வாவ்.. 4 நிமிட சிவாஜி வசனத்தை பேசி தெறிக்க விட்ட முத்துக்குமரனுக்கு குவியும் பாராட்டு.. வீடியோ வைரல்!

பிக்பாஸ் சீசன் 8 நிகழ்ச்சி கடந்த 6ஆம் தேதி தொடங்கியது. மொத்தம் 18 போட்டியாளர்கள் கலந்து கொண்ட நிலையில், கடந்த வாரம் ரவீந்தர் சந்திரசேகர் வெளியேறினார். தற்போது 17 போட்டியாளர்கள் விளையாடி வருகின்றனர்.பிக்பாஸ் நிகழ்ச்சியில், கடந்த வாரம் போட்டியாளர்கள் மக்களை சரியாக என்டர்டெயின் செய்யவில்லை என்று புதிதாக தொகுப்பாளராக களமிறங்கி இருக்கு விஜய்சேதுபதி வறுத்தெடுத்த நிலையில், இந்த வாரம் உஷாரான போட்டியாளர்கள், ஆரம்பம் முதலே ஸ்கோர் செய்யும் வகையில் விளையாட ஆரம்பித்தனர். சிலர் தனியாகவும், பலர் அணியாகவும் தங்களை ஸ்கோர் செய்து கொண்டிருக்கின்றனர்.

கடுப்பின் உச்சத்திற்கு சென்ற பெண்கள் அணி

முன்னதாக, டாஸ்க்கில் ஜெயித்த ஆண்கள் அணி கோடு போட்டு தண்ணீர் எடுக்க வேண்டும் என்றால் கூட, எங்களிடம் கேட்டுதான் எங்கள் வீட்டிற்குள் வரவேண்டும் என்று கண்ஷன்களை போட்டு தாளிக்க, அதை மீறி உள்ளே வந்த செளந்தர்யாவிற்கும், தர்ஷிதாவிற்கும் சுவற்றைப்பார்த்து பேசாமல் உட்காரும் தண்டை வழங்கப்பட்டது. இதில், கடுப்பின் உச்சத்திற்கு சென்றது பெண்கள் அணி. இதையடுத்து அடுத்த டாஸ்க்கில் ஜெயித்த பெண்கள் அணி, தற்போது ஆண்களை வறுத்தெடுக்க ஆரம்பித்து இருக்கின்றனர். இந்த முறை தர்ஷாகுப்தா ஆண்கள் அணிக்கும், தீபக் பெண்கள் அணிக்கும் சென்று இருக்கின்றனர்.

தர்ஷா குப்தா முழுக்க, முழுக்க பெண்கள் அணிக்கு ஆதரவாக செயல்படுகிறார் என்பது மிகவும் அப்பட்டமாக தெரிந்த நிலையில், உஷாரான ஆண்கள் அணி, தர்ஷாவை ஆரம்பத்தில் இருந்தே தங்களுடைய நடவடிக்கைகளில் ஈடுபடுத்துவதை தவிர்த்து விட்டனர். இது குறித்து தர்ஷா கேள்வி கேட்டு கோபத்தில் கொந்தளித்தாலும், அதை ஆண்கள் அணி பெரிதாக கண்டு கொள்ளவில்லை. ஆனால், அர்னவ் சில விஷயங்களில் முரண்பாடாக நடந்து கொள்ள, ஆண்கள் அணிக்கும், அர்னவுக்கும் இடையே சண்டை மூண்டது.

ஜாலியாக விளையாடிய போட்டியாளர்கள்

இப்படியாக போட்டி போட்டு கொண்டு இருந்த இரு அணிகளும் 12ஆம் நாளான நேற்று ஜாலியாக விளையாடினர். நேற்று போட்டியாளர்கள் பாடல் பாடியதும், நடித்தும் தங்கள் திறைமைகளை வெளிப்படுத்தினர்.

இதில் தொகுப்பாளர் முத்துக்குமரனின் நடிப்பு வெகுவாக பலரையும் ஈர்த்தது. தொகுப்பாளர் முத்துக்குமரனும், ஆர்.ஜே. ஆனந்தியும் சேர்ந்து சிறிய நாடகத்தை அரங்கேற்றினர். முத்துக்குமரன் சிவாஜி வசனத்தை 4 நிமிடங்கள் பேசினார். காதலும், வீரமும் கலந்த கதை என முத்துக்குமரன் பேசியதும் போட்டியாளர்கள் அனைவரும் மெய்மறந்து கேட்டு கொண்டு இருந்தனர். அவரின் பேச்சி தற்போது சமூக வலைதள பக்கத்தில் வைரல் ஆகி பலரது பாராட்டுக்களை பெற்று வருகிறது.

திறமையை வெளிபடுத்திய போட்டியாளர்கள்

திருமணத்துக்குப் பிறகான தம்பதியின் சோக நிகழ்வை நடிகை பவித்ராவும், தீபக்கும் இணைந்து நடித்துக் காண்பித்தனர். இதில் தீபக் நடிப்பு மிக அருமையாக இருந்ததாக பலர் கருத்துக்களை பதிவிட்டு வருகின்றனர்.

அதேபோல விஜே விஷாலும், அன்ஷிதாவும் நடித்தது பலரிடையே சிரிப்பலையையும் ஏற்படுத்தினாலும், அன்ஷிதா உண்மையாக அழுதுகொண்டு நடிப்பை பாதியிலேயே நிறுத்திவிட்டார். தனது நிஜ வாழ்க்கையில் நடந்த சம்பவம் நினைவுக்கு வந்ததால், நடிப்பதை நிறுதிவிட்டு அழத்தொடங்கினார். பிக்பாஸ் வீட்டில் இருந்த போட்டியாளர்கள் அவரை சமாதானம் செய்தனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.