’காதலில் கலக்கம்! அரசியலில் உயர்பதவி! பணத்தில் குவியல்!’ 1ஆம் எண்ணில் பிறந்தவர்களுக்கான 2025ஆம் ஆண்டு நியூமராலஜி பலன்கள்

இன்னும் ஒருமாத காலத்தில் 2024ஆம் ஆண்டு முடிந்து 2025ஆம் ஆண்டு விரைவில் தொடங்க உள்ளது. ராசி மண்டலத்தில் உள்ள ராசிகளை கொண்டு ஒரு நபரின் இயல்பு மற்றும் ஆளுமையை கணிக்க முடியும் என்பது போலவே நியுமராலஜி எனப்படும் எண் கணிதம் மூலம் ஒருவரின் பிறந்த தேதி எண்ணை கொண்டு பலன்களை கணிக்க முடியும். எண் கணிதத்தை பொறுத்தவரை ஒவ்வொரு எண்ணும் ஏதாவது ஒரு கிரகத்துடன் தொடர்புடையது. இது ஒரு நபரின் வாழ்க்கையில் நன்மை மற்றும் தீமைகளை ஏற்படுத்தும் தன்மைகளை கொண்டு உள்ளது. உங்களின் பிறந்த தேதியின் கூட்டுத் தொகையே நியுமராலஜி எண்ணாக கணக்கில் கொள்ளப்படுகின்றது. உதாரணமாக, 3, 12, 21 மற்றும் 30 ஆகிய தேதிகளில் பிறந்தவர்களுக்கு நியுமராலஜி எண்ணாக 03 (3 + 0 = 1, 1 + 2 = 3) இருக்கும்.

நியூமராலஜி கணிப்பின் படி, ஒன்றாம் எண்ணில் பிறந்தவர்களுக்கு வரும் 2025ஆம் ஆண்டில் வேலை, தொழில், நிதி, உறவு, ஆரோக்கியம் ஆகியவற்றில் உண்டாகும் பலன்களை தற்போது பார்க்கலாம். 

ஒன்றாம் எண்ணில் பிறந்தவர்களுக்கான பலன்கள்

1, 10, 19 அல்லது 28 ஆகிய தேதிகளில் பிறந்திருந்தால், உங்கள் மூல எண் அல்லது ரேடிக்ஸ் எண் 1 ஆக நியூமராலஜியில் வகைப்படுத்தப்படுகின்றது. ஒன்றாம் எண் என்பது சூரிய பகவானுக்கு உரியது. இந்த எண்ணில் பிறந்தவர்களுக்கு சுயமரியாதை உணர்வு மிகுந்து இருக்கும். இந்த உணர்வு சில நேரங்களில் கர்வமாகவும் மாறக்கூடும் என்பதால் எச்சரிக்கையும், கவனமும் தேவை. 

உங்களுக்கு குடும்பத்திலும், சமூகத்திலும் மரியாதை கிடைக்கும். உங்கள் தலைமை பண்புகள் பிறரை கவரும். தேவையற்ற கோபத்தை தவிர்ப்பது நன்மைகளை கொண்டுவரும். அறிவு, முயற்சி, திறமையை பயன்படுத்தினால் சிறந்த தலைவராக மாறுவீர்கள். உங்கள் கனவுகளை அடைய கடினமாக உழைக்கும் காலம் இது. நண்பர்களுடன் தொலைதூர பயணங்கள் மேற்கொள்வீர்கள்.

காதலை வெளிப்படுத்த தயக்கம்

இந்த ஆண்டில் உங்கள் காதலை வெளிப்படுத்துவதில் சற்று தயக்கம் இருக்கும். காதலுக்காக தியாகம் செய்ய தயாராக இருப்பீர்கள். காதல் மீதான சுய ஒழுக்கம் உங்களுக்கு வெற்றியை கொண்டு வந்து கொடுக்கும். 

சமூகத்தில் கௌரவம் உண்டாகும்

வரும் புத்தாண்டு முதல் உங்களுக்கு குடும்பத்திலும், சமூகத்திலும் செல்வாக்கும், மரியாதையும் கூடும். சிலர் சொந்தமாக தொழில் தொடங்கி சமூகத்தில் மற்றவர்களின் மரியாதையைப் பெறுவீர்கள். அரசியல்வாதிகளுக்கு உயர் பொறுப்புகள் தேடி வரும். சகோதர வழியில் நன்மைகள் கிடைக்கும். நிதி நிலை சிறப்பாக இருக்கும். திருமணம் மற்றும் கூட்டு வணிகம் ஆகியவை நன்மைகளை பெற்றுத் தரும். கோபத்தை கட்டுப்படுத்தி நிதானமாக செயல்படுங்கள். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.