விஜய் சேதுபதி மகன் நடித்த ஃபீனிக்ஸ் வீழான்.. குட் பேட் அக்லி படத்தில் அஜித் லுக்.. வேட்டையன் 2 ஆம் நாள் வசூல்!
Oct 12, 2024, 08:47 AM IST
Share
Top Cinema News : விஜய் சேதுபதியின் மகன் நடித்த ஃபீனிக்ஸ் வீழான், குட் பேட் அக்லி படத்தில் அஜித் லுக், வேட்டையன் 2 ஆம் நாள் வசூல் என இன்றைய டாப் சினிமா செய்திகளை பார்க்கலாம்!
வேட்டையன் 2 ஆம் நாள் வசூல்
வேட்டையன் திரைப்படம் நேற்று இந்தியா முழுவதும் சுமார் 28 கோடி வசூல் செய்திருந்தது. உலக அளவில் ஒட்டுமொத்தமாக வேட்டையின் திரைப்படத்தில் இரண்டாவது நாள் வசூல் 50 கோடி ரூபாய் எனக் கூறப்படுகிறது. இரண்டு நாட்களில் 120 கோடி வசூலை வேட்டையன் திரைப்படம் கடந்துள்ளதாக பாக்ஸ் ஆபீஸ் நிபுணர்கள் தெரிவிக்கின்றனர்.
லெவன் முதல் சிங்கிள் பாடல்
தமிழ் மற்றும் தெலுங்கு ஆகிய இரு மொழிகளிலும் உருவாகியுள்ள திரில்லர் திரைப்படம் தான் 'லெவன்'. இன்று அந்த படத்தின் முதல் சிங்கிள் பாடலை கமல்ஹாசன் வெளியிட்டுள்ளார். டி. இமான் இசையமைத்த அந்த பாடலை பிரபல நடிகை மற்றும் பாடகியான ஸ்ருதி ஹாசன் பாடியுள்ளார். படத்தின் இயக்குனர் லோகேஷ் அஜ்ல்ஸின், இந்த பாடல் வரிகளை முழுமையாக ஆங்கிலத்தில் எழுதியுள்ளார். 'தி டெவில் இஸ் வெயிட்டிங்' என்று தலைப்பிடப்பட்டுள்ள இந்த பாடலை முன்னணி இசை நிறுவனமான சரேகாமா வெளியிட்டுள்ளது.
"பவர் லட்டு" ஃபர்ஸ்ட் லுக் போஸ்ட்டர்
பவர் ஸ்டார் அவரது இயக்கத்தில் உருவாக உள்ள புது படத்திற்கு "பவர் லட்டு" என பெயர் வைத்துள்ளார். இந்த படத்தை மாபெரும் பொருட்செலவில் L V Creations சார்பில் டாக்டர் லோகு தயாரிக்கின்றார். இவர் இதற்க்கு முன்னதாக பவர் ஸ்டார் நடித்த "முன்தினம்" படத்தை தயாரித்து இயக்கினார்.வினோத் குமார் ஒளிப்பதிவு மேற்கொள்ள வசந்த் மோகன்ராஜ் இசையமைக்கின்றார். இந்த படத்தின் ஃபர்ஸ்ட் லுக் போஸ்ட்டரை நகைச்சுவை நடிகர் செந்தில் அவர்கள் வெளியிட பவர் ஸ்டாரும் தயாரிப்பாளரும் பெற்று கொண்டனர். அதுமட்டுமின்றி செந்தில் அவர்கள் இந்த படத்தில் ஒரு முக்கிய கதாபாத்திரத்தில் நடிக்கப் போவதாகவும் கூறுகின்றனர்.
நடிகை ஸ்ருதிஹாசன் குற்றம் சாட்டு
மும்பையிலிருந்து புறப்படும் இன்டிகோ விமானம் 4 மணிநேரம் தாமதமானதாகவும், அது குறித்த இன்டிகோ விமான நிறுவனம் எந்த தகவலையும் முறையாக தெரிவிக்கவில்லை என்றும் நடிகை ஸ்ருதிஹாசன் குற்றம் சாட்டியுள்ளார்.
