தலைப்பு செய்திகள்: இன்றுடன் சட்டப்பேரவை நிறைவு முதல் பாரதிதாசன் பிறந்தநாள் வரை! இன்றைய முக்கிய செய்திகள்!

paragraph

<p>தமிழ்நாட்டில் இன்றைய நாளின் முக்கிய செய்திகளின் தொகுப்பு இதோ!</p><h2>1.சட்டப்பேரவை - இன்று இறுதி நாள் </h2><p>சட்டப்பேரவை இறுதிநாளான இன்று காவல் மற்றும் தீயணைப்பு துறைகளுக்கான மானியகோரிக்கையில் சட்டப்பேரவை உறுப்பினர்களின் கேள்விக்கு பதில் அளித்து புதிய அறிவிப்புகளை முதலமைச்சர் மு.க.ஸ்டாலின் வெளியிட உள்ளார்.</p><h2>2.அரசு ஊழியர்களுக்கு புதிய அறிவிப்புகள்</h2><p>தமிழ்நாடு சட்டப்பேரவையில் முதலமைச்சர் மு.க. ஸ்டாலின் அரசு ஊழியர்களுக்கான ஒன்பது முக்கிய அறிவிப்புகளை வெளியிட்டார். இதில், அரசு பணியாளர்களுக்கு 2% அகவிலைப்படி உயர்வு வழங்கப்படும் என்று அறிவிக்கப்பட்டது. மேலும், பண்டிகை கால முன்பணம் மற்றும் கல்வி முன்பணம் ஆகியவை உயர்த்தி வழங்கப்படும் எனவும், பழைய ஓய்வூதியத் திட்டம் தொடர்பாக ஆராயும் குழு செப்டம்பர் மாதத்தில் முன்கூட்டியே தனது அறிக்கையை சமர்ப்பிக்கும் எனவும் முதலமைச்சர் தெரிவித்தார்.</p><h2>3.முதல்வர்-ஈபிஎஸ் இடையே காரசார விவாதம் </h2><p>தமிழகத்தில் போதைப் பொருள் நடமாட்டம் அதிகரித்து வருவதாக எதிர்க்கட்சித் தலைவர் எடப்பாடி பழனிசாமி குற்றம்சாட்டினார். கஞ்சா, மெத்தம்பெட்டமைன் போன்ற போதைப் பொருட்களால் பலர் குற்றச் செயல்களில் ஈடுபடுவதாக அவர் விமர்சித்தார். இதற்கு பதிலளித்த முதலமைச்சர் மு.க. ஸ்டாலின், மத்திய அரசின் அறிக்கையை சுட்டிக்காட்டி, மற்ற மாநிலங்களுடன் ஒப்பிடுகையில் தமிழகத்தில் போதைப் பொருள் புழக்கம் குறைவு என விளக்கமளித்தார். மேலும், போதைப் பொருள் கடத்தல் தொடர்பாக குண்டர் சட்டத்தின் கீழ் அதிகளவில் கைது நடவடிக்கைகள் மேற்கொள்ளப்பட்டுள்ளதாகவும் சட்டப்பேரவையில் தெரிவிக்கப்பட்டது.</p><p>மேலும் படிக்க:- <a href="https://tamil.hindustantimes.com/tamilnadu/governor-r-n-ravi-administered-the-oath-of-office-to-mano-thangaraj-as-a-minister-at-the-raj-bhavan-in-guindy-chennai-131745844276297.html" target="_blank">’மனோ தங்கராஜ் எனும் நான்…!’ மீண்டும் அமைச்சர் ஆனார் மனோ தங்கராஜ்!</a></p><h2>4.கொள்ளையர்கள் தமிழ்நாட்டை குறி வைப்பது ஏன்?</h2><p>எதிர்க்கட்சித் தலைவர் எடப்பாடி பழனிசாமி, தமிழக காவல் துறையைப் பார்த்து குற்றவாளிகளுக்கு அச்சமில்லாத சூழல் நிலவுவதாகவும், வெளி மாநில கொள்ளையர்கள் சென்னையை தேர்ந்தெடுப்பது ஏன் எனவும் கேள்வி எழுப்பினார். இதற்கு பதிலளித்த முதலமைச்சர், தமிழ்நாடு அமைதியான மாநிலமாக இருப்பதால் கொள்ளையர்கள் இங்கு வருவதாக விளக்கினார்.</p><h2>5.மீண்டும் அமைச்சரானார் மனோ தங்கராஜ்</h2><p>அமைச்சர் மனோ தங்கராஜுக்கு ஆளுநர் ஆர்.