உங்களுடைய தவறும் இருக்கு! ஜாக்குலினை வெளுத்து வாங்கிய விஜய் சேதுபதி!
பிக் பாஸ் தமிழ் 8 இன் இன்றைய எபிசோட் புரோமா தற்போது வெளியாகியுள்ளது. இதில் ஜாக்குலின் செய்த தவறுகளையும், அதன் விளக்கங்களையும் விஜய் சேதுபதி விசாரித்தார்.
தமிழ் பிக்பாஸ் சீசன் 8 நிகழ்ச்சி கடந்த அக்டோபர் 6 அன்று கோலாகலமாக தொடங்கப்பட்டது. மேலும் புது தொகுப்பாளராக விஜய் சேதுபதி, ஆளும் புதுசு ஆட்டமும் புதுசு என புது விதிமுறைகள், 18 போட்டியாளர்கள் நிகழ்ச்சியின் உள் நுழைந்தனர். மேலும் இந்நிகழ்ச்சி தொடங்கிய முதல் நாளில் இருந்தே சூடு பறக்க விவாதங்கள், பல பிரச்சனைகள் என இருந்து வந்தது. நாள்தோறும் போட்டியாளர்களுக்கு இடையில் பஞ்சயாத்து, வார இறுதியில் விஜய் சேதுபதி பஞ்சாயத்து என விறு விறுப்பாக சென்று கொண்டிருந்தது. 14 ஆவது நாளான இன்று விஜய் சேதுபதியின் பஞ்சாயத்தும் தொடர்கிறது.
இந்நிலையில் தற்போது இரண்டு வாரங்கள் முடிந்துள்ளது. கடந்த வாரத்தில் பேட்மேன் ரவீந்தர் எலிமினேட் செய்யப்பட்டார். மேலும் இந்த வார நாமினேஷன் லிஸ்ட்டில் ஜாக்குலின், அர்ணவ் ஆகியோர் இருந்து வந்தனர். இந்நிலையில் தற்போது இந்த வாரம் அர்ணவ் வெளியேற்றப்பட்டதாக தகவல் வெளியாகி உள்ளது. பிக் பாஸ் தமிழ் 8 இன் இன்றைய எபிசோட் புரோமா தற்போது வெளியாகியுள்ளது. இதில் ஜாக்குலின் செய்த தவறுகளையும், அதன் விளக்கங்களையும் விஜய் சேதுபதி விசாரித்தார்.
நேற்றைய தினமான அக்டோபர் 19 சனிக்கிழமை வீட்டில் நடந்த சாப்பாடு பிரச்சனைகளை விஜய் சேதுபதி கேட்டு தீர்த்து வைத்தார். ஒரு முட்டைக்கும், சம்மந்திக்கும் மிகப்பெரிய பிரச்சனை செய்ததாக எடுத்துரைத்தார். அதில் தர்சா கூறிய அனைத்து குற்றச்சாட்டுகளும் பொய் என சக போட்டியாளர்கள் சிலர் தெரிவித்து இருந்தனர். அதனைத் தொடர்ந்து தற்போது வெளியாகியுள்ள புரோமோவில் ஜாக்குலின் தன்னை எல்லாரும் டார்கெட் செய்து பல செயல்களை செய்வதாக குற்றம் சாட்டியிருந்தார்.
கண்டித்த விஜய் சேதுபதி
ஜாக்குலினின் குற்றச்சாட்டுகள் எதுவும் நியாயமானது இல்லை எனவும், அவர் முழுக்க முழுக்க செய்து தவறுகளுக்காக மட்டுமே தண்டிக்கப்பட்டார் எனவும் விஜய் சேதுபதி தெரிவிக்கிறார். அதை தொடர்ந்து இன்று, ஜாக்குலின் விதிமுறைகளை மீறியது குறித்து பேசப்படுகிறது. இதில் ஜாக்குலின் செய்த தவறு குறித்து விஜய் சேதுபதி ஒவ்வொரு விஷயமாக முன்னெடுத்து வைக்கிறார்.
பிக்பாஸ் வீட்டிற்கு என உள்ள விதிகளை மீறியதற்காக உங்களுக்கு தண்டனை கொடுத்துள்ளார்கள். ஆனால் அதனை நீங்கள் டுவிஸ்ட் செய்து , 'என்னை அனைவரும் டார்கெட் செய்கிறார்கள் என்று சொல்வது தவறு எனக் கூறுகிறார். நடந்த விஷயத்தை விசாரித்தால், அதில் உங்களுடைய தவறும் இருக்கிறது என ஜாக்குலினை வெளுத்து வாங்கியுள்ளார் விஜய் சேதுபதி.
தர்சாவையும் விட்டுவைக்க வில்லை
இதனைத் தொடர்ந்து ஹாட்ஸ்டார் யுட்யூப் பக்கத்தில் வெளியாகியுள்ள புரோமோ வீடியோவில், 'ஆண்கள் அணியினர் மெண்டல் டார்ச்சர் செய்ததாக அர்ணவ் கூறியதாக தர்சா கூறியிருந்தார். அதனை மறுத்த அர்ணவ், விஜய் சேதுபதி சார் கேட்கும் போது பதில் கூற வேண்டும் என தெரிவித்து இருந்தார். அது குறித்து இன்று விஜய் கேட்ட போது அர்ணவ் அவ்வாறு கூறியது போல தான் உள்ளது என தர்சா கூறுகிறார். அதற்கு உறுதியாக கூறும்படி கூறுகிறார். நேற்றில் இருந்தே தர்சாவின் உண்மையான முகத்திரை கிழிக்கபட்டதாக ரசிகர்கள் கமெண்ட் செய்து வருகின்றனர். மேலும் இன்று அர்ணவ் வெளியேறியுள்ளார் எனவும் ரசிகர்கள் தெரிவித்து வருகின்றனர்.
டாபிக்ஸ்