ஃபீனிக்ஸ் வீழான் நவம்பர் 14-ம் தேதி
விஜய் சேதுபதியின் மகன் சூர்யா நடிக்கும் ஃபீனிக்ஸ் வீழான் திரைப்படம் வரும் நவம்பர் 14-ம் தேதி திரையரங்குகளில் வெளியாகும் என அறிவிக்கபட்டுள்ளது. விஜய் சேதுபதி நடித்த நானும் ரவுடி தான், சிந்துபாத் படங்களில் அவரது மகன் சூர்யா சின்ன சின்ன கதாபாத்திரங்களில் நடித்திருந்தார். தற்போது அவர் ஃபீனிக்ஸ் வீழான் என்ற படத்தின் மூலம் நாயகனாக அறிமுகமாகிறார். இந்தப் படத்தை பிரபல சண்டை இயக்குநர் அனல் அரசு இயக்குகிறார். ஆக்ஷன் - ஸ்போர்ட்ஸ் ட்ராமாவாக உருவாகும் இப்படத்துக்கு சாம்.சி.எஸ் இசையமைக்கிறார்.
குட் பேட் அக்லி படத்தில் அஜித் லுக்
அஜித் நடித்து வரும் குட் பேட் அக்லி படத்தில் அவரது தோற்றம் வெளியாகி ரசிகர்களின் கவனத்தை ஈர்த்துள்ளது. விதவிதமான இந்த லுக், படத்தின் மீதான எதிர்பார்ப்பை அதிகரித்துள்ளது. கடைசியாக அஜித் நடிப்பில் வெளியான துணிவு படத்தின் கெட்டப் ரசிகர்களை கவர்ந்தது. அதில் முழுக்க வெள்ளை தாடி, வெள்ளை முடியுடன் இருந்தார் அஜித்.
ஐந்தாம் வேதம் சீரிஸின் டீசர்
1995 முதல் 1998 வரை சன் தொலைக்காட்சியில் ஒளிபரப்பான பிரபல தொடர் மர்ம தேசம். அமானுஷ்யமான கதைகளை மையப்படுத்தி உருவான இத்தொடர் மக்களிடையே பெரும் வரவேற்பைப் பெற்றது. நாகா மற்றும் சி ஜே பாஸ்கர் இணைந்து இந்த தொடரை இயக்கினார்கள். இந்த தொடரை இயக்கிய நாகா தற்போது இயக்கியுள்ள மித்தாலஜிக்கல் சீரிஸ்தான் ஐந்தாம் வேதம். பரபரப்பான மோஷன் போஸ்டர் வெளியானதைத் தொடர்ந்து, ரசிகர்கள் பெரும் ஆவலுடன் எதிர்பார்த்து காத்திருந்த, ஐந்தாம் வேதம் சீரிஸின் டீசர் வெளியாகியுள்ளது.
பழக பழகத்தான் அவர் தங்கம் இல்லை குப்பை என்று தெரிகிறது
யூடியூப் சேனலில் பேசியி இயக்குநர் செல்லம், முதலில் டிடிஎஃப் வாசனுடன் பழகும் போது, அவர் தங்கமாக தெரிந்தார். அதனால், நான் அவரை தங்கம் என்றேன். ஆனால், பழக பழகத்தான் அவர் தங்கம் இல்லை குப்பை என்று தெரிகிறது. வேண்டாத பொருளைத்தான் குப்பையில் போடுவார்கள். அதனால் தான் அவரை நான் குப்பையில் போட்டோன். அந்த குப்பையை வீட்டில் வைத்து இருந்தால், வீடு நாரிவிடும். அவரை படத்தில் இருந்து நீக்கியதற்கான காரணத்தை என்னிடம் சொல்லி இருக்கலாம் என்று கூறியுள்ளார். அப்படி சொல்வதற்கு கூட தகுதி இல்லாதவர் வாசன் என்பதால் நான் சொல்லவில்லை.
டாபிக்ஸ்