ஆட்டத்தை ஆரம்பித்த சௌந்தர்யா.. செம கடுப்பான சுனிதா.. கேள்வி மேல் கேள்வி கேட்ட முத்துக்குமரன்.. தரமான சம்பவம் இருக்கு!

பிக் பாஸ் தமிழ் சீசன் 8 தொடங்கியதிலிருந்து விறுவிறுப்பாக சென்று கொண்டிருக்கிறது. நிகழ்ச்சியின் தொடக்கத்திலேயே சாச்சனா வெளியேற்றப்பட்டார். பின்னர் முதலாவது வாரத்தில் ரவீந்தர் வெளியேற்றப்பட்டார். மேலும் சர்ச்சைக்குள்ளாகிய அன்சிதா மற்றும் அர்னவ் பேசு பொருளாக இருந்து வந்தனர். இந்நிலையில் முந்தைய வார இறுதி எபிசோடில் அர்னவ் எலிமினேட் செய்யப்பட்டார்.

இரண்டாம் ப்ரோமோ

தற்போது பிக்பாஸ் 18 ஆம் நாளின் இரண்டாம் ப்ரோமோ வெளியாகியுள்ளது. இந்த ப்ரோமோவில் சௌந்தர்யா பிக்பாஸ் 5 ஸ்டார் ஹோட்டலில் மேனேஜராக இருக்கிறார். அவரிடம் முத்துக்குமரன் Irresponsible மேனேஜர் ஜீரோ சதவீதம் கிரியேட்டிவிட்டி என சௌந்தர்யாவை கூறுகிறார். இதற்கு பதில் அளித்த சௌந்தர்யா உங்கள் டாடியோட ஹோட்டல் தானே இது நீங்களே கிரியேட்டிவிட்டி கேட்டால் எப்படி என சொல்ல அதற்கு முத்துக்குமரன் அது என் பிரச்சனை இல்லையே என சொல்கிறார்.

டாடி கட்ன ஹோட்டலே அப்படித்தானா சார் என முத்துக்குமாரிடம் சௌந்தர்யா சொல்கிறார். அதற்கு முத்துக்குமரன் மேனேஜ் பண்ண வேண்டியது மேனேஜர் பொறுப்பு என சொல்ல அதற்கு சௌந்தர்யா நக்கலாக எல்லா இடத்திலேயும் நான் இருக்க வேண்டும் என்றால் நான் ஆவியாக தான் இருக்க வேண்டும் என சொல்கிறார்.

கடுப்பான சுனிதா

இதைக் கேட்டு கடுப்பான சுனிதா உங்கள் ரீசன் எல்லாம் பேஸ்லெஸ் ஆக இருக்கிறது என சொல்கிறார். அதேபோல பர்சனல் டார்கெட் பண்றாங்க என சௌந்தர்யாவை சுனிதா சொல்ல அதற்கு சௌந்தர்யா நீங்கள் இங்கே பேசும்போது உங்களுக்கு டார்கெட்டா தெரியலையா என கேட்கிறார்.

உங்கள் வேலையை நீங்க சரியா பண்ணி இருந்தா இது வந்து இருக்காது என சுனிதா சொல்ல எனக்கு என்ன வேலை கொடுத்தார்களோ அதுதான் நான் பண்ணி இருக்கேன் சௌந்தர்யா சொல்கிறார். இப்படியாக இந்தப் ப்ரோமோ களவரமகா முடிந்தது.

18 ஆம் நாளின் முதல் ப்ரோமோ

முன்னதாக பிக்பாஸ் 18 ஆம் நாளின் முதல் ப்ரோமோ வெளியானது. அதில், இந்த டாஸ்க்கில் ஒரு புதிய திருப்பம் ஏற்பட்டுள்ளது. அதாவது, ஸ்டார் ஹோட்டல் டாஸ்க்கில் சிறப்பாகவும் மோசமாகவும் விளையாடிய போட்டியாளர்கள் தேர்வு செய்யப்பட்டு, இதில் சிறப்பாக விளையாடியவர்கள் ஒரு அணியும், மோசமாக விளையாடியவர்கள் ஒரு அணியும் விளையாடப் போகிறார்கள். இந்த இரண்டு அணியிலும் ஆண்கள், பெண்கள் கலந்து இருப்பார்கள் என்பது குறிப்பிடத்தக்கது. மேலும், சிறப்பாக விளையாடியவர்கள் விருந்தினர்களாகவும், மோசமாக விளையாடியவர்கள் ஸ்டார் ஹோட்டல் ஊழியர்களாகவும் மாற இருப்பதால், அடுத்து வரும் இரண்டு நாட்கள் இந்த டாஸ்க்கில் விறுவிறுப்பு அதிகமாக இருக்கும் என்று எதிர்பார்க்கப்படுகிறது.

விறு விறுப்பாகவும் சென்று கொண்டிருக்கிறது

தமிழ் தொலைக்காட்சி ரசிகர்களுக்கு மிகவும் பிடித்த நிகழ்ச்சியாக பிக்பாஸ் இருந்து வருகிறது. மேலும் இதுவே தொலைக்காட்சி நிகழ்ச்சிகளில் அதிகமான டி. ஆர். பி கொண்ட நிகழ்ச்சியாகவும் இருந்து வருகிறது. குறிப்பாக கடந்த சீசன்களை விட இந்த சீசன் மக்கள் மத்தியில் அதிக வரவேற்பை பெற்று வருகிறது. தொகுப்பாளராக விஜய் சேதுபதி, “ஆளும் புதுசு ஆட்டமும் புதுசு” எனப் பல புதிய விதிமுறைகள் என பல புதுமைகள் நிறைந்து காணப்படுகிறது இந்த சீசன் பிக்பாஸ். தொடங்கிய நாளில் இருந்தே அதிக சுவாரசியமாகவும், விறு விறுப்பாகவும் சென்று கொண்டிருக்கிறது.