அம்மா ஆக போகிறார் கபாலி பட நடிகை..ரெட் கார்பெட் நிகழ்வில் பேறுகால வயிறுடன் சர்ப்ரைஸ் விசிட்

சூப்பர்ஸ்டார் ரஜினிகாந்துடன் இணைந்து கபாலி படத்தில் நடித்து தனது அற்புத நடிப்பால் ரசிகர்களை கவர்ந்த நடிகை ராதிகா ஆப்தே மற்றும் அவரது கணவர் பெனடிக்ட் டெய்லர் ஆகியோர் தங்களது முதல் குழந்தையை எதிர்பார்க்கின்றனர். சிஸ்டர் என்ற படத்தி|ன் ரெட் கார்பெட் நிகழ்வின் போது ராதிகா ஆப்தே கர்ப்பி|ணியாக இருப்பது தெரியவந்துள்ளது.

இந்த படத்தின் ஸ்கிரீனிங் பிஎஃப்ஐ லண்டன் திரைப்பட விழாவில் அக்டோபர் 16ஆம் தேதி நடைபெற்றது. இந்த நிகழ்ச்சிக்கு நிறைமாத கர்ப்பிணியாக ராதிகா ஆப்தே வந்திருந்தது பலருக்கு சர்ப்ரைஸ் அளிக்கும் விஷயமாக இருந்தது.

ராதிகா ஆப்தே மறைமுக அறிவிப்பு

தனது இன்ஸ்டா பக்கத்தில் சிஸ்டர் படத்தின் ரெட் கார்பெட் நிகழ்வின் புகைப்படத்தை பகிர்ந்திருக்கும் ராதிகா ஆப்தே, சிஸ்டர் மிட்னைட் யுகே ப்ரீமியர் #lff2024 என கேப்ஷனாக பதிவிட்டுள்ளார்.

இதில் தனது கர்ப்ப வயிற்றுடன் இருக்கும் தனி புகைப்படத்தையும் பகிர்ந்து தனது கர்ப்பம் குறித்த அறிவிப்பையும் மறைமுகமாக தெரிவித்துள்ளார். அவரது இந்த பதிவில் ரசிகர்கள் பலரும் தங்களது சர்ப்ரைஸை வெளிப்படுத்தியுள்ளனர்.

ராதிகா ஆப்தே கணவர் யார்?

பிரிட்டிஷ் வயலின் கலைஞர் மற்றும் இசையமைப்பாளர் பெனடிக்ட் டெய்லர் என்பவரை ராதிகா ஆப்தே கடந்த 2012இல் திருமணம் செய்து கொண்டார். இருவரும் பொழுதுபோக்கு துறையில் பணிபுரிந்து வரும் நிலையில் லண்டன், மும்பை என மாறி மாறி நேரத்தை செலவிட்டு வந்துள்ளனர்.

கடந்த 2011இல் நடன கலை ஒன்றை கற்றுகொள்வதற்காக நடிகை ராதிகா ஆப்தே லண்டன் சென்றிருந்தபோது பெனடிக்ட் டெய்லரை சந்தித்துள்ளார். இதன்பின்னர் இவர்கள் லிவிங் டூகெதரில் இருந்து வந்த நிலையில், 2012இல் பெர்சனலாக திருமணம் செய்து கொண்டனர்.

ராதிகா ஆப்தே புதிய படங்கள்

பாலிவுட்., தென்னிந்திய சினிமாக்களில் நடித்திருக்கும் ராதிகா ஆப்தே கடைசியாக கடந்த ஜனவரி மாதம் வெளியான மெர்ரி கிறிஸ்துமஸ் படத்தில் கேமியோ கதாபாத்திரத்தில் நடித்திருந்தார். இந்த படத்தில் விஜய் சேதுபதி, கத்ரீனா கைஃப் ஆகியோர் பிரதான கதாபாத்திரங்களில் நடித்திருப்பார்கள்.

இது தவிர அக்கா என்ற த்ரில்லர் சீரிஸிலும் கீர்த்தி சுரேஷுடன் இணைந்து நடித்துள்ளார். அறிமுக இயக்குநர் தர்மராஜ் ஷெட்டி இந்த சீரிஸை இயக்கி வருகிறார்.

விரக்தியுடனும், வேறு வேறு மனநிலையுடனும் இருக்கும் புதுமணத் தம்பதியைப் பற்றிய காமெடி கதையாக சிஸ்டர் மிட்நைட் உருவாகியுள்ளது. கரண் கந்தாரி இயக்கியுள்ள இந்த படம் கடந்த மே மாதம் கேன்ஸ் திரைப்பட விழாவில் திரையிடப்பட்டது

ராதிகா ஆப்தே சர்ச்சை

தமிழில் பிரகாஷ் ராஜ் நடித்து, இயக்கிய தோனி படம் மூலம் அறிமுகமானார் நடிகை ராதிகா ஆப்தே. இதன் பின்னர் வெற்றிச்செல்வன், கார்த்தியுடன் ஆல் இன் ஆல் அழகு ராஜா, சூப்பர் ஸ்டார் ரஜினிகாந்துடன் கபாலி, சித்திரம் பேசுதடி 2 போன்ற படங்களில் நடித்தார். தெலுங்கு சினிமாவில் ஒரு சில படங்களில் நடித்தார். 

தொடர்ந்து இந்தியில் பிராச்ட் என்ற படத்தில் மேலாடையின்றி, நெருக்கமான படுக்கையறை காட்சிகளில் நடித்தார். இது சர்ச்சையை கிளப்பியது. இதற்கு கதைக்கு என்ன தேவையோ அதை செய்யத்தான் நடிகர்கள் இருக்கிறார்கள் என கூலாக பதில் அளித்தார். அதேபோல் தமிழ் சினிமாவில் நடிக்க வந்த புதிதில் தென்னிந்திய சினிமாக்களில் நடிகைகளிடம் பாகுபாடு காட்டுவதாக இவர் பேசியது பரபரப்பை கிளப்பியது. தற்போது கர்ப்பமாகி இருப்பதால் சினிமாக்களில் இருந்து ஒதுங்கியுள்ளார்.