பார்ட்டி இருக்கு..புஷ்பான்னா வைல்டு ஃபயர்! ஸ்ரீலீலாவின் வெறித்தனமான குத்தாட்டம் - புஷ்பா 2 ட்ரெய்லர் சம்பவங்கள்

இந்த ஆண்டின் அடுத்த பான் இந்தியா ரிலீஸாக ரசிகர்கள் மத்தியில் எதிர்பார்ப்பை ஏற்படுத்தியிருக்கும் படம் புஷ்பா 2. கடந்த ஆகஸ்ட் மாதமே வெளியாவதாக இருந்த இந்த படம் தற்போது டிசம்பர் மாதம் திரைக்கு வர தயாராகியுள்ளது. இதையடுத்து படத்தின் ட்ரெய்லர் தற்போது வெளியிடப்பட்டுள்ளது.

புஷ்பா 2 ட்ரெய்லர்

பிகார் மாநிலம் பாட்னாவில் நடைபெற்ற நிகழ்ச்சியில் புஷ்பா 2 படத்தின் ட்ரெய்லர் வெளியிடப்பட்டது. முன்னதாக, இந்த நிகழ்ச்சியில் படத்தின் ஹீரோவான ஐகானிக் ஸ்டார், ஹீரோயினாக ஸ்ரீவள்ளி என்ற கேரக்டரில் தோன்றி நேஷனல் க்ரஷ் ஆக மாறிய ராஷ்மிகா மந்தனா உள்பட படக்குழுவினர்கள் கலந்து கொண்டார்கள். நிகழ்ச்சியில் எதிர்பார்ப்பை ஏற்படுத்தியிருக்கும் புஷ்பா 2 பட ட்ரெய்லரின் தெலுங்கு மற்றும் இந்தி பதிப்பு வெளியிடப்பட்டது. இதையடுத்து படத்தின் தமிழ் உள்பட இதர பதிப்புகளின் டிரெய்லர் யூடியூப்பில் வெளியிடப்பட்டுள்ளது.

முதல் பாகத்தை காட்டிலும் தெறிக்கவிடும் அதிரடி காட்சிகள், பஞ்ச் வசனங்கள் என ட்ரெய்லர் முழுவதும் பில்டப் காட்சிகளாகவும், கூஸ்பம்ப் மொமண்ட்களாகவும் இடம்பிடித்துள்ளன.

பார்ட்டி இருக்கு

முதல் பாக ட்ரெய்லரில் ஃபஹத் பாசில் பார்ட்டி இல்லையா என கேட்கும் காட்சி இடம்பிடித்திருக்கும். இந்த பாகத்தில் அவர் பார்ட்டி இருக்குன்னு பதில் சொல்வதும், புஷ்பான்னா இண்டர்நேஷனல், புஷ்பான்னா பிராண்ட் என தொடங்கி புஷ்பான்னா இண்டர்நேஷனல், புஷ்பான்னா ஒயில்டு பயர் என ஏராளமான பஞ்ச் வசனங்களால் ட்ரெய்லர் காட்சிகள் நிரம்பியுள்ளது.

அதேபோல் ராஷ்மிகாவுடன் ரெமான்ஸ், ஸ்ரீலீலா அசத்தலான டான்ஸில் குத்துப்பாடல் என ரசிகர்களுக்கு பல விருந்து படத்தில் காத்திருக்கிறது. வரும் டிசம்பர் 5ஆம் தேதி பான் இந்தியா ரிலீஸாக புஷ்பா 2 படம் வர இருக்கிறது. படத்தில் மலையாள நடிகர் ஃபஹத் பாசில், ஜெகபதி பாபு, பிரகாஷ் ராஜ், சுனில் உள்பட பலரும் நடித்துள்ளார்கள்.

வட இந்தியாவில் பான் இந்தியா புரொமோஷன்கள்

கடந்த வாரம் பிரம்மாண்ட இயக்குநர் ஷங்கர் இயக்கத்தில், ராம் சரண், பாலிவுட் நடிகை கியாரா அத்வானி நடித்திருக்கும் கேம் சேஞ்சர் படத்தின் டீஸர் லக்னோவில் வைத்து வெளியிடப்பட்டது. இதையடுத்து தற்போது புஷ்பா 2 பட ட்ரெய்லர் பாட்னாவில் வைத்து வெளியிடப்பட்டிருக்கிறது. இதன்மூலம் வட இந்தியாவின் முக்கிய நகரங்களில் பான் இந்தியா படங்களின் புரொமோஷன்களை நடத்தும் புதிய ட்ரெண்ட் உருவாகியுள்ளது.

புஷ்பா சீரிஸ் படங்கள்

புஷ்பா சீரிஸ் படங்களை தெலுங்கு சினிமாவின் முன்னணி இயக்குநர் சுகுமார் இயக்கியுள்ளார். படத்தின் முதல் பாகம் புஷ்பா: தி ரைஸ் என்ற பெயரில் கடந்த 2021இல் வெளியானது. ஆந்திராவின் திருப்பதி வனப்பகுதியில் செம்மரக் கடத்தலில் ஈடுபடும், புஷ்பா என்கிற புஷ்பராஜின் எழுச்சியைப் படத்தின் கதை அமைந்திருந்தது. ரூ. 250 கோடி பட்ஜெட்டில் உருவான இந்த படம் ரூ. 350 கோடிக்கு மேல் வசூலித்தது. படத்தில் அல்லு அர்ஜுனின் நடிப்பு, டான்ஸ், மேனரிசம், பைட் என அனைத்தும் ரசிகர்களை வெகுவாக கவர்ந்தது. இந்த படத்துக்காக அவர் சிறந்த நடிகர் தேசிய விருதையும் வென்றார்.

இதைத்தொடர்ந்து புஷ்பா 2 படம், புஷ்பா: தி ரூல் என்ற பெயரில் வெளியாகிறது. இந்த படம் செம்மரக்கடத்தில் ஈடுபடும் புஷ்பா எப்படி இன்டர்நேஷனல் அளவில் பெரிய கடத்தல்காரன் ஆகிறார் என்பதை வெளிப்படுத்துகிறது. படத்திலிருந்து ஏற்கனவே டீஸர், சிங்கிள் ட்ராக் பாடல்கள் வெளியாகி வரவேற்பை பெற்றிருக்கும் நிலையில், தற்போது ட்ரெய்லரும் வெளியாகியுள்ளது.