நெருப்புடா நெருங்குடா பாப்போம்.. மாஸ் என்ட்ரி கொடுத்த சாச்சனா.. வந்த உடனே ஆட்டம் ஆரம்பம்.. ஆடிப்போன போட்டியாளர்கள்!

விஜய் டிவியின் பிரதான நிகழ்ச்சியான பிக்பாஸ் 8 நான்கு தினங்களுக்கு முன் தொடங்கியது. இந்த நிகழ்ச்சியை கடந்த 7 சீசன்களாக நடிகர் கமல் ஹாசன் தொகுத்து வழங்கி வந்த நிலையில், இந்த முறை “ஆளும் புதுசு ஆட்டமும் புதுசு” என நடிகர் விஜய் சேதுபதி தொகுத்த வழங்குகிறார். மூன்று தினங்களுக்கு முன் இந்த சீசன் கோலாகலமாக தொடங்கியது. இதில் 18 போட்டியாளர்கள் பங்கேற்ற நிலையில் 24 மணி நேரத்தில் சாச்சனா முதல் போட்டியாளராக எலிமினேட் செய்யப்பட்டார்.

ஐந்தாம் நாள் முதல் ப்ரோமோ

பிக் பாஸ் சீசன் 8 ஐந்தாம் நாள் முதல் ப்ரோமோ வெளியாக இருக்கிறது. இந்த ப்ரோமோவில் நெருப்புடா நெருங்குடா என இசை வாசிக்க மறைமுகமாக யாருக்கும் தெரியாமக் சாச்சனா என்டரி கொடுக்கிறார். அவர் யாருக்கும் தெரியாமல் பெட் ரூமுக்குள் சென்று கேஷுவலாக அமர்ந்திருக்கிறார்.

அவரை முதலில் விஷால் பார்த்து ஷாக் ஆகிறார். ஏய் இங்க பாரு என விஷால் சொல்ல அனைவரும் வந்து பார்த்து சாச்சனாவை கட்டி அணைத்து வரவேற்கிறார்கள்.

லீஸ்ட் கன்டென்ட் கொடுக்கும் போட்டியாளர்

பின்னர் சாச்சனா அனைத்து போட்டியாளர்கள் முன்னிலையில் நான் வெளியில் அனைத்தையும் பார்த்தேன். அதன்படி லீஸ்ட் கன்டென்ட் கொடுக்கும் போட்டியாளர் என்றால் அது ரஞ்சித் சார், சத்யா அண்ணா, விஷால் அண்ணா என்ன சொல்கிறார். இந்த மூவரில் எனக்கு மிகவும் லீஸ்ட் கண்டெண்ட் ஆக இருக்கும் நபர் என்றால் என கூறுகிறார் இதோடு இந்த ப்ரோமோ முடிவடைகிறது.

சாச்சனா  கண்டிப்பாக அதிரடி ஆட்டத்தில் இறங்கப் போகிறார் என்பது இதில் இருந்து தெரிகிறது. அவர் எந்த மாதிரியான கேம் பிலே கொண்டு வருகிறார் என்றும் போட்டியாளர்கள் அவரை எப்படி எதிர்கொள்கிறார்கள் என்று பொறுத்திருந்து பார்ப்போம்.

சிறப்பான நடிப்பை வெளிப்படுத்திய சாச்சனா

நடிகர் விஜய் சேதுபதியின் 50வது படமான மகாராஜா பெரும் வெற்றி பெற்றது. நெட்பிளிக்ஸ் தளத்தில் வெளியான இந்தப் படம் அதிக பார்வையாளர்களைக் கடந்த படம் என அறிவிக்கப்பட்டது. அதுமட்டுமல்லாமல், இந்தப் படம் பல விருது நிகழ்ச்சிகளிலும் பங்கேற்று பலதரப்படட் மக்களை ஈர்த்தது.. பாலியல் துன்புறுத்தலுக்கு உள்ளாக்கப்பட்ட தனது மகளுக்காக போராடும் தந்தையின் கதைதான் மகாராஜா.இந்தப் படத்தில் விஜய் சேதுபதி மஹாராஜாவாகவும், சச்சனா அவரது மகளாகவும் நடித்திருப்பார். சச்சனா, பாலியல் துன்புறுத்தலுக்கு உள்ளாக்கப்பட்ட பெண்ணாகவும், அதிலிருந்து மீண்டு வந்து பேசும் காட்சிகளிலும் தனது சிறப்பான நடிப்பை வெளிப்படுத்தி தமிழ் மக்களின் மனதில் இடம்பிடித்தார்.

குழந்தை நட்சத்திரமாகவே சில சீரியல்களில்

இந்நிலையில், சச்சனாவிற்கு மகாராஜா தான் முதல் படம் என்றும், அவர் தன் முதல் படத்திலேயே அவரது திறமையை நிலைநாட்டிவிட்டார் எனவும் பலரும் கூறி வந்தனர். ஆனால், சச்சனா 6 மாத குழந்தையாக இருந்தோபோதே நடிக்க வந்துவிட்டாராம். இவர் தமிழ் மக்களால் அதிகம் விரும்பப்பட்ட சீரியலான மெட்டிஒலியில் தான் முதலில் நடித்துள்ளாராம். இந்த சீரியலில் நடிக்க வரும் போது அவருக்கு வயது 6 மாதம் தானாம்.

பின் குழந்தை நட்சத்திரமாகவே சில சீரியல்களில் நடித்து வந்தவர், கண்ணான கண்ணே சீரியலில் தான் அனைவருக்கும் பரிச்சையமாகி உள்ளார். சன் டிவியில் ஒளிபரப்பாகி வந்த இந்த சீரியலில் சச்சனா நடிக்கும் போது 9ம் வகுப்பு படித்து வந்தாராம். பின், செங்கலம் என பெயரிடப்பட்ட வெப் சீரிஸ் ஒன்றிலும் நடித்திருக்கிறாராம்.