விட்டத பிடிக்கணும்.. தெலுங்கு சினிமாவில் தனது ஆட்டத்தை தொடங்கிய ஷங்கர்.. அங்க இதுதான் ரெக்கார்டு..

ராம் சரண் நடிக்கும் 'கேம் சேஞ்சர்' படத்தைபிரம்மாண்ட பட்ஜெட்டில் இயக்குநர் ஷங்கர் எடுத்துள்ளார். ராம் சரண் இப்படத்தில் இரண்டு வேடங்களில் நடிக்கிறார். அவருக்கு ஜோடியாக கியாரா அத்வானி நடிக்கிறார். ஸ்ரீகாந்த், நவீன் சந்திரா, அஞ்சலி, எஸ்.ஜே.சூர்யா ஆகியோர் முக்கிய வேடங்களில் நடித்துள்ளனர். தில் ராஜ் புரொடக்ஷன்ஸ் சார்பில் தில் ராஜ் மற்றும் ஷிரிஷ் இணைந்து இப்படத்தை தயாரிக்கின்றனர்.

சாதனை செய்ய உள்ள ஷங்கர்

கேம் சேஞ்சர் படத்தை ஷங்கர் நேரடி தெலுங்கு படமாக இயக்கியதன் மூலம் டோலிவுட் சினிமாவில் தன் முதல் காலடி தடத்தை பதித்துள்ளார். இயக்குநர் ஷங்கர் என்றாலே பிரம்மாண்டத்திற்கு பெயர் போனவர், அவர் படங்களில் பல சாதனைகள் செய்யப்படும் என்பது தவிர்க்க முடியாது. அதை தனது தெலுங்கு சினிமாவிலேயே செய்ய ஆரம்பித்திருக்கிறார்.

அதாவது, கேம் சேஞ்சர் திரைப்படத்தின் ப்ரீ ரிலீஸ் நிகழ்ச்சியை இயக்குநர் ஷங்கர் அமெரிக்காவில் நடத்த திட்டமிட்டுள்ளாராம். இது இந்திய வரலாற்றில் தெலுங்கு சினிமா செய்யும் சாதனை என்றே கூறப்படுகிறது. ஏனென்றால் இதற்கு முன் எந்த தெலுங்கு படமும் அமெகரிக்காவில் இதுபோன்ற நிகழ்ச்சியை நடத்தியது இல்லையாம்.

அமெரிக்காவில் ப்ரீ ரிலீஸ்

இதையடுத்து, கேம் சேஞ்சர் படத்தின் ப்ரீ ரிலீஸ் நிகழ்ச்சி வரும் டிசம்பர் 21ம் தேதி நடக்க உள்ளதாக படத்தின் தயாரிப்பாளர்கள் தரப்பிலிருந்து செய்தி வந்துள்ளது. இந்த விழாவில் படக்குழுவினருடன் அனைத்து பிரபலங்களும் கலந்து கொள்வார்கள் என்று கூறப்படுகிறது.

கேம் சேஞ்சர் படம்

கடந்த 2021இல் அறிவிக்கப்பட்டு தொடங்கிய இந்த படம் பல்வேறு தாமதத்துக்கு பிறகு இந்த ஆண்டு ஜூலை மாதத்தில் முடிவடைந்தது. அரசியல் ஆக்‌ஷன் திர்ல்லர் பாணியில் உருவாகியிருக்கும் படத்துக்கு இயக்குநர் கார்த்திக் சுப்புராஜ் கதை எழுதியுள்ளார். படத்திலிருந்து ஏற்கனவே ஜருகண்டி, ரா மச்சா என இரு பாடல்கள் வெளியாகி ரசிகர்கள் மத்தியில் வரவேற்பை பெற்றது. இதையடுத்து படம் தெலுங்கு, தமிழ் உள்பட இதர தென்னிந்திய மொழிகளிலும், இந்தியிலும் வெளியாகும் என தெரிவிக்கப்பட்டுள்ளது. ஹைதராபாத், மும்பை, சண்டிகர், ஆந்திர பிரதேசம், நியூசிலாந்து உள்பட பல்வேறு பகுதிகளில் படமாக்கப்பட்டிருக்கிறது.

எதிர்பார்ப்பில் ரசிகர்கள்

ராம் சரண் நடிப்பில் கடைசியாக கடந்த 2022 ஆர்ஆர்ஆர், ஆச்சார்யா ஆகிய படங்கள் வெளியாகியிருந்தன. இதில் ஆர்ஆர்ஆர் படத்தில் ஜூனியர் என்டிஆருடனும், ஆச்சார்யா படத்தில் தந்தை சிரஞ்சீவியுடனும் நடித்திருந்தார் ராம் சரண். இதையடுத்து தற்போது சோலோ ஹீரோவாக அவரது நடிப்பில் கேம் சேஞ்சர் படம் வெளியாக இருப்பதால் ரசிகர்கள் மிகவும் ஆர்வமுடம் எதிர்பார்த்து காத்திருக்கிறார்கள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.