என். ரவி பதவிப் பிரமாணம் செய்து வைத்தார். மனோ தங்கராஜுக்கு மீண்டும் பால்வளத்துறை ஒதுக்கப்பட்டது.</p><h2>6.77 மாவட்ட நீதிபதிகள் பணியிடமாற்றம் </h2><p> பொள்ளாச்சி பாலியல் வழக்கை விசாரித்த நீதிபதி உட்பட 77 மாவட்ட நீதிபதிகளுக்கு பணியிட மாற்றம் செய்யப்பட்டதாக சென்னை உயர்நீதிமன்ற தலைமை பதிவாளர் அறிவித்தார்.</p><h2>7.மெட்ரோ சோதனை ஓட்டம் </h2><p>சென்னை மெட்ரோ ரயில் இரண்டாம் கட்ட திட்டத்தில், ஓட்டுநர் இல்லா மெட்ரோ ரயிலின் இரண்டாம் கட்ட சோதனை ஓட்டம் நடைபெற்றது. நான்காவது வழித்தடத்தில் மணிக்கு 40 கிலோமீட்டர் வேகத்தில் இந்த சோதனை மேற்கொள்ளப்பட்டது.</p><p>மேலும் படிக்க:- <a href="https://tamil.hindustantimes.com/tamilnadu/madras-high-court-quashes-acquittal-of-dmk-minister-i-periyasamy-and-family-in-disproportionate-assets-case-131745836791684.html" target="_blank">சொத்துக்குவிப்பு வழக்கு! அமைச்சர் ஐ. பெரியசாமியை விடுவித்த உத்தரவு ரத்து! லிஸ்டில் சேர்ந்த அடுத்த அமைச்சர்!</a></p><h2>8.தமிழ்நாட்டில் அதிகரிக்கும் வெப்பம் </h2><p>தமிழ்நாட்டில் மே மாதம் 2-ஆம் தேதி வரை ஒரு சில இடங்களில் அதிகபட்ச வெப்பநிலை 2 முதல் 3 டிகிரி செல்சியஸ் வரை உயரக்கூடும் என வானிலை மையம் எச்சரித்துள்ளது. அதிக வெப்பநிலை மற்றும் ஈரப்பதம் காரணமாக அசௌகரியம் ஏற்படலாம் என்றும், அடுத்த 48 மணி நேரத்தில் ஓரிரு இடங்களில் இடிமின்னல் மற்றும் பலத்த காற்றுடன் மழை பெய்யக்கூடும் எனவும் தெரிவிக்கப்பட்டது. சென்னையில், அடுத்த 48 மணி நேரத்தில் ஒரு சில பகுதிகளில் சாரல் மழைக்கு வாய்ப்பு உள்ளதாகவும், அதிகபட்ச வெப்பநிலை சுமார் 99 டிகிரி பாரன்ஹீட் வரை பதிவாகக்கூடும் எனவும் சென்னை வானிலை ஆய்வு மையம் கணித்துள்ளது.</p><h2>9.தமிழ்வார விழா கொண்டாட்டம் </h2><p>பாரதிதாசன் பிறந்தநாளையொட்டி இன்று முதல் தமிழ் வார விழா கொண்டாடப்பட உள்ளது. முதல்வர் மு.க.ஸ்டாலின் அறிவிப்பின்படி இன்று முதல் மே 5ஆம் தேதி வரை தமிழ் வார விழா கொண்டாடப்படுகிறது. </p><h2>10.கூவாகம் திருவிழா தொடக்கம் </h2><p>உளுந்தூர்பேட்டை அருகே கூவாகம் கூத்தாண்டவர் கோயில் 18 நாள் சித்திரை திருவிழாவின் முதல் நிகழ்ச்சி இன்று மாலை சாகை வார்த்தல் நிகழ்ச்சியுடன் தொடங்குகிறது.</p><p>மேலும் படிக்க:- <a href="https://tamil.hindustantimes.com/tamilnadu/arent-you-ashamed-to-criticize-dmk-after-leading-a-manguni-cabinet-r-s-bharathi-asks-opposition-leader-palaniswami-131745838139150.html" target="_blank">'மங்குனி மந்திரிசபை நடத்திவிட்டு தி.மு.க. அமைச்சரவையை விமர்சிக்க வெட்கமில்லையா?' ஈபிஎஸ்க்கு ஆர்.எஸ்.பாரதி சரமாரி கேள்வி</a></p>

