ஆர்.ஆர்.ஆர்.க்குப் பின் ராம் சரண் நடித்த கேம் சேஞ்சர்.. இந்தியன் 2வில் தவறவிட்டதைப் பிடிப்பாரா ஷங்கர்.. டீஸர் எப்போது?

பிரமாண்ட தமிழ் இயக்குநர் ஷங்கர் இயக்கத்தில் ராம் சரண் நடிப்பில் உருவாகியுள்ள 'கேம் சேஞ்சர்' திரைப்படத்தின் டீஸரை படக்குழு வரும் நவம்பர் 9-ம் தேதி வெளியிடவுள்ளது. மாஸ் லுக்கில் ராம் சரணின் புகைப்படத்தைப் பகிர்ந்ததன் மூலம் இந்த அப்டேட் அவரது ரசிகர்களுக்கும் பொதுமக்களுக்கும் வழங்கப்பட்டுள்ளது.

இதுதொடர்பாக வெளியிடப்பட்டுள்ள அறிவிப்பில், ’’அனைவருக்கும் இனிய தீபாவளி நல்வாழ்த்துகள். நவம்பர் 9ஆம் தேதி முதல் கேம் சேஞ்சர் டீஸரை கொண்டாடுங்கள். கேம் சேஞ்சர் ஜனவரி 10, 2025அன்று திரையரங்குகளில் வரும்’’ எனத் தெரிவிக்கப்பட்டுள்ளது.

லுங்கி மற்றும் கருப்பு பனியனில் ராம் சரண்:

இந்த நிகழ்ச்சியில் வெளியான போஸ்டர் ஒன்றும் பார்வையாளர்களுக்கு கொண்டு வரப்பட்டுள்ளது. ராம் சரண் மாஸ் லுக்கில் காணப்படுகிறார். ஒரு லுங்கி, கருப்பு பனியன் மற்றும் கண்களுக்கு சன்கிளாஸ் அணிந்து ஸ்டைலாக ரயில் தண்டவாளங்களின் நடுவில் அமர்ந்திருக்கிறார். அவருக்கு முன்னால், சில குண்டர்கள் தண்டவாளத்தில் கிடப்பதைக் காணலாம். இந்த போஸ்டர் ராம் சரண் ரசிகர்களின் எதிர்பார்ப்பை வேற லெவலுக்கு கொண்டு சென்றுள்ளது.

கேம் சேஞ்சர் படம் எத்தகையது?

பிரமாண்ட இயக்குநர் ஷங்கர், கேம் சேஞ்சர் படம் எடுக்க ஆரம்பித்து ரொம்ப நாட்கள் ஆயிற்று. உண்மையில், ஆர்.ஆர்.ஆருக்குப் பிறகு, ராம் சரண் இயக்கும் தனிப் படம் இன்னும் வெளியிடப்படவில்லை.

இந்த கேம் சேஞ்சருக்காக அவரது ரசிகர்கள் நீண்ட காலமாக காத்திருக்கின்றனர். இப்படத்தில் செர்ரி ஐஏஎஸ் அதிகாரியாக நடிக்கிறார்.

இப்படத்தின் போஸ்டர்கள் மற்றும் பாடல்கள் ஏற்கனவே நேர்மறையான வரவேற்பைப் பெற்றுள்ளன. இருப்பினும், ரிலீஸ் தள்ளிவைக்கப்பட்டது ரசிகர்களுக்கு பெரும் ஏமாற்றத்தை ஏற்படுத்தி வருகிறது. மொத்தத்தில், கேம் சேஞ்சர் திரைப்படம் அடுத்த ஆண்டு பொங்கலை முன்னிட்டு 2025 ஜனவரி 10 ஆம் தேதி திரைக்கு வர உள்ளது. இப்படத்தில் சரணுக்கு ஜோடியாக கியாரா அத்வானி நடித்திருக்கிறார்.

இவர்களைத் தவிர, எஸ்.ஜே.சூர்யா, ஸ்ரீகாந்த், அஞ்சலி, சமுத்திரக்கனி, நவீன் சந்திரா போன்ற பல திறமையான நடிகர்களும் கேம் சேஞ்சரில் நடித்துள்ளது படத்தின் மீது பெரும் எதிர்பார்ப்பினை ஏற்படுத்தியுள்ளது.

இந்தியன் 2வால் பின்னடைவைச் சந்தித்த ஷங்கர்:

இந்தாண்டு ஷங்கர் இயக்கத்தில் வெளியான இந்தியன் 2 திரைப்படம் மிகப்பெரிய தோல்வியைத் தழுவியது. இந்நிலையில் ராம் சரண் ரசிகர்களை எந்த அளவுக்கு ஷங்கர் கவரப்போகிறார் என்பது பெரிய கேள்விக்குறியாகவே உள்ளது. இப்படத்திற்கு தமன் இசையமைத்துள்ளார்.

மேலும் ஷங்கர் இயக்கத்தில் உருவான இந்தியன் 3 திரைப்படம் நேரடியாக ஓடிடியில் வெளியாகும் எனக்கூறப்பட்ட நிலையில், இப்படத்தின் ரிசல்ட்டைப் பொறுத்து அந்த முடிவு அமையும் என்று எதிர்பார்க்கப்படுகிறது. குறிப்பாக, ’கேம் சேஞ்சர்’ ஹிட்டடித்தால், இந்தியன் 3 திரையரங்குகளிலும் வெளியாக வாய்ப்புள்ளது.