Team India: யுவராஜ் 6 சிக்ஸர்கள், கோலி தாண்டவம்..! டி20 உலகக் கோப்பை போட்டிகளில் இந்தியாவின் மறக்க முடியாத தருணங்கள்

டி20 உலகக் கோப்பை தொடர் இந்த முறை வெஸ்ட் இண்டீஸ் மற்றும் அமெரிக்காவில் நடைபெறுகிறது. முதல் முறையாக அமெரிக்கா நாட்டில் உலகக் கோப்பை டி20 தொடர் நடைபெற்று வருகிறது.

ஒன்பதாவது டி20 உலகக் கோப்பை தொடராக இது அமைந்திருக்கும் நிலையில் மொத்தம் 20 அணிகள் நான்கு பிரிவுகளாக விளையாடி வருகின்றன. இந்த தொடரில் இந்தியா குரூப் ஏ பிரிவில் இடம்பிடித்துள்ளது. இதில் பாகிஸ்தான், யுஎஸ்ஏ, கனடா, அயர்லாந்து ஆகிய அணிகள் உள்ளன.

2007 முதல் டி20 உலகக் கோப்பை தொடர் நடைபெற்று வரும் நிலையில், முதல் டி20 உலகக் கோப்பையை வென்ற அணி என்ற பெருமை இந்தியாவுக்கு உள்ளது. இதன் பின்னர் ஒரு முறை இறுதிப்போட்டி, இரண்டு முறை அரையிறுதி வரை முன்னேறியுள்ளது.

டி20 உலகக் கோப்பை தொடரில் வெற்றிகரமான அணிகளில் ஒன்றாக இருந்து வரும் இந்தியா, இதுவரை பல்வேறு தனித்துவமான சாதனைகளையும், வெற்றியையும் குவித்துள்ளது. டி20 உலகக் கோப்பை தொடரில் இந்திய நிகழ்த்தியிருக்கும் டாப் சம்பவங்கள் சிலவற்றை பார்க்கலாம்

உலகக் கோப்பை இறுதிப்போட்டியில் அதிக ஸ்கோர்

முதல் டி20 உலகக் கோப்பை இறுதிப்போட்டியில் பாகிஸ்தானுக்கு எதிராக இந்தியா விளையாடியது. இந்த போட்டியில் இந்தியா 157 ரன்கள் அடித்தது. இதில் இந்தியாவின் ஓபனராக களமிறங்கிய கெளதம் கம்பீர் 75 ரன்கள் அடித்தார். அணியின் மொத்த ஸ்கோரில் கிட்டத்தட்ட பாதி ரன்கள் அடித்ததுடன், அணியின் வெற்றிக்கு முக்கிய பங்களிப்பாகவும் இது அமைந்தது.

இதற்கு முன்னர் 2011 உலகக் கோப்பையை இந்தியா வென்றபோது, இறுதிப்போட்டியில் இலங்கைக்கு எதிராக 97 ரன்கள் அடித்தார் கம்பீர். அதுவே அணியின் அதிகபட்ச ஸ்கோராக இருந்தது. இதையடுத்து மீண்டும் டி20 உலகக் கோப்பையிலும் பங்களிப்பு அளித்து அணி சாம்பியன் ஆக முக்கிய பங்களிப்பு அளித்தார்.

கம்பீரின் இந்த இன்னிங்ஸ் இந்திய கிரிக்கெட் ரசிகர்களால் மற்க்க முடியாத ஆட்டமாக இருந்து வருகிறது.

டி20 உலகக் கோப்பை போட்டியில் முதல் டை

இந்தியா தனது முதல் டி20 உலகக் கோப்பை போட்டியை பாகிஸ்தானுக்கு எதிராக விளையாடியது. பரபரப்பாக அமைந்த போட்டி டை ஆனது. முதலில் பேட் செய்த இந்தியா 141 ரன்கள் எடுத்த நிலையில், பாகிஸ்தான் அணியையும் அதே ரன்னில் கட்டுப்படுத்தியது.

இதன் வெற்றியாளரை தீர்மானிக்க பவுல் அவுட் முறை பின்பற்றப்பட்டது. அதில் இந்தியா 3-0 என்ற கணக்கில் வெற்றி பெற்றது. அதன்படி பவுல்அவுட் முறையில் நடந்த முதல் போட்டியாகவும் இது உள்ளது. இந்த போட்டிக்கு பின்னர் டி20 உலகக் கோப்பை தொடரில் மூன்று போட்டிகள் மட்டும்தான் டையில் முடிவடைந்துள்ளது.

