புது காரு..புது வீடு..காதல் கணவருடன் கலர்புல் கிளிக்ஸ் - பிரம்மாதம்! கலக்குற ஹன்சிகா

புதிய வீடு

மும்பையில் வசித்து வரும் நடிகை ஹன்சிகா புதிதாக வீடு கட்டியுள்ளார். இந்த வீட்டின் கிரகபிரவேசத்தை நடத்தி முடித்திருக்கும் அவர் அதன் புகைப்படங்களை தனது இன்ஸ்டாவில் பகிர்ந்துள்ளார்.

புதிய தொடக்கம் என கேப்ஷனில், தனது புது வீட்டுக்கு தன்னுடைய கணவரோடு நுழையும் புகைப்படம், யாகம் செய்த புகைப்படங்கள் போன்றவற்றை ஹன்சிகா பகிர்ந்துள்ளார்.

இதையடுத்து ரசிகர்கள் மற்றும் பிரபலங்கள் பலரும் ஹன்சிகாவுக்கு வாழ்த்துக்கள் தெரிவித்து வருகிறார்கள்.

முன்னதாக, கிரக பிரவேச நிகழ்வுக்கு பச்சை நிற டாட்டட் சேலை, மெரூன் பிளவுஸ் அணிந்து பளபள தோற்றத்தில் தனது காதல் கணவர் சோஹே கட்டாரியாவுடன் புதிய வீட்டுக்கு வந்துள்ளார்.

ஹன்சிகாவின் புதிய கார்

புதிய வீட்டில் குடிபெயர்ந்திருக்கும் ஹன்சிகா, அதற்கு முன் தான் வாங்கியிருக்கும் புதிய சொகுசு கார் குறித்து தனது இன்ஸ்டாவில் பகிர்ந்திருந்தார். வெள்ளை நிறத்தில் BMW 6 Series GT 63oiM கார் அதன் முன் பக்க புகைப்படத்தை பகிர்ந்திருந்தார். இந்த காரின் விலை ரூ. 75 லட்சம் என கூறப்படுகிறது.

ஒரே நேரத்தில் புதிய வீடு, புதிய கார் என கொண்டாட்டத்தில் இருந்து வருகிறார் ஹன்சிகா.

ஹன்சிகா புதிய படங்கள்

ஹன்சிகா நடிப்பில் இந்த ஆண்டில் 105 மினிட்ஸ். கார்டியன் ஆகிய படங்கள் வெளியாகியுள்ளன. இதுதவிர ரவுடி பேபி, மேன், கந்தாரி ஆகிய படங்களில் நடித்து வருகிறார்.

மும்பை சேர்ந்த ஹன்சிகா இந்தி படங்களில் குழந்தை நட்சத்திரமாக நடித்துள்ளார். இதன் பின்னர் தேசமுதுரு என்ற தெலுங்கு படத்தில் ஹீரோயின் ஆன இவர் தொடர்ந்து தெலுங்கு, கன்னடம், இந்தி படங்களில் நடித்து வந்தார்.

தமிழில் 2012இல் தனுஷ் ஜோடியாக மாப்பிள்ளை படம் மூலம் ஹீரோயினாக அறிமுகமானார். இதைத்தொடர்ந்து விஜய்யுடன் வேலாயுதம், சூர்யாவுடன் சிங்கம் 2, அரண்மனை என பல படங்களில் நடித்தார்.

வெப்சீரிஸ்களிலும் நடித்திருக்கும் ஹன்சிகா தற்போது பல்வேறு டிவி ஷோக்களில் ஜட்ஜ் ஆகவும் தோன்றி வருகிறார்.

விஜய் டிவியில் தற்போது ஒளிபரப்பாகி வரும் சூப்பர் சிங்கர் 10 நிகழ்ச்சியில் சிறப்பு விருந்தினராக பங்கேற்று வரும் ஹன்சிகா, தெலுங்கிலும் தீ செலிபிரட்டி ஸ்பெஷல் 2 நிகழ்ச்சியில் ஜட்ஜ் ஆக இருந்து வருகிறார்.

ஆன்மிகத்தில் அதிக ஈடுபாடு

நடிகை ஹன்ஸிகாவுக்கு ஆன்மிகத்தில் அதிக ஈடுபாடு இருந்து வருகிறது. பல புனித கோயில்களுக்கு செல்வதை அவர் வழக்கமாக கொண்டுள்ளார்.

மேலும் ஒரு படம் ஆரம்பிக்கும் முன்னும் கோயிலுக்கு சென்று வழிபாடு நடத்தி வருவார். இந்நிலையில் பிரசித்தி பெற்ற மதுரை மீனாட்சி அம்மன் கோவிலுக்கு தனது அம்மாவுடன் சென்று வழிபாடு நடத்தினர். ஹன்ஸிகா வந்ததை அடுத்து கோயில் நிர்வாகம் சார்பில் சிறப்பு ஏற்பாடு செய்யப்பட்டிருந்தது.

நான் தமிழ் பொண்ணுங்க

தனது மதுரை விசிட் குறித்து அவரது இன்ஸ்டா பக்கத்தில் ஒரு வீடியோவை பதிவு செய்துள்ளார். அதில் “மும்பையில பொறந்தாலும் மனசுல எப்பொழுதும் நான் தமிழ் பொண்ணுதான்.நம்ம ஊரு சாப்பாடு” எனத் தமிழில் பதிவு செய்திருந்தார்.