சட்டப்பேரவை இன்றுடன் நிறைவு, சட்டம் ஒழுங்கு தொடர்பாக முதலமைச்சர் மு.க.ஸ்டாலின் - எதிர்க்கட்சித் தலைவர் எடப்பாடி பழனிசாமி இடையே காரசார விவாதம், பாரதிதாசன் பிறந்தநாள் கொண்டாட்டம், கூவாகம் திருவிழா தொடக்கம், மனோ தங்கராஜ் மீண்டும் அமைச்சராக பொறுப்பேற்பு உள்ளிட்ட முக்கிய செய்திகளின் தொகுப்பு இதோ!

தலைப்பு செய்திகள்: ’பத்மபூஷன் விருது பெறும் நடிகர் அஜித்! அமைச்சராக பதவியேற்கும் மனோ தங்கராஜ்' இன்றைய முக்கிய செய்திகள்!

<p>தமிழ்நாட்டில் இன்று காலை வரை நடந்த முக்கிய செய்திகளின் தொகுப்பு இதோ!</p><h2>1.அஜித் குமாருக்கு பத்மபூஷன் விருது</h2><p>டெல்லியில் நடிகர் அஜித் குமாருக்கு இன்று மாலை பத்மபூஷன் விருது வழங்கப்பட உள்ளது. இன்று மாலை நடக்கும் விழாவில் குடியரசுத் தலைவர் திரௌபதி முர்மு இந்த விருதினை அஜித்திற்கு வழங்குகிறார்.</p><h2>2.மனோ தங்கராஜுக்கு பதவி பிரமாணம்</h2><p>தமிழ்நாடு அமைச்சரவையில் மீண்டும் சேர்க்கப்பட்டுள்ள மனோ தங்கராஜுக்கு இன்று மாலை 6 மணிக்கு ஆளுநர் பதவி பிரமாணம் செய்து வைக்கிறார். அவருக்கு மீண்டும் பால்வளத்துறை வழங்கப்படலாம் என தகவல்.</p><h2>3.தமிழக அமைச்சரவை மாற்றம்</h2><p>தமிழ்நாடு அமைச்சரவையில் மாற்றம். செந்தில் பாலாஜி வசம் இருந்த மின்சாரத்துறை போக்குவரத்துத்துறை அமைச்சர் சிவசங்கருக்கு கூடுதலாக வழங்கப்பட்டுள்ளது. வீட்டுவசதித்துறை அமைச்சர் முத்துசாமிக்கு மதுவிலக்கு மற்றும் ஆயத்தீர்வை துறை கூடுதலாக ஒதுக்கீடு. பத்மநாபபுரம் எம்.எல்.ஏ மனோதங்கராஜ் மீண்டும் அமைச்சராகிறார். அமைச்சர் ராஜகண்ணப்பனுக்கு வனத்துறை மற்றும் காதி துறை ஒதுக்கீடு.</p><p>மேலும் படிக்க:- <a href="https://tamil.hindustantimes.com/tamilnadu/rajendra-balaji-compares-tvk-leader-vijay-to-comedian-vadivelu-says-no-conclusion-can-be-drawn-from-meeting-131745747461485.html" target="_blank">’வடிவேலுக்கு வந்த கூட்ட எவ்ளோ தெரியுமா?’ விஜய் குறித்த கேள்விக்கு ராஜேந்திர பாலாஜி பதிலடி!</a></p><h2>4.இன்று மெட்ரோ சோதனை ஓட்டம்</h2><p>பூந்தமல்லி பணிமனை முதல் போரூர் வரை 9 கீ.மீ தொலைவுக்கு ஓட்டுநரில்லா மெட்ரோ ரயில் 2ஆம் கட்ட சோதனை ஓட்டம் இன்று மாலை 3 மணி முதல் 6 மணி வரை நடைபெறுகிறது.</p><h2>5.கலைஞர் பல்கலைக்கழக சட்டமசோதா</h2><p>கலைஞர் பல்கலைக்கழகம் அமைப்பது குறித்த சட்ட முன் வடிவை தமிழ்நாடு சட்டப்பேரவையில் உயர்க்கல்வித்துறை அமைச்சர் கோவி செழியன் இன்று தாக்கல் செய்ய உள்ளார்.</p><h2>6.