Ind vs SL 3rd ODI Preview: 27 ஆண்டுகளுக்கு பின் சாதனை வெற்றி!அச்சுறுத்தலாக இருக்கும் 20 ஓவர்கள் - இந்தியா பக்கா பிளான்

இலங்கை சுற்றுப்பயணம் மேற்கொண்டிருக்கும் இந்தியா டி20 மற்றும் ஒரு நாள் தொடர்களில் விளையாடி வருகிறது. முதலில் நடைபெற்ற மூன்று போட்டிகள் கொண்ட டி20 தொடரை இந்தியா 3-0 என முழுமையாக வென்றது.

இதைத்தொடர்ந்து மூன்று போட்டிகள் கொண்ட ஒரு நாள் தொடரில் இரண்டு போட்டிகள் முடிவடைந்திருக்கும் நிலையில் 1-0 என இலங்கை அணி முன்னிலை வகிக்கிறது. இரு அணிகளுக்கு இடையிலான முதல் போட்டி டை ஆன நிலையில், இரண்டாவது போட்டியில் இலங்கை 32 ரன்கள் வித்தியாசத்தில் வெற்றி பெற்றது.

ஒரு நாள் தொடருக்கான வெற்றியாளரை தீர்மானிக்கும் மூன்றாவது மற்றும் கடைசி டி20 போட்டி கொழும்புவில் இன்று நடைபெறுகிறது.

டாப் வீரர்கள்

நடந்த முடிந்த இரண்டு போட்டிகளில் இந்திய அணியின் டாப் வீரர்களாக பேட்டிங்கில் அணி கேப்டன் ரோஹித் ஷர்மா 122 ரன்கள், அக்சர் படேல் 77 ரன்கள் அடித்து நல்ல பார்மில் உள்ளார்கள். அதேபோல் பவுலிங்கில் வாஷிங்டன் சுந்தர் 4, குல்தீப் யாதவ் 3 விக்கெட்டுகளை வீழ்த்தி பவுலிங்கில் பக்க பலமாக இருந்துள்ளனர்.

இவர்களை தவிர ஸ்டார் பேட்ஸ்மேனான விராட் கோலி, கேஎல் ராகுல், ஷ்ரேயாஸ் ஐயர், சுப்மன் கில் ஆகியோர் பெரிதாக ரன் குவிப்பில் ஈடுபடாமல் இருந்துள்ளனர். எனவே இவர்கள் தங்களது பேட்டால் பங்களிப்பு அளிக்க வேண்டிய கட்டாயத்தில் உள்ளார்கள்.

அதேபோல் மிடில் ஓவர்களில் இந்திய பேட்ஸ்மேன்களின் சரிவு தோல்விக்கு முக்கிய காரணமாக அமைந்தது. எனவே அதை சரி செய்து கவனமான ஆட்டத்தை வெளிப்படுத்தினால் தொடரை இழப்பதை தவிர்க்கலாம்.

இந்திய பேட்ஸ்மேன்களை அச்சுறுத்தும் இலங்கை பவுலர்கள்

இலங்கை அணி பேட்டிங்கில் பெரிதாக சோபிக்கவில்லை என்றாலும், பவுலர்கள் இந்தியாவுக்கு தலைவலியாகவே முதல் இரண்டு போட்டிகளில் இருந்துள்ளனர்.

அந்த அணியின் ஸ்பின் பவுலரான ஜெஃப்ரி வாண்டர்சே ஒரே போட்டியில் விளையாடி 6 விக்கெட்டுகளை கைப்பற்றியுள்ளார். அதேபோல் மற்றொரு ஸ்பின்னரான அசலங்காவும் 2 போட்டிகளில் 6 விக்கெட்டுகள் எடுத்துள்ளார்.

இந்திய பேட்ஸ்மேன்களை தங்களது துல்லிய பவுலிங்கால் அச்சுறுத்தும் இவர்கள் இலங்கை அணிக்கு துருப்பு சீட்டாக இருந்து வருகிறார்கள். எனவே இவர்களின் 20 ஓவர்கள் ஆட்டத்தின் போக்கை மாற்ற கூடியதாக அமையலாம்

பிட்ச் நிலவரம்

முதல் இரண்டு போட்டிகளிலும் இரு அணிகளை சேர்ந்த ஸ்பின்னர்களும் சிறப்பாக பவுலிங் செய்ததோடு, விக்கெட்டுகளை அள்ளினார்கள். மித வேகப்பந்து வீச்சாளர்களுக்கும் பிட்ச் கைகொடுக்கும் விதமாக இருக்கும் என கூறப்படுகிறது.

பேட்டிங்குக்கு சாதகமாக அமைந்தாலும், ஸ்பின்னர்கள் மீண்டும் ஜொலிப்பார்கள் என கணிக்கப்பட்டுள்ளது. மழைக்கான வாய்ப்பு 40 சதவீதம் வரை இருக்கும் என தெரிவிக்கப்பட்டுள்ளது.

முதல் இரண்டு போட்டிகளிலும் முதலாவது பேட் செய்த அணியே வெற்றி பெற்று இருப்பதால் டாஸ் முக்கிய பங்கு வகிக்கும்.

இந்திய பேட்ஸ்மேன்களில் ரோஹித் ஷர்மா மட்டும் நல்ல பார்மில் இருந்து வரும் நிலையில் மற்றவர்களும் அவருடன் இணைந்து பங்களிப்பு அளித்து பேட்டிங் வரிசையை வலுப்படுத்த வேண்டும். அதேபோல் ஸ்பின்னர்களுக்கு பிட்ச் உதவுவதால், ஷிவம் துபேவுக்கு பதிலாக இளம் வீரர் ரியான் பராக் சேர்க்கப்படலாம். ஏனென்றால் அவர் பகுதி நேர ஸ்பின் ஆப்ஷனாக இருப்பதால் பவுலிங்கிலும் பயன்படுத்தலாம்.

27 ஆண்டுகளுக்கு பின் சாதனை

இன்றைய போட்டியில் இலங்கை அணி வெற்றி பெற்றால் 1997க்கு பிறகு 27 ஆண்டுகள் கழித்து அதன் சொந்த மண்ணில் இந்தியாவுக்கு எதிரான ஒரு நாள் தொடரை வென்று சாதனை புரியும். அந்த வகையில் இலங்கைக்கு எதிராக அதன் சொந்த மண்ணில் 2000ஆவது ஆண்டுக்கு பின்னர் தொடரை இழக்காத இந்திய அணி, அந்த பயணத்தை தொடரும் என எதிர்பார்க்கப்படுகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/