GOAT: எதிர்பார்த்ததை அளித்த கோட்... தளபதி ரசிகர்களுக்கு ட்ரீட்... வெளியான மட்ட வீடியோ

நடிகர் விஜய் சினிமாவிலிருந்து ஒதுங்கி முழு நேர அரசியலில் ஈடுபட உள்ளதாக அறிவித்த நிலையில் வெளியான திரைப்படம் கோட் எனப்படும் கிரேட்டஸ்ட் ஆஃப் ஆல் டைம். இந்தத் திரைப்படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றது.

இந்த திரைப்படத்திற்கு யுவன் சங்கர் ராஜா இசையமைத்திருந்த நிலையில், பாடல்கள் அனைத்தும் கலவையான விமர்சனங்களை பெற்று வந்தது. இந்நிலையில், இத்திரைப்படத்தில் திரிஷா கௌரவ தோற்றத்தில் மட்ட பாடலுக்கு நடனமாடி இருந்தார்.

மிஷ்கின் பாணியை பின்பற்றிய வெங்கட் பிரபு

வழக்கமாக இயக்குநர் மிஷ்கின் திரைப்படங்களில் வரும் ஐட்டம் பாடல்களிலே அதிகளவு மஞ்சள் நிற உடைகள் பயன்படுத்தப்பட்டு வந்த நிலையில், கோட் திரைப்படத்திலும் வெங்கட் பிரபு இந்த பாணியை பயன்படுத்தி இருப்பார். இந்தத் திரைப்படத்தில் தந்தை மகன் என இரண்டு கெட்டப்களில் விஜய் நடித்திருந்த நிலையில், மகன் அதாவது படத்தில் குறிப்பிட்டது படி இளைய தளபதியுடன் திரிஷா ஒரு குத்து பாடலுக்கு நடனமாடி உள்ளார்.

மட்ட பாடல்- வீடியோ ரிலீஸ்

மட்ட என்ற அந்தப் பாடலுக்கு தியேட்டரில் ரசிகர்கள் அதகளம் செய்து வந்த நிலையில், படக்குழு இந்தப் பாடலின் சின்ன கிளிப்பிங்ஸ்ஸை மட்டும் வெளியிட்டிருந்தது.

இந்த பாடலின் ஸ்டெப்புகள் அனைத்தும் எனர்ஜிடிக்காக ரசிகர்களின் மனதை தொட்ட நிலையில், முழு வீடியோ பாடலை படக்குழு எப்போது வெளியிடும் என ரசிகர்கள் எதிர்பார்த்து வந்தனர்.

அவர்களின் எண்ணத்தையும், ஆசையையும் நிறைவேற்றும் வகையில், கோட் படக்குழு தற்போது மட்ட பாடலை வீடியோ வெர்ஷனாக வெளியிட்டுள்ளது.

இரண்டு வெர்ஷன் பாடல்கள்

ஏஜிஎஸ் எண்டர்டெய்ன்மெண்ட் நிறுவனம் வெளியிட்ட இந்தப் படத்தில் நடிகர் விஜய், நடிகைகள் சிநேகா, லைலா, பார்வதி நாயர், மீனாட்சி சௌத்ரி, நடிகர்கள், பிரபுதேவா, பிரசாந்த், அஜ்மல், ஜெயராம், , மோகன், பிரேம்ஜி என பல முன்னணி நடிகர்கள் நடித்துள்ளனர்.

இந்தத் திரைப்படத்தில் முன்னதாக வெளியான சின்னச் சின்ன கண்கள் பாடல் லிரிக்கல் ஆக ஒரு மாதிரியும், வீடியோவாக வேறு மாதிரியும் திரைப்படத்தில் இடம் பெற்றிருந்தது. இதுகுறித்து படத்தின் இயக்குநர் வெங்கட் பிரபு நேர்காணல் ஒன்றிலும் கூறியிருந்தார். இந்த இரண்டு வெர்ஷனையுமே ரசிகர்கள் விரும்பிய நிலையில், திரிஷா கௌரவ தோற்றத்தில் வந்து ஒரு பாடலுக்கு மட்டும் நடனமாடிய எனர்ஜிடிக் பாடலும் ஹிட் அடிக்கும் என படக்குழு தெரிவித்துள்ளது.

400 கோடி பட்ஜெட்டில் வெளியான கோட் திரைப்படம், 420 கோடிக்கும் மேல் வசூலில் சாதனை புரிந்து ஹிட் அடித்துள்ள நிலையில், இத்திரைப்படத்தின் பாடல்கள் அனைத்தும் வெளியாகி சாதனை படைக்கும் என படக்குழு தெரிவித்துள்ளது. முன்னதாக விஜய்யின் ஹலமத்தி ஹபிபோ, ரஞ்சிதமே போன்ற பாடல்கள் யூடியூபில் அதிக பார்வையாளர்களைக் கடந்து ஹிட் அடித்து சாதனை படைத்த நிலையில், இந்த பாடலும் கண்டிப்பாக ஹிட் அடிக்கும் என கூறுகின்றனர் விஜய் ரசிகர்கள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.