மீண்டும் உரிமை தொகை விண்ணப்பம்</h2><p>மகளிர் உரிமை திட்டத்தில் விடுபட்டு உள்ள பெண்கள் முறையான ஆவணங்கள் உடன் வரும் ஜூன் 4ஆம் தேதி முதல் விண்ணப்பிக்கலாம் என அமைச்சர் கீதா ஜீவன் அறிவித்து உள்ளார். விடுபட்ட பெண்களை சேர்க்கும் வகையில் 9 ஆயிரம் இடங்களில் சிறப்பு முகாம்கள் நடத்தப்படும் என்று அறிவிப்பு.</p><h2>7.கோடை விடுமுறை சிறப்பு ரயில்</h2><p>கோடை விடுமுறையையொட்டி தாம்பரம்-திருச்சி இடையே நாளை முதல் ஜூன் 29 வரை இரு மார்க்கத்திலும் வாரத்தில் 5 நாட்கள் சிறப்பு ரயில்கள் இயக்கப்படும். திருச்சியில் இருந்து அதிகாலை 5.35 மண்க்கு புறப்படும் ரயில் மதியம் 12.30 மணிக்கு தாம்பரம் வரும். தாம்பரத்தில் இருந்து மதியம் 3.45 மணிக்கு புறப்படும் ரயில் இரவு 10.45 மணிக்கு திருச்சி சென்றடையும்.</p><p>மேலும் படிக்க:- <a href="https://tamil.hindustantimes.com/tamilnadu/coimbatore-turns-political-hotspot-with-roadshows-by-tvk-leader-vijay-yesterday-and-deputy-cm-udhayanidhi-stalin-today-131745753541175.html" target="_blank">கோவையில் விஜய்க்கு டஃப் கொடுத்த உதய்! விமான நிலையம் முதல் ரோட்ஷோ! ஒரு கி.மீ நீளத்திற்கு பிரம்மாண்ட வரவேற்பு!</a></p><h2>8.எம்.சாண்ட் விலை குறைப்பு</h2><p>சமீபத்தில் உயர்த்தப்பட்ட எம்-சாண்ட், ஜல்லி போன்றவற்றின் விலையை ரூ.1000 குறைக்க அமைச்சர் துரைமுருகன் தலைமையில் நடந்த கூட்டத்தில் முடிவு.</p><h2>9.விபத்து ஏற்படுத்திய சிறுமி - தந்தை கைது</h2><p>தென்காசியில் சிவகிரியில் இருசக்கர வாகனம் ஓட்டி விபத்தை ஏற்படுத்திய 15 வயது சிறுமியின் தந்தை குருசாமி கைது செய்யப்பட்டார்.</p><h2>10.பருப்பில் கலப்படம் - சீமான் கண்டனம்</h2><p>திண்டுக்கல் மாவட்டத்தில் நியாயவிலைக்கடைகளுக்கு அனுப்பி வைக்கப்படவிருந்த துவரம் பருப்பில் பட்டாணி பருப்பு கலப்படம் செய்யப்பட்டிருப்பது அதிர்ச்சி அளிக்கிறது என சீமான் அறிக்கை.</p><p>மேலும் படிக்க:- <a href="https://tamil.hindustantimes.com/tamilnadu/department-of-mineral-resources-announces-rs-1000-price-reduction-for-m-sand-b-sand-and-gravel-materials-131745756961376.html" target="_blank">தமிழ்நாட்டில் எம்-சாண்டு, பி-சாண்டு, ஜல்லி விலைகள் குறைப்பு! எவ்வளவு தெரியுமா?</a></p>

நடிகர் அஜித் குமாருக்கு பத்மபூஷன் விருது, அமைச்சர் பொறுப்பேற்கும் மனோ தங்கராஜ், பூந்தமல்லி-போரூர் இடையே மெட்ரோ ரயில் சோதனையோட்டம், கலைஞர் பல்கலைக்கழக சட்டமசோதா தாக்கல் உள்ளிட்ட முக்கிய செய்திகளின் தொகுப்பு இதோ!

