Jayam Ravi: திடீரென மாலையும் கழுத்துமாக வந்த ஜெயம் ரவி-பிரியங்கா.. ஷாக் ஆன சமூக வலைதளம்!
Jayam Ravi: நடிகர் ஜெயம் ரவியும், பிரியங்கா மோகனும் திடீரென மாலையும் கழுத்துமாக நிற்கும் புகைப்படம் சமூக வலைதளங்களில் வெளியானது.
Jayam Ravi: தமிழ் சினிமாவில் முன்னணி நடிகராக இருப்பவர் ஜெயம் ரவி. இவர் சமீபத்தில் தன்னுடைய மனைவி ஆர்த்தியை விவாகரத்து செய்து பிரிவதாக அறிவித்தார். ஆனால் ஆர்த்தியோ தான் ஜெயம் ரவியை விவாகரத்து செய்யவில்லை எனவும் என்னிடம் கலந்தாலோசனை செய்யாமலேயே ரவி இப்படி ஒரு முடிவை எடுத்துவிட்டார் எனவும் கூறியிருந்தார்.
காதல் திருமணம்
ஆர்த்தியை காதலித்து இருவீட்டார் சம்மதத்துடன் திருமணம் செய்து கொண்டார் ஜெயம் ரவி. பின், ஜெயம் ரவியின் திரைப்படப் பணிகளில் ஆர்த்தி மற்றும் அவரது குடும்பம் நுழைந்தது. ஜெயம் ரவியின் பெரும்பாலான படங்களை ஆர்த்தியின் தாயார் தான் வெளியிட்டு வருகிறார் எனவும் தகவல்கள் உலா வரத் தொடங்கின.
இந்த நிலையில் தான், ஜெயம் ரவிக்கும் அவரது மனைவிக்கும் அடிக்கடி தகராறு ஏற்பட்டு வந்ததாகவும், இதனால் இருவரும் சில நாட்கள் தனித்தனியே வசித்து வந்ததாகவும் கூறப்படுகிறது. இந்த தகவல்கள் கசிந்த நிலையில், ஜெயம்ரவி மனைவி ஆர்த்தியை விட்டு பிரிவதாக அதிகாரப்பூர்வ அறிவிப்பு ஒன்றை வெளியிட்டிருந்தார். அதில் அனைவரின் நலன் கருதியே இந்த முடிவை எடுத்ததாகவும் கூறியிருந்தார்.
அன்ஃபாலோ செய்த ஜெயம் ரவி
ஜெயம் ரவி தனது இன்ஸ்டாகிரம் பக்கத்தில் தி நியூ மீ எனக் குறிப்பிட்டு பதிவிட்டிருந்தார். இதனை பலரும் விமர்சித்து வந்த நிலையில், ஜெயம் ரவியின் இன்ஸ்டாகிராமை இத்தனை நாள் மனைவி ஆர்த்தி தான் நிர்வகித்து வந்தார் எனவும், இதனால் தான் விவாகரத்து அறிவிப்புக்கு பின்னும் இன்ஸ்டாகிராம் பக்கத்தில் மனைவியின் புகைப்படங்கள் தொடர்ந்து இருந்து வந்ததும் தெரியவந்தது.
சமூக வலைதளங்களில் வைரல்
இதனிடையே நடிகர் ஜெயம் ரவியும், பிரியங்கா மோகனும் திடீரென மாலையும் கழுத்துமாக நிற்கும் புகைப்படம் சமூக வலைதளங்களில் வெளியானது. இதை பார்த்த பலரும் இவர்கள் இருவரும் திருமணம் செய்து கொண்டார்களா? என்று கேள்வி கேட்க ஆரம்பித்தார்கள்.
ஆனால் பின்னர் தான், அவர்கள் நடித்து இருக்கும் பிரதர் படத்தின் புகைப்படம் என்பது தெரியவந்தது. இது போன்று ஏன் சிலர் செய்கிறார்கள். கேவலமான செயல் என்று நெட்டிசன்கள் கருத்து தெரிவித்து வருகின்றனர்.
பிரதர் படக்குழு
நடிகர் ஜெயம் ரவி, பிரியங்கா மோகன், பூமிகா, சரண்யா பொன்வண்ணன், ராவ் ரமேஷ் ஆகிய திரை நட்சத்திரங்கள் நடித்து, ஹாரிஸ் ஜெயராஜ் இசையமைத்து, இயக்குநர் எம். ராஜேஷ் இயக்கிய படம், பிரதர். இப்படம் வரும் தீபாவளிக்கு வெளியாக உள்ளது.
டாபிக்ஸ்