தமன்னாவிடம் அமலாக்கதுறை விசாரணை..மும்பையில் கங்குவா புரொமோஷன், சூர்யா செஃல்பி - டாப் சினிமா செய்திகள் இன்று

வேட்டையன் படத்தின் பாக்ஸ் |ஆபிஸ் வசூல் நிலவரத்துடன், சூர்யாவின் கங்குவா படம் புரொமோஷன் மும்பையில் தொடங்கியிருப்பது இன்றை முக்கிய சினிமா செய்தியாக உள்ளது. தமிழ் சினிமாவின் இன்றைய டாப் 10 சினிமா செய்திகளை பார்க்கலாம்

தள்ளிப்போன லப்பர் பந்து ஓடிடி ரிலீஸ்

கடந்த மாதம் வெளியாகி ரசிகர்களை கவர்ந்து விமர்சகரீதியாக பாராட்டை பெற்ற லப்பர் பந்து படம் நல்ல வசூலையும் குவித்துள்ளது. இந்த படம் வரும் 18ஆம் தேதி டிஸ்னி ப்ளஸ் ஹாட் ஸ்டார் ஓடிடி தளத்தில் வெளியாக இருப்பதாக கூறப்பட்ட நிலையில், படத்தை தீபாவளி ஸ்பெஷலாக வெளியிட இருப்பதாக தகவல் வெளியாகியுள்ளது.

இந்த படம் இந்தியாவில் வெளியான பின்னர் தான் பிற நாடுகளில் வெளியிட வேண்டும் என்ற ஒப்பந்தம் இருப்பதால், படத்தை இந்தியா தவிர பிற நாடுகளில ஸ்டிரீம் செய்வதாக இருந்த சிம்ளி சவுத் ஓடிடி தளமும் வெளிநாட்டு ஓடிடி ரிலீசை தள்ளி வைத்துள்ளது.

தமன்னாவிடம் அமலாக்கதுறை விசாரணை

ஐபிஎல் போட்டிகளை ஃபேர்பிளே செயலியில் சட்டவிரோதமாக ஒளிபரப்பிய வழக்கில், அதன் விளம்பர தூதராக செயல்பட்ட தமன்னாவிடம் அமலாக்கத்துறை அதிகாரிகள் விசாரணை மேற்கொண்டனர்

நடிகை தமன்னா கடந்த ஆண்டு நடைபெற்ற ஐபிஎல் தொடரை ஃபேர்பிளே செயலியில் சட்ட விரோதமாக ஒளிபரப்பு செய்ய உதவியதால், தங்கள் நிறுவனத்துக்கு கோடிக்கணக்கில் நஷ்டம் ஏற்பட்டுள்ளதாக வியாகாம் நிறுவனம் புகார் அளித்திருந்து.

இந்த விவகாரம் தொடர்பாக நடிகை தமன்னாவுக்கு மகாராஷ்டிரா சைபர் கிரைம் போலீசார் சம்மன் அனுப்பி விசாரித்தனர். அசாம் மாநிலம் கவுகாத்தியில் அமலாக்கத்துறை இயக்குநரகம் நடிகை தமன்னாவுக்கு 2 ஆவது முறையாக சம்மன் அனுப்பிய நிலையில், மலாக்கத்துறை அலுவலகத்திற்கு விசாரணைக்கு ஆஜரான தமன்னாவிடம் அதிகாரிகள் 5 மணிநேரத்திற்கு மேலாக விசாரணை நடத்தினர்

தெறிக்கவிடும் கீர்த்தி சுரேஷ் ரிவால்வர் ரீட்டா டீஸர்

தென்னிந்திய சினிமாக்கிளில் முன்னனி ஹீரோயின்களில் ஒருவராக இருந்து வரும் நடிகை கீர்த்தி சுரேஷ் இன்று தனது பிறந்தநாளை கொண்டாடியுள்ளார். பர்த்டே ஸ்பெஷலாக தற்போது அவர் நடித்து வரும் ரிவால்வர் ரீட்டா படத்தின் டைட்டில் டீஸர் வெளியிடப்பட்டுள்ளது. ஆக்‌ஷன் தெறிக்கும் காட்சிகளுடம் அமைந்திருக்கும் படத்தின் டீஸர் ரசிகர்களை வெகுவாக கவர்ந்துள்ளது.

தங்கலான் ஓடிடி அப்டேட்

நீண்ட நாள்களாக தள்ளிப்போன தங்கலான் ஓடிடி ரிலீஸ் குறித்த அப்டேட்டை படத்தின் தயாரிப்பாளர் ஞானவேல் ராஜா வெளிப்படுத்தியுள்ளார். அதன்படி படம் தீபாவளி ஸ்பெஷலாக நெட்பிளிக்ஸ் ஓடிடி வெளியாகும் என தெரிவிக்கப்பட்டுள்ளது

கங்கனாவின் எமர்ஜென்சிக்கு சென்சார் கிடைத்தது

பாலிவுட் நடிகை கங்கனா இயக்கி, நடித்திருக்கும் எமர்ஜென்சி படத்துக்கு சென்சார் கிடைப்பதில் சிக்கல் நீடித்து வந்தது. படத்தில் இடம்பிடித்திருக்கும் சில காட்சிகளை சுட்டிக்காட்டி சென்சார் அளிப்பதற்கு அதிகாரிகள் ஆட்சோபனை தெரிவித்தனர். இந்த விவகாரத்தில் கங்கனா தரப்பில் மும்பை நீதிமன்றத்தில் வழக்கு தொடரப்பட்ட நிலையில், சென்சார் வாரியத்தை நீதிமன்றம் கண்டித்தது. செப்டம்பர் 25க்குள் சென்சார் வழங்குவது தொடர்பாக இறுதி முடிவு எடுக்க நீதிமன்றம் கெடு விதித்தது.