தலைப்பு செய்திகள்: கோவையில் உரையாற்றும் விஜய் முதல் டாஸ்மாக் நிறுவனம் மேல்முறையீடு வரை!

<p>தமிழ்நாட்டில் இன்று காலை வரை நடந்த முக்கிய செய்திகளின் தொகுப்பு இதோ!</p><h2>1.கோவையில் விஜய் பேசுகிறார்</h2><p>அடுத்தாண்டு நடைபெறும் சட்டமன்றத் தேர்தலை எதிர்கொள்ளும் வகையில் கோவையில் இன்றும் நாளையும் வாக்குவ்சாவடி முகவர்கள் கூட்டம் நடைபெறுகிறது. இதில் தவெக தலைவர் விஜய் கலந்து கொண்டு உரையாற்றுகிறார்.</p><h2>2.டாஸ்மாக் நிறுவனம் மேல் முறையீடு </h2><p>டாஸ்மாக் தலைமை அலுவலகத்தில் அமலாக்கத்துறை நடத்திய சோதனைக்கு எதிரான மனுவை சென்னை உயர் நீதிமன்றம் தள்ளுபடி செய்த நிலையில், உச்ச நீதிமன்றத்தில் அந்நிறுவனம் சார்பில் மேல்முறையீடு செய்யப்பட்டு உள்ளது.</p><h2>3.பட்டாசு விபத்தில் உயிரிழந்தோருக்கு நிவாரணம் </h2><p>சேலம் காடையாம்பட்டியில் பட்டாசு வெடித்து உயிரிழந்தோர் குடும்பங்களுக்கு தலா ரூ.3 லட்சம் நிதி வழங்கப்படும் என முதலமைச்சர் மு.க.ஸ்டாலின் அறிவிப்பு.</p><p>மேலும் படிக்க:- <a href="https://tamil.hindustantimes.com/tamilnadu/anbumani-ramadoss-urges-digitalization-of-police-verification-questions-tamil-nadus-stance-on-central-jobs-131745734632667.html" target="_blank">’மத்திய அரசு பணிகளில் சேருவோருக்கு தமிழக அரசே முட்டுக்கட்டைப் போடுவதா?’ விளாசும் அன்புமணி ராமதாஸ்!</a></p><h2>4.மழை எச்சரிக்கை </h2><p>தஞ்சாவூர், திருவாரூர், தென்காசி, திருநெல்வேலி, மயிலாடுதுறை, கடலூர், அரியலூர் ஆகிய 7 மாவட்டங்களில் மழை எச்சரிக்கை.</p><h2>5.ஸ்ரீரங்கத்தில் தேரோட்டம் </h2><p>திருச்சி ஸ்ரீரங்கத்தில் சித்திரை தேரோட்டம் வெகு விமர்சையாக நடைபெற்றது. பக்தர்கள் “கோவிந்தா! கோவிந்தா” என முழங்கி சுவாமி தரிசனம் மேற்கொண்டனர்.</p><h2>6.முதல்வர் மீது ஆளுநர் விமர்சனம் </h2><p>ஊட்டியில் நடைபெற்ற துணை வேந்தர்கள் மாநாட்டில் துணை வேந்தர்கள் பங்கேற்பதை தடுக்க காவல்துறையை பயன்படுத்தி உள்ளதாக தமிழக முதலமைச்சர் மு.க.ஸ்டாலின் மீது ஆளுநர் ஆர்.என்.ரவி விமர்சனம்.</p><h2>7.மோடி அரசு மீது விமர்சனம் </h2><p>ஆளுநரை வைத்து அரசியல் செய்கிறது மோடி அரசு என உயர்க்கல்வித்துறை அமைச்சர் கோ.வி.செழியன் பதில்.</p><p>மேலும் படிக்க:- <a href="https://tamil.hindustantimes.com/tamilnadu/case-filed-by-peelamedu-police-against-tvks-sampath-kumar-and-others-over-unauthorized-gathering-at-coimbatore-airport-131745728707426.html" target="_blank">கோவை விமான நிலையத்தில் அனுமதியின்றி கூட்டம்! தவெக நிர்வாகிகள் மீது வழக்குப்பதிவு!</a></p><h2>8.ஆளுநருக்கு எதிராக மதிமுக போராட்டம் </h2><p>ஆளுநர் ஆர்.என்.ரவியை மத்திய அரசு திரும்ப பெறக் கோரி 5 மண்டலங்களில் மதிமுக ஆர்ப்பட்டம் நடத்துகிறது. மதுரை முனிச்சாலையில் நடக்கும் ஆர்ப்பாட்டத்தில் துரை வைகோ எம்பி கலந்து கொள்கிறார்.</p><h2>9.காஷ்மீர் தாக்குதலுக்கு ரஜினி கண்டனம் </h2><p>காஷ்மீர் தீவிரவாத தாக்குதல் கண்டிக்கத்தக்கது. காஷ்மீரில் அமைதி திரும்பிக் கொண்டிருப்பது எதிரிகளுக்கு பிடிக்கவில்லை. தாக்குதலின் பின்னணியில் இருப்போரை கண்டறிந்து தண்டனை தர வேண்டும். இத்தகைய செயலில் ஈடுபட கனவிலும் நினைக்க கூடாத அளவுக்கு அரசு நடவடிக்கை எடுக்க வேண்டும் என நடிகர் ரஜினிகாந்த் பேட்டி.</p><h2>10.கொடிக்கம்பம் தீர்ப்பு  -பெ.சண்முகம் மனு!</h2><p>சாலையோரங்களில் உள்ள அரசியல் கட்சிகளின் கொடிக்கம்பங்களை அகற்றும் உத்தரவில், தங்களுக்கு விலக்கு அளிக்க வேண்டும் எனக்கோரி சிபிஎம் மாநில செயலாளர் சண்முகம் சார்பில் உயர் நீதிமன்ற மதுரைக்கிளையில் மனு. கோடை விடுமுறைக்குப் பிறகு விசாரணைக்கு எடுக்கப்படும் என நீதிபதிகள் தெரிவிப்பு.</p><p>மேலும் படிக்க:- <a href="https://tamil.hindustantimes.com/tamilnadu/vijay-takes-charge-to-organize-tvk-party-polling-agents-meeting-in-coimbatore-amid-unruly-crowd-chaos-131745669432640.html" target="_blank">தவெக பூத் கமிட்டி: ’FRIENDS அந்த பக்கம் Wire போகுது..!’ கட்டுக்கடங்காத கூட்டத்தை கனிவான பேச்சால் கட்டுப்படுத்திய விஜய்!</a></p>

