்திய சூர்யா 44 படம்

சூர்யாவின் கங்குவா படத்துக்கு வெளியான நெகடிவ் விமர்சனம், இனி திரையரங்குகளில் முதல்நாள் ஷோ ரிவியூவுக்கு யூடியூப் சேனலுக்கு தயாரிப்பாளர்கள் சங்கத்தினர் தடை விதிக்கும் அளவுக்கு பாக்ஸ் ஆபிஸ் வசூலில் பாதிப்பை ஏற்படுத்தியிருக்கிறது. இது ஒரு புறம் இருக்க சூர்யா தற்போது கார்த்திக் சுப்பராஜ் இயக்கத்தில் புதிய படத்தில் நடித்து வருகிறார். சூர்யா 44 என்று அழைக்கப்படும் இந்த படத்தில் சூர்யா ஜோடியாக பூஜா ஹெக்டே நடிக்கிறார். ஜெயராம், ஜோஜு ஜார்ஜ், கருணாகரன், நாசர், பிரகாஷ் ராஜ் உள்பட பலர் நடித்து வரும் படத்தில் நடிகை ஷ்ரேயா ஒரு பாடலுக்கு நடனமாடுகிறார்.

சூர்யாவுக்கு கம்பேக் கொடுக்கும் என எதிர்பார்க்கப்படும் இந்த படம் அடுத்த ஆண்டு கோடை விடுமுறை ஸ்பெஷலாக திரைக்கும் வரும் என தெரிகிறது.