Top Songs Today: விசில் போடு, ஸ்பார்க்..ட்ரெண்டாகும் கோட் பாடல்கள் - இன்றைய டாப் பாடல்கள் இவைதான்

தமிழ் சினிமா மற்றும் மியூசிக் ஆல்பங்களின் டாப் பாடல்களின் ட்ரெண்ட் நாள்தோறும் மாறி வருகிறது. அந்த வகையில் இன்றைய டாப் 10 தமிழ் பாடல்கள் லிஸ்ட் எவை என்பதை பார்க்கலாம்

தளபதி விஜய் ரசிகர்கள் மத்தியில் மிகுந்த எதிர்பார்ப்பை ஏற்படுத்தியிருக்கும் தி கோட் திரைப்படம் வரும் வியாழக்கிழமை வெளியாக இருக்கிறது. இதற்கிடையே அந்த படத்தில் இருந்து மூன்று பாடல்கள் டாப் லிஸ்டில் ட்ரெண்டாகியுள்ளது.

ஆசை கூட

ஸ்டார் பட ஹீரோயின் ப்ரீத்தி முகந்தன் அற்புதமான நடனத்துடன், சினிமா பாடலாக இல்லாமல் வெளிவந்திருக்கும் ஆசை கூட என்ற மியூசிக் பாடல் டாப் பாடல்கள் லிஸ்டிஸ் முதல் இடத்தில் உள்ளது. இந்த பாடலை சத்யன் இளங்கோ எழுத கட்சி சேர என்ற ஹிட் பாடலை இசையமைத்த சாய் அப்யங்கர் இசையமைத்துள்ளார். ப்ரீத்தி முகந்தனுடன், சாய் அபயங்கரும் பாடலில் தோன்றியுள்ளார்.

மினிக்கி மினிக்கி

பா. ரஞ்சித் இயக்கிய தங்கலான் படத்தில் இடம்பிடித்திருக்கும் மினிக்கி மினிக்கி பாடல் பட்டிதொட்டி யெங்கும் ஒலிக்கும் பாடலாக மாறியுள்ளது. ஜி.வி. பிரகாஷ் குமார் இசையமைத்திருக்கும் இந்த பாடலுக்கு உமா தேவி பாடல் வரிகள் எழுத சிந்தூரி விஷால் பாடியுள்ளார். அற்புத ஃபோக் இசை பாடலாக ரசிகர்களை வெகுவாக கவர்ந்துள்ளது.

மக்காமிஷி

ஜெயம் ரவி, பிரிங்கா மோகன் நடித்து வரும் புதிய படம் பிரதர். ராஜேஷ் எம் இயக்கத்தில் உருவாகி வரும் இந்த படத்தில் பால் டப்பா பாடல் வரிகள் எழுத ஹாரிஸ் ஜெயராஜ் இசையமைத்திருக்கும் மக்காமிஷி பாடல் கடந்த மாதம் வெளியானது.

ரசிகர்கள் கவர்ந்திருக்கும் இந்த பாடல் ட்ரெண்டிங்கில் முன்னணியில் இருக்கிறது. ஹாரிஸ் ஜெயராஜ் ட்ரெண்டிங் பாடல்களில் அதிகம் பேரால் கேட்டு ரசிக்கும் பாடலாக மாறியுள்ளது. பால் டப்பா மற்றும் டகால்டி ஆகியோர் இந்த பாடலை பாடியுள்ளனர்.

அச்சச்சோ

ஹிப்ஹாப் தமிழா இசையில் சுந்தர் சி இயக்கத்தில் வெளியான அரண்மனை 4 படத்தில் இந்த பாடல் இடம்பிடித்துள்ளது. பாடலின் தமன்னா, ராஷி கண்ணா ஆகியோரின் குத்தாட்டம் ரசிகர்களை வெகுவாக கவர்ந்து ஆட்டம் போட வைத்தது. முதலில் புரொமோவாக வெளியிட்டு பின்னர் பாடலின் விடியோ பாடலாக வெளியிட்டனர். விக்னேஷ் ஸ்ரீகாந்த் பாடல் வரிகள் எழுத கரிஷ்மா ரவிச்சந்திரன், ஸ்ரீனிஷா ஜெயசீலன், ஹிப்ஹாப் தமிழா ஆகியோர் பாடியுள்ளனர்

பியர் சாங் (தேவாரா பார்ட் 1)

ஜூனியர் என்டிர் நடிப்பில் உருவாகும் புதிய படம் தேவாரா. இந்த படத்தின் மூலம் பாலிவுட் இளம் நாயகி ஜான்வி கபூர் தெலுங்கு சினிமாவில் அறிமுகமாகிறார்.