<ul><li>கோவை பூத் கமிட்டி கூட்டத்தில் விஜய், டாஸ்மாக் நிறுவனம் மேல்முறையீடு, சேலம் பட்டாசு விபத்தில் உயிரிழந்தோருக்கு நிவாரணம், மழை எச்சரிக்கை, காஷ்மீர் தாக்குதலுக்கு ரஜினி கண்டனம் உள்ளிட்ட முக்கிய செய்திகளின் தொகுப்பு இதோ!</li></ul>

தலைப்பு செய்திகள்: தமிழ்நாட்டில் உளவுத்துறை கண்காணிப்பு முதல் காஷ்மீர் தாக்குதலுக்கு மு.க.ஸ்டாலின் கண்டனம் வரை!

<p>தமிழ்நாட்டில் இன்று காலை வரை நடைபெற்ற முக்கிய செய்திகளின் தொகுப்பு இதோ!</p><h2>1. காஷ்மீர் தீவிரவாத தாக்குதல்: தமிழ்நாட்டில் உளவுத்துறை கண்காணிப்பு</h2><p>காஷ்மீர் தீவிரவாத தாக்குதல் எதிரொலியாக தமிழ்நாட்டில் உளவுத்துறை தீவிரமாக கண்காணிக்க தமிழக காவல்துறை உத்தரவிட்டு உள்ளது. சந்தேகப்படும் படியான் நபர்கள், கலவரத்தை தூண்டுபவர்களை கண்காணிக்க அறிவுறுத்தல்.</p><h2>2.காஷ்மீர் தீவிரவாத தாக்குதல்-முதல்வர் கண்டனம் </h2><p>காஷ்மீரில் நடந்த தாக்குதல் காட்டுமிராண்டித்தனமானது; கண்டனத்திற்குரியது; அப்பாவி சுற்றுலா பயணிகளை குறிவைத்து நடந்த தாக்குதலில் விலை மதிப்பற்ற உயிர்கள் பலி. பாதிக்கப்பட்டவர்களில் தமிழர்களும் அடங்குவர் என்பதை அறிந்து வருத்தமுற்றேன்.காஷ்மீர் அரசுடன் இணைந்து தேவையான உதவிகளை செய்வோம் என முதலமைச்சர் மு.க.ஸ்டாலின் அறிக்கை.</p><h2>3. நான் முதல்வன் திட்டம்: சிவச்சந்திரனின் சாதனை</h2><p>நான் முதல்வன் திட்டத்தில் பயிற்சி பெற்ற சென்னையை சேர்ந்த சிவச்சந்திரன் தேசிய அளவில் 23ஆம் இடமும், தமிழக அளவில் முதலிடவும் பிடித்தார். </p><p>மேலும் படிக்க:- <a href="https://tamil.hindustantimes.com/tamilnadu/vijay-takes-charge-to-organize-tvk-party-polling-agents-meeting-in-coimbatore-amid-unruly-crowd-chaos-131745669432640.html" target="_blank">தவெக பூத் கமிட்டி: ’FRIENDS அந்த பக்கம் Wire போகுது..!’ கட்டுக்கடங்காத கூட்டத்தை கனிவான பேச்சால் கட்டுப்படுத்திய விஜய்!</a></p><h2>4. காவிரி நீர் விவகாரம்</h2><p>உச்சநீதிமன்ற தீர்ப்பின்படி அடுத்த மாதம் காவிரியில் இருந்து தமிழ்நாட்டிற்கு 2.5 டிஎம்சி தண்ணீர் திறந்துவிட கர்நாடகாவுக்கு காவிரி நீர் மேலாண்மை ஆணையம் உத்தரவு. </p><h2>5.மசோதாக்களுக்கு ஆளுநர் ஒப்புதல்</h2><p>உச்சநீதிமன்ற தீர்ப்பை அடுத்து தமிழ்நாடு சட்டப்பேரவை நிறைவேற்றீய தனியார் பல்கலைக்கழகங்கள் திருத்த மசோதா மற்றும் தமிழ்நாடு ஒது மட்டிட உரிம திருத்த சட்ட மசோதாக்களுக்கு ஆளுநர் ஆர்.என்.ரவி ஒப்புதல்.</p><h2>6.மசோதாக்களுக்கு ஆளுநர் ஒப்புதல் </h2><p>கடந்த அதிமுக ஆட்சியில் டாஸ்மாக்கில் பாட்டிலுக்கு கூடுதலாக ரூ.10 வசூல் செய்யப்பட்டது தொடர்பாக 15,405 வழக்குகள் பதிவாகியுள்ளன என பேரவையில் அமைச்சர் செந்தில் பாலாஜி பேச்சு.</p><p>மேலும் படிக்க:- <a href="https://tamil.hindustantimes.com/tamilnadu/anbumani-ramadoss-urges-digitalization-of-police-verification-questions-tamil-nadus-stance-on-central-jobs-131745734632667.html" target="_blank">’மத்திய அரசு பணிகளில் சேருவோருக்கு தமிழக அரசே முட்டுக்கட்டைப் போடுவதா?’ விளாசும் அன்புமணி ராமதாஸ்!</a></p><h2>7.”துணை வேந்தர் மாநாட்டை புறக்கணிக்க வேண்டும்”</h2><p>மாநில அரசின் உயர்கல்வித்துறை வழியாக இல்லாமல் தன்னிச்சையாக தமிழ்நாடு ஆளுநர் ஆர்.என்.ரவி கூட்டி உள்ள மாநாட்டை துணை வேந்தர்கள் புறக்கணிக்க வேண்டும் என பொது பள்ளிக்கான மாநில மேடை பொதுச்செயலாளர் பிரின்ஸ் கஜேந்திரபாபு கோரிக்கை. </p><h2>8.அதிமுக மாவட்ட செயலாளர்கள் கூட்டம்</h2><p>வரும் ஏப்ரல் 25ஆம் தேதி அன்று சென்னை ராயப்பேட்டையில் உள்ள அதிமுக தலைமை அலுவலகத்தில் அதிமுக மாவட்ட செயலாளர்கள் கூட்டம் நடைபெறும் என அறிவிப்பு. </p><h2>9.காவல் உதவி ஆய்வாளர் தேர்வு பட்டியல் ரத்து </h2><p>தமிழ்நாட்டில் காலியாக இருந்த 621 காவல் உதவி ஆய்வாளர்கள் பணிக்கான திருத்தியமைக்கப்பட்ட தற்காலிக தேர்வு பட்டியல் ரத்து. புதிய தேர்வு பட்டியலை 3 மாதங்களில் வெளியிட வேண்டும் என சீருடை பணியாளர் தேர்வாணையத்திற்கு உயர்நீதிமன்றம் உத்தரவு.</p><h2>10.உள்வாடகை - டிஜிபி எச்சரிக்கை </h2><p>வீடுகளை குத்தகைக்கு எடுத்து உள்வாடகை விடுபவர்கள் மற்றும் அடமான வைப்பவர்கள் மீது மோசடி வழக்கு பதியப்படும் என உயர்நீதிமன்றத்தில் டிஜிபி அறிக்கை.</p><p>மேலும் படிக்க:- <a href="https://tamil.hindustantimes.com/tamilnadu/case-filed-by-peelamedu-police-against-tvks-sampath-kumar-and-others-over-unauthorized-gathering-at-coimbatore-airport-131745728707426.html" target="_blank">கோவை விமான நிலையத்தில் அனுமதியின்றி கூட்டம்! தவெக நிர்வாகிகள் மீது வழக்குப்பதிவு!</a></p>

<ul><li>காஷ்மீர் தாக்குதலை தொடர்ந்து தமிழ்நாட்டில் பாதுகாப்பு அதிகரிப்பு, காஷ்மீர் தாக்குதலுக்கு முதலமைச்சர் மு.க.ஸ்டாலின் கண்டனம், கர்நாடக அரசு காவிரியில் நீர்தர உத்தரவு உள்ளிட்ட முக்கிய செய்திகளின் தொகுப்பு இதோ!</li></ul>

தலைப்பு செய்திகள்: மாற்றுத்திறனாளிகள் போராட்டம் முதல் நீலகிரி இ-பாஸ் மையம் வரை!