இதையடுத்து தற்போது எமர்ஜென்சி படத்துக்கு சென்சார் அளிக்கப்பட்டிருப்பதாகவும், விரைவில் படத்தின் ரிலீஸ் தேதி குறித்து அறிவிக்கப்படும் எனவும் தெரிவித்துள்ளார்

சிறுத்தை சிவா இயக்கத்தில் சூர்யா நடிப்பில் உருவாகியுள்ள படம் கங்குவா படத்தின் புரொமோஷனை படக்குழு மும்பையில் தொடங்கியுள்ளது. கங்குவா புரமோஷனில் சூர்யா, திஷா பதானி, சிறுத்தை சிவா, ஞானவேல் ராஜா ஆகியோர் கலந்து கொண்டனர்

முன்னதாக, புரொமோஷன் நிகழ்வில் நடிகர் சூர்யா ரசிகர்கள் கூட்டத்தின் முன்னிலையில் நின்று செஃல்பி எடுத்துக்கொண்ட நிலையில், அந்த புகைப்படங்கள் படத்தின் அதிகாரப்பூர்வ எக்ஸ் பக்கத்தில் பகிரப்பட்டுள்ளது.

ஓவர் வெயிட் தூக்கியதால் முதுகு பிடிப்பு - ரெஸ்டில் இருக்கும் ரகுல் ப்ரீத் சிங்

ஒர்க் அவுட்டின்போது காயம் ஏற்பட்டிருக்கும் நடிகை ரகுல் ப்ரீத் சிங் தற்போது ஓய்வில் இருந்து வருகிறார். தற்போது விடியோ மூலம் தனது உடல்நிலை குறித்து அப்டேட் கொடுத்த ரகுல் ப்ரீத் சிங், தனக்கு எப்படி காயம் ஏற்பட்டது என்பதையும் விளக்கியுள்ளார். பெல்ட் அணியாமல் 80 கிலோ டெட்லிஃப்ட் செய்ததால் முதுகு பிடிப்பு ஏற்பட்ட பெட் ரெஸ்டில் இருந்து வருவதாக நடிகையின் குழுவினர் தெரிவித்துள்ளனர். ரகுல் பகிர்ந்திருக்கும் விடியோவில், "என் உடலை விட என் மனம் வலிமையானது என்று நினைத்தேன். எப்போதும் அப்படி நிகழாது. உங்கள் எல்லா வாழ்த்துக்களுக்கும், குறிப்பாக என்னை மிஸ் செய்யும் ரசிகர்களுக்கு மிக்க நன்றி. நான் வலுவாக மீண்டு வருவேன்" என பேசியுள்ளார்.

புதிய வீட்டில் கிரகப்பிரவேசம் கொண்டாடிய ஹன்சிகா

திருமணத்துக்கு பின்னரும் தொடர்ந்து படங்களில் நடித்து வரும் ஹன்சிகா மும்பையில் புதிய வீடு வாங்கியுள்ளார். இதன் கிரகப்பிரவேசம் நிகழ்வை நடத்தி முடித்திருக்கும் அவர், அதன் புகைப்படங்களை பகிர்ந்துள்ளார். புது வீடு மட்டுமல்லாமல் புதிய பிஎம்டபிள்யூ சொகுசு காரும் வாங்கியுள்ளார் ஹன்சிகா

வேட்டையன் முதல் 7 நாள் வசூல் நிலவரம்

சூப்பர் ஸ்டார் ரஜினிகாந்த் நடிப்பில் கடந்த வாரம் வெளியான வேட்டையன் திரைப்படம் முதல் 7 நாளில் ரூ. 275 கோடி வசூலை ஈட்டியிருப்பதாக பாக்ஸ் ஆஃபீல் வட்டாரங்கள் தெரிவிக்கின்றன.

கடந்த 2 நாள்கள் மழை காரணமாக வசூலில் சுணக்கம் ஏற்பட்ட நிலையில், தற்போது படம் மீண்டும் வசூல் வேட்டையை தொடங்கியுள்ளது.

அம்மா ஆக போகும் கபாலி பட நடிகை

சூப்பர் ஸ்டார் ரஜினிகாந்தின் கபாலி உள்பட சில தமிழ் படங்களில் நடித்தவர் நடிகை ராதிகா ஆப்தே. இவர் கர்ப்பாக இருப்பதை சிஸ்டர் மிட்நைட் என்ற படத்தின் ப்ரீமியர் காட்சியின் ரெட் கார்பெட் நிகழ்வின்போது வெளிப்படுத்தியுள்ளார். கடைசியாக ஜய் சேதுபதி, கத்ரீனா கைஃப் ஆகியோர் பிரதான கதாபாத்திரங்களில் நடித்து கடந்த ஜனவரி மாதம் வெளியான மெர்ரி கிறிஸ்துமஸ் படத்தில் கேமியோ கதாபாத்திரத்தில் ராதிகா ஆப்தே நடித்திருந்தார்.

முதல் தமிழ் படமாக கங்குவா செய்யும் சாதனை

சூர்யா நடிப்பில் பிரமாண்டமாக உருவாகியிருக்கும் கங்குவா படம் வட இந்தியாவில் 3,500 திரையரங்கங்களில் ரிலீஸ் செய்யபோவதாக தகவல் வெளியாகியுள்ளது. இதுவரை தமிழ் சினிமாவில் எந்த ஒரு படமும் இவ்வளவு திரையரங்கங்களில் வட இந்தியாவில் வெளியானது இல்லை. இதன் மூலம் முதல் தமிழ் படமாக வட இந்தியாவில் அதிக திரையரங்குகளில் வெளியாகி கங்குவா சாதனை புரிய இருக்கிறது.