பாயாசத்தின் ருசி கண்ட நடிகர்.. இந்தியன் 4 படத்திற்காக வெயிட்டிங்.. இது நம்ம லிஸ்ட்லயே இல்லையே!

நாட்டில் நடக்கும் ஊழலுக்கு எதிராக கமல் ஹாசன், இந்தியனாக கொடுத்த குரல் தமிழக மக்களிடம் மாபெரும் தாக்கத்தை ஏற்படுத்தியது. இந்த தாக்கம் இன்றளவும் இருப்பதை உணர்ந்த, கமல் ஹாசனும், அப்படத்தின் இயக்குநர் ஷங்கரும் இந்தப் படத்தின் அடுத்தடுத்த பாகத்தை எடுக்க தயாராகினர்.

5 வருடம் நடந்த படப்பிடிப்பு

சுமார் 5 ஆண்டுகளாக இந்தப் படத்தின் படப்பிடிப்பு நடந்து வந்தது. இரண்டாம் பாகத்தினுடன் சேர்த்து இந்தியன் 3 படத்தையும் ஒன்றாக எடுத்து வருவதாகவும் தெரிவித்தனர். அந்த சமயத்தில் தான் தாத்தா வராரு கதறவிட போறாரு என்ற பாடல் வெளியாகி இளைஞர்களை ஆட்டம் போட வைத்தார் இந்தியன். இந்த பாடல் மூலம் இந்தியன் தாத்தா இளைஞர்களுக்கானவராக இருப்பார் என பலரும் எதிர்பார்த்து காத்திருந்தனர்.

அதுமட்டுமின்றி, இந்தப் படத்தில் கமல் ஹாசன், நெடுமுடி வேணு மட்டுமின்றி, சித்தார்த், பாபி சிம்ஹா, சமுத்திர கனி, தம்பி ராமையா, பிரியா பவானி சங்கர், ரகுல் ப்ரீத் சிங், நண்டு ஜெகன் என பல நட்சத்திரங்கள் நடித்திருந்ததால் நிச்சயம் ஏதேனும் சம்பவம் இருக்கும் என எதிர்பார்த்தனர்.

பாயாசத்தின் ருசி

அச்சமயம், படக்குழு படத்தின் ப்ரொமோஷன் வேலைகளில் இறங்கி இருந்த சமயத்தில் நடிகர் சித்தார்த் பேசிய வார்த்தைகளை தற்போது சிலர் வைரலாக்கி வருகின்றனர். இந்தியன் 2 படம் பெரிதாக மக்களை கவராமல் போனதால் அதன் அடுத்த பாகத்தை நேரடியாக ஓடிடியில் வெளியிட படக்குழு முடிவு செய்துள்ள நிலையில், இந்த வீடியோவை வைரலாக்கி படக்குழுவினரை கிண்டல் செய்து வருகின்றனர்.

அந்த வீடியோவில், நடிகர் சித்தார்த்திடம் இந்தியன் 2, இந்தியன் 3 இந்த 2 படங்களில் எந்தப் படம் உங்களுக்கு பிடித்தமானது என கேள்வி எழுப்பப்பட்டிருக்கும். 

இதற்கு சிறிதும் யோசிக்காமல் சித்தார்த் எனக்கு இந்தியன் 2வும் இல்லை இந்தியன் 3யும் இல்லை. எனக்கு மிகப் பிடித்தப் படம் என்றால் அது இந்தியன் 4 தான் பிடிக்கும். இந்தப் பாயாசத்தை எனக்கு ருசி காட்டி வைத்துள்ளனர். அதனால் இந்தியன் 4 வர வேண்டும். அந்தப் படத்திலும் நான் நடித்து பாயாசத்தின் ருசி காண வேண்டும் என அவர் கூறியிருப்பார்.

நெட்டிசன்கள் பதிலடி

இந்த வீடியோவை பகிர்ந்த நெட்டிசன்கள், இந்தியன் தாத்தாவை ஆதரித்ததற்காக அவர் அந்தப் படத்தில் வாங்கிய அடிகளையே பதிலாக கொடுத்துள்ளனர். தாத்தா வைப்பில் கதற விடுவார் என எண்ணிய மக்களுக்கு பேசி கதற விடுவார் என்பது தெரியாமல் போனது என பலரும் கிண்டலடித்து வருகின்றனர்.

தோல்வியை சந்தித்த இந்தியன் தாத்தா

இப்படி, படம் வெளியான முதல் நாளிலிருந்து அடிமேல் அடி வாங்கியதால், இந்தியன் 2 படம் மிகப்பெரும் தோல்வியை சந்தித்தது. படத்தில் உள்ள பல லாஜிக் குறைகள் பட்டி தொட்டி எங்கும் வேகமாக பரவியது. இதனால், படம் எதிர்பார்த்த அளவு மக்களிடம் வரவேற்பை பெறாமல் வசூல் மற்றும் விமர்சன ரீதியாக பெறும் தோல்வியை சந்தித்தது.

இதன் தாக்கம் நிச்சயம் இந்தியன் 3 படத்திலும் இருக்கும் என இயக்குநர் ஷங்கர் நினைத்திருந்தார். அதேசமயம் அவர் இயக்கும் அடுத்தடுத்த படத்திலும் இதன் தாக்கம் இருக்கும் எனவும் அச்சப்பட்டார். அந்த பயம் தற்போது உண்மையாகி உள்ளது.

ஓடிடியில் வெளியாகும் இந்தியன் 3

ஆம். இந்தியன் 3 படம் தியேட்டர்களில் வெளியிடாமல் நேரடியாக ஓடிடியில் வெளியிட படக்குழு முடிவு செய்துள்ளது. மேலும், தற்போது இயக்குநர் மணிரத்னம் இயக்கத்தில் கமல் ஹாசன் நடித்துள்ள தக் ஃலைப் படம் விரைவில் வெளியாக உள்ளது. இந்தப் படத்தில் கமல் ஹாசனின் நடிப்பும்., கதையும் மக்களை எந்த அளவிற்கு ஈர்க்கிறது என்பதை பார்த்த பின் இந்தியன் 3 படத்தை ஓடிடியில் வெளியிடுவது குறித்து ஆலோசிக்கலாம் எனவும் கூறியுள்ளதாம். நிலைமை இப்படி இருக்க ஒருவர் ருசி கண்டு இந்தியன் 4 பாயாசத்தை கேட்டுள்ளது மக்களிடையே விமர்சனத்திற்கு உள்ளாகியுள்ளது.