<p>தமிழ்நாட்டில் இன்று காலை வரை நடந்த முக்கிய செய்திகளின் தொகுப்பு இதோ!</p><h2>1.மாற்றுத்திறனாளிகள் கைது&nbsp;</h2><p>உதவித் தொகை உயர்த்தி வழங்குதல் உள்ளிட்ட பல்வேறு கோரிக்கைகளை வலியுறுத்தி கோயம்பேடு பேருந்து நிலையத்தில் போராட்டத்தில் ஈடுபட்ட மாற்றுத்திறனாளிகள் கைது செய்யப்பட்டனர். கலைந்து செல்ல மறுத்து தரையில் படுத்து போராட்டத்தில் ஈடுபட்டவர்களை குண்டுக்கட்டாக காவல்துறையினர் கைது செய்தனர்.&nbsp;</p><h2>2.அமைச்சர் கீதா ஜீவன் பேட்டி&nbsp;</h2><p>மாற்றுத்திறனாளிகளின் கோரிக்கைகள் முதல்வரின் கவனத்திற்கு கொண்டு செல்லப்பட்டு பரிசீலிக்கப்படும். மாற்றுத்திறனாளிகளின் கோரிக்கைக்கு செவி சாய்க்கும் அரசாக திமுக அரசு உள்ளது. 100 நாள் வேலை திட்டத்தில் அதிக மாற்றுத்திறனாளிகளை சேர்த்ததுதான் தமிழ்நாடு என அமைச்சர் கீதா ஜீவன் பேட்டி.</p><h2>3.ஓசூரில் விமான நிலையம்&nbsp;</h2><p>ஓசூரில் புதிய விமான நிலையம் அமைப்பது தொடர்பான இறுதி சாத்தியக்கூறு ஆய்வறிக்கையை விமான போக்குவரத்து ஆணையம் தமிழ்நாடு அரசிடம் தாக்கல் செய்தது. அரசு தேர்வு செய்த 2 இடங்களில் விமான நிலையம் அமைப்பதில் எந்த சிக்கலும் இல்லை என வரைவு அறிக்கையில் தகவல்.</p><h2>4. நீலகிரியில் 5 இடங்களில் இ-பாஸ் சோதனை&nbsp;</h2><p>நீலகிரியில் 16 இடங்களுக்கு பதில்காக கல்லாறு, குஞ்சப்பணை, மசினகுடி, மேல்கூடனூர், கெத்தை ஆகிய 5 இடங்களில் மட்டும் இ-பாஸ் சோதனை மையம் செயல்படுகிறது.&nbsp;</p><h2>5.பிரதமருக்கு முதலமைச்சர் கேள்வி&nbsp;</h2><p>மராத்தியை தவிர வேறு எந்த மொழியும் கட்டாயமில்லை எனும் மகாராஷ்டிர முதலமைச்சரின் நிலைப்பாட்டை, மத்திய அரசு அங்கீகரிக்குமா என பிரதமர் நரேந்திர மோடிக்கு முதலமைச்சர் மு.க.ஸ்டாலின் கேள்வி.&nbsp;</p><h2>6.அச்சம் அடைவது ஏன்?- ஈபிஎஸ்</h2><p>அதிமுக-பாஜக கூட்டணியால் முதலமைச்சர் மு.க.ஸ்டாலின் அச்சம் அடைவது ஏன் என எதிர்க்கட்சித் தலைவர் எடப்பாடி பழனிசாமி கேள்வி.&nbsp;</p><h2>7.திமுகவை வீழ்த்த வேண்டும்&nbsp;</h2><p>பங்காளி சண்டைகளை தாண்டி திமுகவை வீழ்த்த வேண்டும் என அமமுக பொதுச்செயலாளர் டிடிவி தினகரன் பேட்டி.&nbsp;</p><h2>8.பாஜக கூட்டணி பாடையில் போவதற்கு சமம்</h2><p>“பாஜகவுடன் கூட்டணி வைப்பதும், பாடையில் போய் உட்காருவதும் ஒன்றுதான்” என பொள்ளாச்சியில் நடைபெற்ற திமுக பொதுக்கூட்டத்தில் நாஞ்சில் சம்பத் பேச்சு.</p><h2>9.திருவண்ணாமலையில் ஏற்பாடு&nbsp;</h2><p>திருவண்ணாமலையில் சித்ரா பௌர்ணமி கிரிவலத்திற்காக 20 இடங்களில் தற்காலிக பேருந்து நிலையங்கள் அமைக்கப்படும். அண்ணாமலையார் திருக்கோயில் மற்றும் கிரிவலப் பாதையை உள்ளிட்ட இடங்களில் பக்தர்களுக்குத் தேவையான இடங்களில் போதுமான கழிவறைகளும் குடிநீர் வசதிகளும் ஏற்பாடு செய்து தரப்படும். அனுமதி பெற்ற இடங்களில் மட்டுமே அன்னதானம் வழங்க வேண்டும் என்றும் முறையான தரமான உணவுகள் வழங்க வேண்டும் இல்லையேல் நடவடிக்கை எடுக்கப்படும் என மாவட்ட ஆட்சியர் தர்ப்பகராஜ் உத்தரவு.</p><h2>10.குழந்தையை விற்ற சித்தமருத்தவர் கைது&nbsp;</h2><p>கடலூர் மாவட்டம் வடலூர் அருகே பிறந்து 5 நாட்களே ஆன குழந்தையை 1.50 லட்சத்துக்கு விற்பனை செய்த சித்தமருத்தவர் சத்ய பிரியா என்பவர் கைது.</p>

<ul><li>பிரதமருக்கு முதலமைச்சர் கேள்வி, திமுகவுக்கு எடப்பாடி பழனிசாமி கேள்வி, கோயம்பேட்டில் மாற்றுத்திறனாளிகள் கைது, ஓசூர் விமான நிலையம் குறித்த ஆய்வறிக்கை சமர்பிப்பு உள்ளிட்ட முக்கிய செய்திகளின் தொகுப்பு இதோ!</li></ul>

தலைப்பு செய்திகள்: ஆளுநரின் துணை வேந்தர் மாநாடு முதல் விசைத்தறி போராட்டம் வாபஸ் வரை!

