ஆட்டம் இனி கலக்கட்ட போகுது.. புதிய திருப்பம்.. திருக்காணி ஆக சுனிதா.. மோசமாகவும் விளையாடிய போட்டியாளர் யார்?

விஜய் சேதுபதி வெளுத்து வாங்கி வருகிறார்

பிக்பாஸ் தமிழ் சீசன் 8 தொடங்கிய நாளில் இருந்து இன்று வரை எந்தவித சுவாரசியங்களும் குறையாமல் சென்று கொண்டிருக்கிறது. புதிய தொகுப்பாளராக பொறுப்பேற்ற விஜய் சேதுபதி கடந்த 2 வாரங்களாக போட்டியாளர்களை வச்சு செய்து வருகிறார். எதையும் போட்டு இழுக்காமல் வெட்டு ஒண்ணு துண்டு ரெண்டு எனப் பேசி வருகிறார். மேலும் பிக்பாஸ் ரசிகர்களிடையே விஜய் சேதுபதியின் பாணி மிகவும் பிடித்து போகிறது. முக்கியமாக இந்த நிகழ்ச்சியின் சுவரரசியமே வார இறுதியில் நடக்கும் எபிசோட் தான். அதற்கு ஏற்றவாறு விஜய் சேதுபதி வெளுத்து வாங்கி வருகிறார்.

விறுவிறுப்பாக சென்று கொண்டிருக்கிறது

பிக் பாஸ் தமிழ் சீசன் 8 தொடங்கியதிலிருந்து விறுவிறுப்பாக சென்று கொண்டிருக்கிறது. நிகழ்ச்சியின் தொடக்கத்திலேயே சாச்சனா வெளியேற்றப்பட்டார். பின்னர் முதலாவது வாரத்தில் ரவீந்தர் வெளியேற்றப்பட்டார். மேலும் சர்ச்சைக்குள்ளாகிய அன்சிதா மற்றும் அர்னவ் பேசு பொருளாக இருந்து வந்தனர். இந்நிலையில் முந்தைய வார இறுதி எபிசோடில் அர்னவ் எலிமினேட் செய்யப்பட்டார்.

பிக்பாஸ் வீடு ஃபைவ் ஸ்டார் ஹோட்டலாக

தமிழ் பிக்பாஸ் சீசன் 8 நிகழ்ச்சி தொடங்கி மூன்றாவது வாரம் சென்று கொண்டிருக்கிறது. இன்று பிக்பாஸில் புதிய டாஸ்க் ஒன்று கொடுக்கப்பட்டுள்ளது. சீசன் தொடங்கிய நாளில் இருந்து பல புதிய டாஸ்க்குகளை பிக்பாஸ் போட்டியாளர்களுக்கு வழங்கி வருகிறார். அந்த நிலையில் இந்த வாரம் புதிய டாஸ்க் ஒன்றை வழங்கி உள்ளார். அதன் படி பிக்பாஸ் வீடு ஃபைவ் ஸ்டார் ஹோட்டலாக மாறியுள்ளது. 

அதில் ஹோட்டல் பணியாளர்கள் மற்றும் வாடிக்கையாளர்களும் என இரு அணி உள்ளது. வாடிக்கையாளர்கள் கேட்பதை பணியாளர்கள் செய்து தர வேண்டும் என விதிமுறை விதிக்கப்பட்டுள்ளது. முதலில் பெண்கள் அணியினர் ஹோட்டல் பணியாளர்களாக செயல்பட்டு அங்கு வாடிக்கையாளர்களாக வந்த ஆண்களை முடிந்த அளவு கடுப்பேத்தி இருப்பர். இந்நிலையில், தற்போது ஆண்கள் அணி ஹோட்டல் பணியாளர்களாக செயல்பட்டு வருகின்றனர்.

18 ஆம் நாளின் முதல் ப்ரோமோ

இந்த நிலையில், தற்போது பிக்பாஸ் 18 ஆம் நாளின் முதல் ப்ரோமோ வெளியாகியுள்ளது. இந்த டாஸ்க்கில் ஒரு புதிய திருப்பம் ஏற்பட்டுள்ளது. அதாவது, ஸ்டார் ஹோட்டல் டாஸ்க்கில் சிறப்பாகவும் மோசமாகவும் விளையாடிய போட்டியாளர்கள் தேர்வு செய்யப்பட்டு, இதில் சிறப்பாக விளையாடியவர்கள் ஒரு அணியும், மோசமாக விளையாடியவர்கள் ஒரு அணியும் விளையாடப் போகிறார்கள். இந்த இரண்டு அணியிலும் ஆண்கள், பெண்கள் கலந்து இருப்பார்கள் என்பது குறிப்பிடத்தக்கது. மேலும், சிறப்பாக விளையாடியவர்கள் விருந்தினர்களாகவும், மோசமாக விளையாடியவர்கள் ஸ்டார் ஹோட்டல் ஊழியர்களாகவும் மாற இருப்பதால், அடுத்து வரும் இரண்டு நாட்கள் இந்த டாஸ்க்கில் விறுவிறுப்பு அதிகமாக இருக்கும் என்று எதிர்பார்க்கப்படுகிறது.