இனி ஆட்டம் ஆரம்பம்.. வரிசை கட்டும் படங்களால் மவுசு குறையாத ஜெயம் ரவி..

தமிழ் சினிமா வட்டாரத்தில் தற்போது பரபரப்பாக பேசப்படும் நடிகர்களில் ஒருவராக உள்ளார் ஜெயம் ரவி. இவர் மனைவி ஆர்த்தியை பிரிய போவதாக அறிவித்தது மட்டுமின்றி அதற்காக அவர் கூறியுள்ள காரணங்கள் தான் ஹைலைட். இதனால், அவர் மீது பலரும் பரிதாபப்பட்டு வருகின்றனர்.

இன்த நிலையில் தான், மனைவி ஆர்த்தியை பிரிந்த அவர் தன்னை "நியூ மி" எனக் குறிப்பிட்டு வந்தார். இதைத் தொடர்ந்து ஜெயம் ரவிக்கு நல்ல காலம் ஆரம்பித்துவிட்டது என ரசிகர்கள் பலரும் கூறிவந்த நிலையில், அவரின் 34வது படத்தின் அறிவிப்பு வெளியாகி உள்ளது.

இயக்குநர் ராஜேஷ் கூட்டணி

தற்போது, சிவா மனசுல சக்தி, பாஸ் என்கிற பாஸ்கரன், ஒரு கல் ஒரு கண்ணாடி போன்ற படங்களை இயக்கி மக்களை சிரிக்க வைத்த இயக்குநர் ராஜேனுடன் இணைந்து நடிகர் ஜெயம் ரவி பிரதர் படத்தில் நடித்துள்ளார். அக்கா, தம்பி இடையே நடக்கும் உணர்வுப்பூர்வமான குடும்பக் கதையாக இந்தப் படம் இருக்கும் என கூறப்பட்ட நிலையில், இப்படத்தின் மக்காமிஷி பாடல் வெளியாகி பெரும் வரவேற்பை பெற்றது,

இந்த நிலையில், ஜெயம் ரவி நடிப்பில் மெக் ஹிட் அடித்த தனி ஒருவன் படத்தின் 2ம் பாகத்தின் படப்பிடிப்பில் பங்கேற்பார் என பலரும் எதிர்பார்த்தனர். ஆனால், ஜெயம்ரவி வோறொரு படத்தில் கமிட் ஆகி இருப்பது தெரியவந்துள்ளது.

ஜெயம் ரவி 34 அறிவிப்பு

கடந்த ஆண்டு கவின்- அபர்ணா தாஸ் நடிப்பில் வெளியான டாடா திரைப்படம் வசூல் ரீதியாகவும், விமர்சன ரீதியாகவும் மக்களிடம் நல்ல வரவேற்பை பெற்றது. இந்நிலையில், அந்தப் படத்தின் இயக்குநரான கணேஷ் பாபுவுடன் இணைந்து தனது அடுத்த படத்தில் நடிக்க உள்ளார். ஜெயம் ரவியின் 34வது படமான இதனை ஸ்கிரீன் சீன் நிறுவனம் தயாரிக்க உள்ளது. இப்படத்திற்கு ஹாரிஸ் ஜெயராஜ் இசையமைக்க உள்ளார் என அறிவிக்கப்பட்டுள்ளது.

இந்தப் படத்தின் படப்பிடிப்பு விரைவில் தொடங்கும் எனவும் அறிவிக்கப்பட்டுள்ளது. இந்தப் படத்தின் கதாநாயகி, துணை நடிகர்கள் உள்ளிட்ட கதாப்பாத்திரங்கள் குறித்த தகவல்கள் இன்னும் வெளியிடப்படவில்லை.

முன்னதாக ஜெயம் ரவி நடித்துள்ள பிரதர் படத்தையும் ஸ்கிரீன் சீன் நிறுவனம் தான் தயாரித்திருந்தது. ஹாரிஸ் ஜெயராஜ் இசையமைத்திருந்தார். தீபாவளியை முன்னிட்டு படம் திரைக்கு வரும் நிலையில், ஜெயம் ரவியை வைத்து ஸ்கிரீன் சீன் நிறுவனம் அடுத்த படத்தை தயாரிக்க முன்வந்துள்ளது குறிப்பிடத்தக்கது.

வரிசையில் காத்திருக்கும் படங்கள்

பிரதர் படத்திற்கு முன்னதாக ஜெயம் ரவி நடித்த இறைவன், சைரன் போன்ற படங்கள் ரசிகர்களிடம் கலவையான விமர்சனங்களை பெற்ற நிலையில், அவர் நடித்துள்ள பிரதர், ஜீனி மற்றும் காதலிக்க நேரமில்லை திரைப்படங்கள் ரிலீஸுக்காக காத்திருக்கின்றன.

இந்த படங்களின் அனைத்து பணிகளும் முடிந்த உடன், ஜெயம் ரவி அவருடைய அண்ணன் ஜெயம் ராஜா இயக்கத்தில் தனி ஒருவன் 2ம் பாகத்தில் நடிப்பார் எனத் தகவல் வெளியாகியுள்ளது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்