இவங்க எல்லாம் எதுக்கு விளையாட வரணும்.. வைல்டு கார்டு போட்டியாளர்களை வச்சு செய்யும் போட்டியாளர்கள்

பிக்பாஸ் வீட்டில் இருந்த போட்டியாளர்களுக்கும் வைல்டு கார்டு போட்டியாளர்களுக்கும் இடையே கருத்து மோதல் ஏற்பட்டுள்ளது.

பிக்பாஸ் நிகழ்ச்சியில் மேலும் சுவாரசியம் கூட்டுவதற்காக கடந்த 3ம் தேதி தீபாவளி போனஸாக 6 போட்டியாளர்கள் வைல்டு கார்டு சுற்று மூலம் பிக்பாஸ் வீட்டிற்குள் நுழைந்தனர். இவர்கள், நிகழ்ச்சி ஆரம்பித்து 25 நாட்களைக் கடந்த பின் வந்ததால், அவர்கள் வீட்டில் உள்ள பழைய போட்டியாளர்களுடன் நெருக்கமாக சில காலம் எடுத்துக் கொள்ளும் என்பது தெரிந்ததே.

நெருடலைத் தரும் போட்டியாளர்கள்

ஆனால், இங்கோ வெளியில் இருந்து வந்த போட்டியாளர்கள் வீட்டில் உள்ளவர்கள் எடுக்கும் முடிவில் தொடர்ந்து குறை சொல்வதும், தங்களது கருத்தை பல இடங்களில் மிகவும் அழுத்தமாக பதிவு செய்வதும் பிக்பாஸ் வீட்டில் உள்ளவர்களுக்கு சில நெருடலைத் தருகிறது. இதை போட்டியாளர்கள் பெரிது படுத்தாமல் இருந்த நிலையில், இன்று அது வெடித்துள்ளது. இதுகுறித்த ப்ரோமோ வீடியோவை விஜய் டிவி வெளியிட்டுள்ளது.

அப்போ ஜால்ரா

அந்த வீடியோவில், ரியாவும், மஞ்சரியும் அவங்களுக்கு எதிரா எதாவது பேசினா ரொம்பவே அவங்க ரியாக்ட் பண்றாங்க என தீபக், ஜெஃப்ரி மற்றும் சத்யாவிடம் கூறி வருகிறார். அப்போது பேசிய ஜெஃப்ரி யாராவது ஒருதத்ர் வீட்டில் இருந்து எதற்காவது குரல் கொடுத்தால், நானும் இத ஃபாலோ பண்றேன். இது எனக்கும் சரி என படுகிறதுன்னு சொல்றாங்க எனச் சொல்கிறார். இதைக் கேட்ட தீபக், அப்போ அவங்க ஜால்ரா என விமர்சிக்கிறார்.

ஓவர் காண்பிடன்ட்

அதேபோல, பெண்கள் வீட்டில் ஆனந்தியுடன் பேசிய மஞ்சரி தான் சொல்வது சரி என்ற நிலையிலிருந்து பேசினேன். எனக்கு ஒன்று தப்பு என தெரிந்தால் அதை பேசுவேன் என்றார்.

இதற்கிடையில், கார்டன் ஏரியாவில் பேசிக் கொண்டிருக்கும் சாச்சனாவும் முத்துக் குமரனும் மஞ்சரி மிகவும் பர்ஃபெக்ட் ஆனவர். ஆனா அவரிடம் அதிகளவு ஓவர் காண்பிடன்ஸ் இருக்கு. அதனால சில இடங்களில் மாட்டிக்கிறாங்க என பேசிக் கொண்டிருக்கின்றனர்.

எதுக்கு இவங்க எல்லாம் வரணும்?

பின், சௌந்தர்யாவிடம் பேசிக்கொண்டிருக்கும் சாச்சனா பெண்கள் வீட்டில் இருப்பவரிடமே புரணி பேசிக் கொண்டிருக்கிறார். வெளியில் வரும் போதே சொல்லிட்டு வந்துருப்பாங்க போல, போன உடனே எல்லாரையும் நோட்டீஸ் பண்ண வைக்குறேன்னு என சௌந்தர்யா கோபமாக பேசிக் கொண்டிருக்கிறார். அப்போது பேசிய சாச்சனா, எல்லாத்தையும் வெளியில் இருந்து பாத்துட்டு வீட்டுக்குள்ள வந்து அதையும் நெகட்டிவ்வா காட்டிட்டு போறதுக்கு எதுக்கு வைல்டு கார்டுல வரணும் என ரியாவைப் பற்றி பேசியிருப்பார்.

இப்படி, புதிதாக வந்தவர்களால் பிக்பாஸ் வீடு பற்றி எரிவதால், இனிவரும் எபிசோடுகள் ஓரளவுக்காவது நன்றாக இருக்கும் என எதிர்பார்க்கப்படுகிறது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.