என்ன சொல்லப் போகிறார் ரிவால்வர் ரீட்டா.. பரபரப்பான மியூசிக் போட்டு அப்டேட் கொடுத்த டீம்! கீர்த்தி சம்பவம் செய்வாரா?

நடிகை கீர்த்தி சுரேஷ் நடிப்பில் உருவாகியுள்ள ரிவால்வர் ரீட்டா திரைப்படத்தின் டீசர் நாளை வெளியாகவுள்ளதாக படக்குழு அறிவித்துள்ளது. சரஸ்வதி சபதம் படத்தை எடுத்த சந்துரு இயக்கிய உருவான இப்படத்தின் படப்பிடிப்பு சில மாதங்களுக்கு முன் நிறைவடைந்த நிலையில், படக்குழு இந்த அறிவிப்பை வெளியிட்டுள்ளது.

தி ரூட் மற்றும் தி பேஷன் ஸ்டூடியோஸ் தயாரித்த இந்தப் படத்தின் போஸ்டரும் நாளை வெளியாகும் எனப் படக்குழு தெரிவித்துள்ளது.

கீர்த்தி சுரேஷ்

தென்னிந்திய சினிமாவில் கலக்கி வரும் நடிகைகளுள் ஒருவரான கீர்த்தி சுரேஷ், தனது அடுத்தடுத்த படங்களில் திறமையை மெருகேற்றிக் கொண்டே சென்று தற்போது பாலிவுட்டிலும் கால் பதித்துள்ளார். அம்மா, அப்பா இருவருமே சினிமா பின்புலத்தை கொண்டவர்கள் என்பதால், இவர் குழந்தையாக இருந்த போதே நடிக்கத் தொடங்கியுள்ளார். பின் படிப்பை முடித்து மலையாள சினிமாவில் அறிமுகமான இவர், முதல் படத்திலேயே இரட்டை வேடத்தில் நடித்து அசத்தி இருப்பார்.

தமிழில் மாயம் செய்த கீர்த்தி

இதையடுத்து, இயக்குநர் ஏ.எல். விஜய்யின் இது என்ன மாயம் திரைப்படத்தில் நடிகர் விக்ரம் பிரபுவிற்கு ஜோடியாக நடித்து தமிழ் திரையுலகிற்கு அறிமுகமானார். தொடர்ந்து, முன்னணி கதாநாயகர்களுடன் கைகோர்த்த அவர், சிவகார்த்திகேயன், விஜய், ரஜினியுடன் நடித்து தன்னை சினிமாவில் முக்கிய நடிகையாக முத்திரை பதித்துக் கொண்டார்.

தேசிய விருது

பின், தமிழ், மலையாளம் மட்டுமின்றி தெலுங்கு சினிமாவில் முன்னணி நாயகி இடத்தையும் தக்க வைத்தார். மறைந்த நடிகை சாவித்ரியின் வாழ்க்கை வரலாற்றுப் படமான மகாநதியில் தனது சிறப்பான நடிப்பை வெளிப்படுத்தி, அவர் தேசிய விருதையும் பெற்றார், பின் என்ன, சினிமாவில் இவருக்கு ஏறுமுகம் மட்டுமே இருந்தது. தமிழ், தெலுங்கு, மலையாள சினிமாவில் தொடரந்து தனது பங்களிப்பை செலுத்தி வந்த இவர், தற்போது தான் நடிப்பில் மட்டும் சிறந்தவள் அல்ல, தனக்கு வேறு திறமைகளும் உள்ளது என்பதை நிரூபித்துள்ளார்.

ரகு தாத்தா

சுமன் குமார் இயக்கத்தில் ஹோம்பாலே ஃபிலிம்ஸ் தயாரித்திருந்த படம் ரகு தாத்தா. இந்தி திணிப்பு மற்றும் ஆணாதிக்கத்தைப் மையமாக கொண்டு உருவாக்கப்பட்டுள்ள இந்தப் படம் காமெடி படமாக உருவாக்கப்பட்டது. இதில் கீர்த்தி சுரேஷின் நடிப்பு பலராலும் பாராட்டப்பட்டது. சமூகப் பிரச்சனைகளின் ஆணிவேரை ஆராயும் அழுத்தமான திரைக்கதை கொண்ட இப்படம் ஒரு தைரியமான பெண்ணின் பயணத்தை பற்றி அழகாகவும் சிரிப்புடனும் எடுத்துக் கூறியது.

கார் ரேஸர் ஆன கீர்த்தி

சில நாட்களுக்கு முன் அபுதாபியில் சுற்றுப் பயணம் மேற்கொண்ட கீர்த்தி, அங்கு நடந்த கார் ரேஸ் ஒன்றிலும் பங்கேற்றுள்ளார். அது தொடர்பான வீடியோ ஒன்றையும் வெளியிட்டு ரசிகர்களை வாயடைக்க வைத்துள்ளார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.