பெரிய ஸ்டார் நடிகருடன் இணையும் ராஜ்குமார் பெரியசாமி முதல் கிரிக்கெட் வீரருக்கு ஜோடியாக ஓவியா வரை - டாப் 10 சினிமா நியூஸ்
Nov 05, 2024, 09:09 PM IST
Share
Top 10 Cinema News: அமரன் திரைப்படத்தை பாராட்டிய நடிகை ஜோதிகா, "விஜய் 69" படத்தின் இரண்டாம் கட்ட படப்பிடிப்பு தொடக்கம், ராஜ்குமார் பெரியசாமி இயக்கத்தில் தனுஷ் நடிக்கவுள்ளது உள்பட இன்றைய டாப் 10 சினிமா செய்திகளை இந்த தொகுப்பில் சுருக்கமாக காணலாம்.
ராஜ்குமார் பெரியசாமி இயக்கத்தில தனுஷ்?
அமரன் படம் வெற்றிகரமாக ஓடிவரும் நிலையில் ராஜ்குமார் பெரியசாமியின் அடுத்த படம் குறித்த கேள்வி தற்போது எழுந்துள்ளது. நீண்ட காலமாக அவர் நடிகர் தனுஷுடன் அடுத்த படத்தில் இணைவார் என்பது கோலிவுட் வட்டாரத்தில் பேச்சாக உள்ளது. இந்நிலையில் இது குறித்து தற்போது ராஜ்குமார் பெரியசாமியும் மனம் திறந்து பேசியுள்ளார். தன்னுடைய அடுத்த படத்தில் கோலிவுட்டின் பவர்ஃபுல் நடிகருடன் தான் இணைய உள்ளதாகவும் ஆனால் இது குறித்து விரைவில் அறிவிப்பு வெளியாகும் என்றும் ராஜ்குமார் பெரியசாமி தெரிவித்துள்ளார்.
"விஜய் 69" இரண்டாம் கட்ட படப்பிடிப்பு தொடக்கம்
நடிகர் மற்றும் த.வெ.க. கட்சி தலைவர் விஜய் நடிக்கும் "விஜய் 69" படத்தின் இரண்டாம் கட்ட படப்பிடிப்பு சென்னையில் தொடங்கியது. இப் படத்தில் பூஜா ஹெக்டே, பிரகாஷ் ராஜ், பிரியாமணி மற்றும் பல நடிகர்கள் துணை நடிகர்கள் உள்ளிட்டோர் நடிக்கும் இந்த படத்துக்கு இசை அமைப்பாளர் அனிருத் இசையமைக்கிறார். இந்த படம் அடுத்த ஆண்டு அக்டோபர் மாதத்தில் வெளியாகும் என தகவல் வெளியாகியுள்ளது.
அமரன் படத்தை பாராட்டிய நடிகை ஜோதிகா
"ஜெய் பீம்" படத்துக்குப் பின் தமிழின் மற்றொரு க்ளாசிக் திரைப்படம் ‘அமரன்’. கடைசி 10 நிமிடத்தில் என் இதயத்தை உலுக்கிவிட்டது” என நடிகை ஜோதிகா ‘அமரன்’ படத்துக்கு பாராட்டு தெரிவித்துள்ளார்.
தக் லைஃப் சிறப்பு வீடியோ ரிலீஸ்
நடிகர் கமல்ஹாசனின் பிறந்த நாளை முன்னிட்டு வரும் நவம்பர் 7 ஆம் தேதி ‘தக் லைஃப்’ படத்தின் சிறப்பு வீடியோ காட்சி வெளியாகும் என படக்குழு அறிவித்துள்ளது. இந்த படத்தில் சிம்பு, த்ரிஷா, அபிராமி, கவுதம் கார்த்திக், ஜோஜு ஜார்ஜ், ஐஸ்வர்யா லட்சுமி உட்பட பலர் நடிக்கின்றனர். ஏ.ஆர்.ரஹ்மான் இசையமைக்கும் இந்தப் படத்துக்கு ரவி.கே.சந்திரன் ஒளிப்பதிவு செய்கிறார். இதில் கமல்ஹாசன் 3 வேடங்களில் நடிக்கிறார். ராஜ்கமல் பிலிம்ஸ் இன்டர்நேஷனல், மெட்ராஸ் டாக்கீஸ், ரெட் ஜெயன்ட் மூவிஸ் இணைந்து தயாரிக்கின்றன.
தண்டல் ரிலீஸ் எப்போது?
நாக சைதன்யா, சாய் பல்லவி நடிப்பில் உருவாகியுள்ள ‘தண்டல்’ திரைப்படம் 2025 பிப்ரவரி 7ம் தேதி வெளியாகும் என படக்குழு அறிவிப்பு வெளியிட்டுள்ளது. தமிழ், தெலுங்கு, இந்தி ஆகிய மொழிகளில் வெளியாகும் இப்படத்திற்கு தேவி ஸ்ரீ பிரசாத் இசையமைத்துள்ளார்.
33 ஆண்டுகள் நிறைவு
சந்தான பாரதி இயக்கத்தில் கமல்ஹாசன் நடிப்பில் இளையராஜா இசையில் உருவான ‘குணா’ திரைப்படம் வெளியாகி இன்றோடு 33 ஆண்டுகளை நிறைவு செய்துள்ளது.
புஷ்பா-2 டிரைலர் அப்டேட்
புஷ்பா -2 திரைப்படத்தின் டிரைலர் விரைவில் வெளியிட உள்ளதாகத் தயாரிப்பு நிறுவனம் அறிவித்துள்ளது. இப்படம் டிசம்பர் 6 ஆம் தேதி வெளியாவதாக அறிவிக்கப்பட்டிருந்தது. ஆனால், மீண்டும் வெளியீட்டுத் தேதியை மாற்றியுள்ளனர். அதன்படி, டிசம்பர் 5 ஆம் தேதி புஷ்பா வெளியாக உள்ளது.
பதிலடி கொடுத்த நடிகை சமந்தா
தனது உடல் எடை குறித்த விமர்சனங்களுக்கு நடிகை சமந்தா "வாழு வாழவிடு" என பதிலடி கொடுத்திருப்பது தற்போது சமூகவலைதளங்களில் வைரலாகி வருகிறது.
வைரலாகும் புகைப்படங்கள்!
பாலிவுட் நடிகை சன்னி லியோன் அவரது கணவரை மீண்டும் திருமணம் செய்துள்ளார். அவரகளது மூன்று குழந்தைகளின் முன்னிலையில் மாலத்தீவில் வைத்து திருமணம் நடைபெற்றதாக இன்ஸ்டாவில் போட்டோ பதிவிட்டுள்ளார்.
Savior போஸ்டர் வெளியீடு
ஜான் பால் ராஜ் இயக்கத்தில் இந்திய முன்னாள் கிரிக்கெட் வீரர் ஹர்பஜன் சிங், ஓவியா உள்ளிட்டோர் நடிக்கும் புதிய படத்திற்கு ‘Savior' என பெயரிடப்பட்டுள்ளது. போஸ்டர்களை பகிர்ந்து கதாபாத்திரங்களை அறிமுகப்படுத்தியுள்ளது படக்குழு. இந்த படத்தில் ஹர்பஜன் சிங்கிங்கிற்கு ஜோடியாக ஓவியா நடிக்கலாம் என கூறப்படுகிறது.
டாபிக்ஸ்