DC vs CSK Preview:சென்னை பேட்டர்களை கட்டுப்படுத்தும் பவுலர் - பக்கா பிளானுடன் டெல்லி!ஹாட்ரிக் வெற்றியை நோக்கும் சிஎஸ்கே

ஐபிஎல் தொடரின் 13வது போட்டி டெல்லி கேபிடல்ஸ் - சென்னை சூப்பர் கிங்ஸ் அணிகளுக்கு இடையே விசாகபட்டினம் ஒய்எஸ்ஆர் மைதானத்தில் நடைபெற இருக்கிறது. விசாகபட்டினம் மைதானம் டெல்லி அணியின் இரண்டாவது உள்ளூர் மைதானமாக இந்த சீசனில் உள்ளது.

அதன்படி டெல்லி அணி விளையாடும் முதல் உள்ளூர் போட்டியாகவும் அமைகிறது. முதல் இரண்டு போட்டிகளை உள்ளூர் மைதானமான சேப்பாக்கத்தில் விளையாடிய சென்னை சூப்பர் கிங்ஸ், வெளியூர் மைதானத்தில் முதல் போட்டியில் களமிறங்கவுள்ளது.

முதல் இரண்டு போட்டிகளில் தோல்வியை தழுவியிருக்கும் டெல்லி கேபிடல்ஸ் ஹாட்ரிக் தோல்வியை தவிர்க்கவும் முதல் வெற்றியை பெற போராடும் எனவும் எதிர்பார்க்கலாம்.

சிஎஸ்கே அணி முதல் இரண்டில் வென்றிருப்பதால் அந்த வெற்றி பயணத்தை தொடர்ந்து ஹாட்ரிக் வெற்றியை பெற முயற்சிக்கும்.

ஆழமான பேட்டிங் வரிசையை கொண்டிருக்கும் சிஎஸ்கே

சிஎஸ்கே அணியன் பேட்டிங் வரிசை வலுவாக உள்ளது. தோனி இல்லாமல் மற்ற பேட்ஸ்மேன்களே பெரிய அளவில் ரன்களை குவிக்கும் விதமாக நல்ல பார்மில் இருக்கிறார்கள். எனவே முதல் பேட்டிங், சேஸிங் என எதுவாக இருந்தாலும் சிஎஸ்கே பேட்டிங் எதிரணி பவுலர்களுக்கு சவால் மிக்கதாகவே இருக்கும்.

அத்துடன் ஸ்பின்னர்களை காட்டிலும் வேகப்பந்து வீச்சாளர்களுக்கு முக்கியத்துவம் அளித்திருக்கும் சிஎஸ்கே மகேஷ் பத்திரனா, முஸ்தபிசுர் ரஹ்மான் என இருவரையும் டெல்லிக்கு எதிராகவும் களமிறக்கலாம். அத்துடன் கூடுதலாக டேரில் மிட்செல்லும் பவுலிங் ஆப்ஷனாக சிஎஸ்கே அணிக்கு உள்ளார்.

டெல்லி அணியின் திட்டம்

டெல்லி கேபிடல்ஸ் பொறுத்தரை முக்கிய பவுலர் இஷாந்த் ஷர்மா காயமடைந்துள்ளார். அதேபோல் ஆஸ்திரேலியா பவுலர் ஜே ரிச்சர்ட்சன் காயத்தில் இருந்து குணமாகி இருப்பதால் அவரை சேர்ப்பதற்கான வாய்ப்பு உருவாகியுள்ளது.

அதேபோல் சிஎஸ்கே அணியில் இடது கை பேட்ஸ்மேன்கள் அதிகமாக இருப்பதால், அவர்களை சமாளிக்க வலது கை பிங்கர் ஸ்பின் ஆல்ரவுண்டரான லலித் யாதவ் இன்றைய போட்டியில் களமிறக்கலாம். பேட்டிங் வரிசையில் பெரிய மாற்றங்களை செய்யாது என்றே தெரிகிறது.

சிஎஸ்கேவுக்கு எதிராக நல்ல ஸ்கோர் அடித்திருக்கும் பண்ட் சிறப்பாக பேட் செய்யும் பட்சத்தில் அணியின் பேட்டிங் வலுபெறும்.

பிட்ச் நிலவரம்

போட்டி நடைபெறும் விசாகபட்டினம் மைதனம் வேகப்பந்து வீச்சாளர்களுக்கும், பேட்ஸ்மேன்களுக்கு சாதகமான மைதானமாக இருந்து வந்துள்ளது. இரண்டாவது பேட்டிங் செய்த அணி அதிகமாக வென்றுள்ளது.

பிட்சில் சிறிது அளவு புற்கள் வளர்ந்திருப்பது வேகப்பந்து வீச்சாளர்களுக்கு தொடக்கத்தில் சாதகமாக அமையும் என கருதப்படுகிறது. விசாகபட்டினத்தில் நிலவும் கடுமையான வெப்பம் வீரர்களின் பிட்னஸை சோதிக்கலாம்

சிஎஸ்கே - டெல்லி கேபிடல்ஸ் இதுவரை

இந்த இரு அணிகளும் மோதிக்கொண்ட 29 போட்டிகளில் சிஎஸ்கே 19, டெல்லி கேபிடல்ஸ் 10 போட்டிகளில் வெற்றி பெற்றுள்ளன. விசாகபட்டினம் டெல்லிக்கு ராசியில்லாத மைதானமாக இருந்துள்ளது.

இங்கு விளையாடிய 5 போட்டிகளில் 3 போட்டிகளில் தோல்வியை தழுவியுள்ளது டெல்லி கேபிடல்ஸ். அத்துடன் 2019 சீசனில் இங்கு நடைபெற்ற இரண்டாவது குவாலிபயர் சுற்று போட்டியில் சிஎஸ்கேவுக்கு எதிராக டெல்லி தோல்வியை தழுவியது.

தோனியின் தாண்டவம் தொடங்கிய மைதானம்

சுமார் 20 ஆண்டுகளுக்கு முன்னர் தற்போது இருப்பது நீண்ட தலைமுடியுடன் இளம் விக்கெட் கீப்பர் பேட்ஸ்மேனான மகேந்திர சிங் தோனி, கங்குலி கேப்டன்சியில் பாகிஸ்தானுக்கு எதிரான போட்டியில் 3வது பேட்ஸ்மேனாக களமிறக்கப்பட்டார். அந்த போட்டியில் தனது முதல் சதத்தை அடித்த தோனி, அதன் பின்னர் படைத்த வரலாறை உலகறியம்.

இப்போது மீண்டும் தோனி, கங்குலி ஆகியோர் இந்த மைதானத்தில் எதிரணிகளாக களமிறங்குகிறார். டெல்லி கேபிடல்ஸ் அணியின் இயக்குநராக கங்குலி இருந்து வருகிறார். அத்துடன் முதல் இரண்டு போட்டியில் தோனியின் பேட்டிங்கை பார்க்காமல் மிஸ் செய்த சிஎஸ்கே ரசிகர்கள் இந்த போட்டியிலாவது தோனி தரிசனம் கிடைக்காத என்கிற எதிர்பார்ப்பில் உள்ளனர்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v