ஒரே தொடரில் கோலி அதிக ரன்கள்

2014 டி20 உலகக் கோப்பை தொடர் வங்கதேசத்தில் நடைபெற்றது. இதில் இந்திய ஸ்டார் பேட்ஸ்மேனான விராட் கோலி 319 ரன்கள் அடித்தார். இதுவே ஒரே தொடரில் பேட்ஸ்மேனால் அடிக்கப்பட்ட அதிக ஸ்கோராக உள்ளது. கோலி 4 அரைசதம் விளாசியதுடன், இலங்கை அணிக்கு எதிரான இறுதிப்போட்டியில் 77 ரன்கள் எடுத்தார்.

யுவராஜ் சிங் அரைசதம்

ஒரே ஓவரில் 6 சிக்ஸர், 12 பந்தில் அரைசதம், டி20 உலகக் கோப்பையில் முறியடிக்கப்படாத தனித்துவ சாதனையாக இருந்து வருகிறது. இதை செய்வத் இந்தியாவின் ஆல்ரவுண்டரான யுவராஜ் சிங். முதல் டி20 உலகக் கோப்பை தொடரில்

இங்கிலாந்துக்கு எதிரான சூப்பர் 6 ஆட்டத்தில் இதை செய்தார். ஸ்டூவர்ட் பிராட் வீசிய ஓவரில் அனைத்து பந்துகளையும் சிக்ஸர்களாக்கி புதிய சாதனை புரிந்தார். டி20 உலகக் கோப்பை என்றாலே யுவராஜின் இந்த அதிரடி தாண்டவம் அனைவரின் நினைவிலும் தோன்றுவதை தவிர்க்க முடியாது

டி20 உலகக் கோப்பையில் சதமடித்த ஒரே இந்தியர்

டி20 உலகக் கோப்பை தொடரில் இந்தியாவுக்காக சதமடித்த ஒரே வீரராக சுரேஷ் ரெய்னா உள்ளார். 2010ஆம் ஆண்டில் தற்போது நடைபெற்று வரும் இதே வெஸ்ட் இண்டீஸில் நடைபெற்ற தொடரில், தென் ஆப்பரிக்காவுக்கு எதிரான போட்டியில் அவர் இதை செய்தார். 60 பந்துகளில் 101 ரன்கள் அடித்த சுரேஷ் ரெய்னா அற்புத இன்னிங்ஸால் இந்தியா, 14 ரன்கள் வித்தியாசத்தில் வெற்றியை பெற்றது.

அஸ்வின் சுழல் மாயாஜாலம்

2014 டி20 உலகக் கோப்பை தொடரில் மிர்பூரில் நடைபெற்ற ஆஸ்திரேலியாவுக்கு எதிரான போட்டியில் சுழல் மாயாஜாலம் செய்தார் இந்திய ஸபின்னரான ரவிச்சந்திரன் அஸ்வின். ஆரோன் பின்ச், டேவிட் வார்னர், கிளென் மேக்ஸ்வெல் என அடுத்தடுத்து முக்கிய பேட்ஸ்மேன்களை அவுட்டாக்கினார். வெறும் 11 ரன்கள் மட்டும் விட்டுக்கொடுத்து 4 விக்கெட்டுகளை கைப்பற்றி இந்தியாவின் வெற்றிக்கு வித்திட்டார்.

டி20 உலகக் கோப்பை போட்டிகளில் இந்தியாவுக்காக அதிக விக்கெட்டுகளை வீழ்த்தியவராக அஸ்வின் உள்ளார். இவர் 24 போட்டிகளில் 32 விக்கெட்டுகளை கைப்பற்றியுள்ளார்.

ஆஸ்திரேலியாவை பின்னுக்கு தள்ளிய இந்தியா

டி20 உலகக் கோப்பை தொடர்களில் வெற்றிக்கான சதவீதத்தில் ஆஸ்திரேலியா, பாகிஸ்தான், இலங்கை, தென் ஆப்பரிக்கா போன்ற டாப் அணிகளை இந்தியா பின்னுக்கு தள்ளியுள்ளது. இதுவரை 44 டி20 உலகக் கோப்பை விளையாடியிருக்கும் இந்தியா 27 வெற்றி, 15 தோல்விகளை சந்தித்துள்ளது. இந்தியாவின் வெற்றி விகிதம் 1.8 என உள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v