TVK Party: "வலிமையான அரசியல் களத்தை அமைப்போம்" தளபதி விஜய்யின் தவெக முதல் மாநில மாநாடு தேதி அறிவிப்பு - முழு விவரம்

இதுதொடர்பாக தமிழக வெற்றிக் கழகத்தின் தலைவர் தளபதி விஜய் வெளியிட்டுள்ள அறிக்கையில்,

"தமிழக வெற்றி கழகத்தின் கொடி அறிமுகப்படுத்திய நாள் முதல், நம் கழகத் தோழர்களின் எண்ணங்களுக்கு ஏற்பவும் தமிழ்நாட்டு மக்களின் பேரன்புடனும், பேராதரவுடனும் நமது அரசியல் வெற்றிக்கான களம் விரிவடைந்து கொண்டே வருகிறது

கழக கொடியேற்று விழாவின்போது, நமது முதல் மாநில மாநாட்டு தேதியை அறிவிப்பதாக கூறியிருந்தோம்.

கொள்கைளை விளக்கும் முதல் மாநாடு

நமது மக்களின் பெரும் எதிர்பார்ப்புகள் நிறைவேற்றும் வகையில் தமிழக அரசியல் களத்தில் புதிய நம்பிக்கையை விதைக்ககூடிய நமது கழகத்தின் கொள்கை தலைவர்கள், கொள்கைகள் மற்றும் கொள்கை சார்ந்த செயல் திட்டங்களை பிரகடனப்படுத்தும் தமிழக வெற்றிக் கழகத்தின் முதல் மாநில மாநாடு வரும் அக்டோபர் மாதம் 27ஆ் தேதி மாலை 4 மணி அளவில் விழுப்புரம் மாவட்டம், விக்கிரவாண்டி அருகே உள்ள வி.சாலை கிராமத்தில் நடைபெற உள்ளது என்பதை பெரும் மகிழ்வுடன் தெரிவித்துக்கொள்கிறேன்.

நமது வெற்றிக் கொள்கை மாநாடு நம்மை வழிநடத்தப்போகும் கொள்கைகளையும் நாம் அடைய போகும் இலக்குகளையும் முழங்கும் அரசியல் திருவிழாவாகவும், பெருவிழாவாகவும் கொண்டாடப்படவுள்ளது

வலிமையான அரசியல் பாதையை அமைப்போம்

தமிழக மக்களின் மனங்களை தீர்க்கமாக வெல்லும் நோக்கில் அமையவுள்ள மாநாட்டுக்கான ஆயத்த பணிகள் ஏற்கனவே நடந்து வரும் நிலையில், அதற்கான களப்பணிகளும் தொடங்கப்பட்ட உள்ளன என்பதையும் உங்களிடம் பகிர்ந்து கொள்கிறேன்.

இந்த மாநாட்டில் இருந்து வலிமையான அரசியல் பெரும்பாதையை அமைப்போம்.

நமது முதல் மாநில மாநாட்டை எல்லா வகையிலும் வெற்றிகரமாக நடத்துவதற்காக தமிழ்நாடு மண்ணை சேர்ந்த மகனாக ஒட்டுமொத்த தமிழ்நாடு மக்களின் ஆதரவையும் ஆசிகளைும் உரிமையுடன் வேண்டுகிறேன்.

இவ்வாறு விஜய் தெரிவித்துள்ளார்.

தேர்தல் ஆணையும் அங்கீகாரம்

தமிழக வெற்றிக் கழகத்துக்கு தேர்ல் ஆணையத்தால் அங்கீகாரம் கிடைத்திருக்கும் தகவலை தளபதி விஜய் கடந்த 8ஆம் தேதி பகிர்ந்திருந்தார். அப்போதோ கட்சியின் முதல் மாநாட்டுக்கு காவல்துறை அனுமதி வழங்கியிருப்பது பற்றியும் தெரிவித்திருந்தார்.

அப்போது வெளியிட்ட அறிக்கையில், "திசைகளை வெல்லப் போவதற்கான முன்னறிவிப்பாக, இப்போது முதற்கதவு நமக்காகத் திறந்திருக்கிறது. இச்சூழலில், நமது கழகத்தின் கொள்கைப் பிரகடன முதல் மாநில மாநாட்டுக்கான ஆயத்தப்பணிகள் தொடங்கியுள்ள நிலையில் அதுகுறித்த அதிகாரப்பூர்வ அறிவிப்பு வரும்வரை காத்திருங்கள்." என குறிப்பிட்டிருந்தார். தற்போது கட்சியின் முதல் மாநாடு குறித்த அறிவிப்பையும் வெளியிட்டுள்ளார்.

தமிழக வெற்றிக் கழகம் கொடி

முன்னதாக, தமிழக வெற்றிக் கழகம் கட்சியின் கொடியை ஆகஸ்ட் 22ஆம் தேதி அறிமுகம் செய்தார் தளபதி விஜய். இந்த நிகழ்வில் கட்சியின் தலைமை அலுவலகத்தில் முதல் முறையாக கட்சி கொடியை ஏற்றினார். அத்துடன் பிளாக் ஆந்தம் என்ற பாடலும் வெளியிடப்பட்டது.