அனிருத் இசையமைப்பில் படத்தில் இடம்பிடித்திருக்கும் பியர் சாங் இந்த லிஸ்டில் பத்தாவது இடத்தில் உள்ளது. விஷ்ணு எடவன் பாடல் வரிகள் எழுத அனிருத் பாடியுள்ளார். கொரட்லா சிவா இயக்கத்தில் தேவாரா படம் பகுதி 1 பிரமாண்டமாக உருவாகி வருகிறது

ஸ்பார்க்

தளபதி விஜய் நடிப்பில் வரும் வியாழக்கிழமை வெளியாக இருக்கும் தி கோட் படத்தில் இடம்பிடித்திருக்கும் ஸ்பார்க் பாடலுக்கு கங்கை அமரன் பாடல் வரிகள் எழுத யுவன் ஷங்கர் ராஜா இசையமைத்துள்ளார். யுவன் ஷங்கர் ராஜா, விருஷா பாலு ஆகியோர் பாடியுள்ளனர். படம் வெளியாவதற்கு முன்பு இந்த பாடல் தற்போது ட்ரெண்ட ஆக தொடங்கியுள்ளது.

காத்து மேல

உலக அளவில் பேமஸ் ஆகியிருக்கும் தமிழ் மியூசிக் விடியோவாக காத்து மேல பாடல் உள்ளது. கடந்த ஜூலை மாதம் வெளியான இந்த பாடலை வைத்து சமூக வலைத்தளங்களில் ஏராளமான ரீல்ஸ்கள் உலா வந்து கொண்டிருக்கின்றன. பால் டப்பா பாடல் எழுதி நடித்திருக்க, ரோ இசைமைத்துள்ளார். சிறியவர்கள் முதல் பெரியவர்கள் வரை அனைவரையும் கவர்ந்த பாடலாக காத்து மேல இருந்து வருகிறது.

விசில் போடு

கோட் படத்தில் இடம்பிடித்திருக்கும் மற்றொரு பாடலாக விசில் போடு உள்ளது. தி கோட் படத்தின் முதல் சிங்கிளாக வெளியான இந்த பாடலில் விஜய்யுடன், பிரசாந்த், பிரபுதேவா ஆகியோரும் நடனமாடியுள்ளனர். தற்போது லிரிக் விடியோ வெளியாகி வைரலாகியுள்ள நிலையில், திரையில் காண்பதற்கு ரசிகர்கள் மிகவும் ஆர்வமுடன் உள்ளார்கள்.

சின்ன சின்ன கண்கள்

தளபதி விஜய் நடிப்பில் ரசிகர்கள் மத்தியில் மிக பெரிய எதிர்பார்ப்பை ஏற்படுத்தியிருக்கும் தி கோட் படத்தில் டாப் 10 பாடல்கள் லிஸ்டில் மூன்றாவது பாடலாக இது இடம்பிடித்துள்ளது. கபிலன் வைரமுத்து பாடல் வரிகளுக்கு யுவன் ஷங்கர் ராஜா இசையமைத்துள்ளார். தளபதி விஜய், யுவன் ஷங்கர் ராஜா, மறைந்த பாடகி பவதாரணி ஆகியோர் பாடலை பாடியுள்ளனர்.

கம்பேக் இந்தியன்

இந்தியன் படத்தில் இருந்து மற்றொரு பாடலாக அனிருத் இசையமைப்பில் கம்பேக் இந்தியன் என பாடல் டாப் 10 லிஸ்டில் இடம்பிடித்துள்ளது. அறிவு பாடல் வரிகள் எழுத இந்த பாடலையும் அனிருத் பாடியுள்ளார். இந்தியன் 2 படத்துக்கு மிக பெரிய ப்ரோமோஷனாகவே இந்த பாடல் அமைந்திருந்தது.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/