<p>தமிழ்நாட்டின் இன்றைய முக்கிய செய்திகளின் தொகுப்பு இதோ!</p><h2>1.ஆளுநருக்கு அதிகாரம் உண்டு </h2><p>பல்கலைக்கழக பட்டமளிப்பு விழா மற்றும் துணை வேந்தர் மாநாடு நடத்த ஆளுநருக்கு அதிகாரம் உள்ளது. உதகையில் நடைபெற இருக்கும் துணை வேந்தர் மாநாடு குறித்து ஆளுநர் மாளிகை விளக்கம் அளித்து உள்ளது.</p><h2>2.விசைத்தறிகள் போராட்டம்  </h2><p>விசைத்தறி உரிமையாளர்கள் நடத்திய போராட்டம் கோவையில் நடந்த முத்தரப்பு பேச்சுவார்த்தைக்கு பின் வாபஸ் பெறப்பட்டது. </p><h2>3.திமுகவை நம்பி மட்டுமே இல்லை </h2><p>திமுகவை மட்டுமே நம்பி இருப்பது போன்ற தோற்றத்தை சிலர் ஏற்படுத்துகின்றனர். தேர்தல் அரசியலில் எந்த முடிவையும் விசிகவால் எடுக்க முடியும் என திருமாவளவன் பேச்சு. </p><p>மேலும் படிக்க:- <a href="https://tamil.hindustantimes.com/tamilnadu/ptr-thiagarajan-raises-concern-in-assembly-over-tamilnadu-information-tech-department-lacking-both-authority-and-funding-131745216075402.html" target="_blank">’என் துறைக்கு நிதியும் இல்லை; அதிகாரமும் இல்லை’ சட்டப்பேரவையில் பிடிஆர் பழனிவேல் தியாகராஜன் வேதனை!</a></p><h2>4.காவலர்களுக்கு டிஜிபி எச்சரிக்கை </h2><p>ஹெல்மெட் அணியாமல் இருசக்கர வாகனம் ஓட்டும் காவல்துறையினரை சஸ்பெண்ட் செய்ய வேண்டும். ஒழுங்கீனமான காவலர்கள் மீது, துறை ரீதியாக கடும் நடவடிக்கை எடுக்க வேண்டும் என கமிஷனர்கள் மற்றும் எஸ்.பிக்களுக்கு டிஜிபி சங்கர் ஜிவால் உத்தரவு.</p><h2>5.சாலை விபத்தில் 3 பேர் உயிரிழப்பு </h2><p>கடலூர் புறவழிச்சாலையில் இருசக்கர வாகனம் மீது கார் மோதிய விபத்தில் இருசக்கர வாகனத்தில் முந்திரி தோட்டத்திற்கு வேலைக்கு சென்ற நேரு, கல்பனா, சரண்யா ஆகிய 3 பேர் உயிரிழப்பு. </p><h2>6.ஈபிஎஸ் தலையில் தேஜகூ ஆட்சி</h2><p>தேசிய ஜனநாயக கூட்டணி ஆட்சி அதிமுக பொதுச்செயலாளர் எடப்பாடி பழனிசாமி தலைமையில் நடைபெறும் என பாஜக மாநிலத் தலைவர் நயினார் நாகேந்திரன் பேச்சு. </p><p>மேலும் படிக்க:- <a href="https://tamil.hindustantimes.com/tamilnadu/tamil-nadu-vetri-kazhagam-to-hold-major-booth-committee-meet-in-coimbatore-with-vijay-attending-on-april-26-27-131745213819863.html" target="_blank">தவெக பூத் கமிட்டி கூட்டம்: ’ஆட்டத்தை கொங்கு மண்டலத்தில் இருந்து தொடங்கும் விஜய்!’</a></p><h2>7.இன்று முதல் பயோமெட்ரிக் வருகை </h2><p>சென்னை மாநகர போக்குவரத்துக் கழக ஊழியர்களுக்கு இன்று முதல் பயோமெட்ரிக் வருகைப்பதிவு கட்டாயம், பயோமெட்ரிக் மூலம் பதிவு செய்யும் ஊழியர்கள் வருகை மட்டுமே கணக்கில் கொள்ளப்படும் என அறிவிப்பு. </p><h2>8.ஆளுநருக்கு கண்டனம் </h2><p>“ஒரு நிமிடம் கூட ஆளுநராக நீடிப்பதற்கான தகுதியை முழுமையாக இழந்துவிட்டார்” பல்கலைக்கழக துணைவேந்தர்களுக்கான மாநாடு நீலகிரியில் உள்ள ஆளுநர் மாளிகையில் நடைபெறும் என ஆளுநர் ரவி அறிவிப்புக்கு மனிதநேய மக்கள் கட்சியின் தலைவர் ஜவாஹிருல்லா கண்டனம்.</p><h2>9.திருவண்ணாமலையில் மினி டைடல் பார்க்</h2><p>திருவண்ணாமலையில் மினி டைடல் பூங்கா கட்ட தமிழ்நாடு அரசு டெண்டர் கோரி உள்ளது. 34 கோடி செலவில் 4 தளங்கள் உடன் டைடல் பூங்காவை ஓராண்டில் கட்டி முடிக்க அரசுத் திட்டம். </p><h2>10.“நீட்-க்கு Daddy.. எடப்பாடி..!” </h2><p>நீட் தேர்வுக்கு துணை போகும் வகையில், பாஜக உடன் கூட்டணி வைத்து தமிழ்நாட்டு மக்களுக்கு துரோகம் விளைவித்ததாக கோஷம் எழுப்பி, அதிமுக பொதுச்செயலாளர் எடப்பாடி பழனிசாமியை கண்டித்து திமுக மாணவர் அணியினர் ஆர்ப்பாட்டம்.</p><p>மேலும் படிக்க:- <a href="https://tamil.hindustantimes.com/tamilnadu/jaffer-sadiq-ex-dmk-functionary-and-his-brother-receive-bail-in-ongoing-drug-trafficking-case-investigation-131745216689138.html" target="_blank">போதை பொருள் கடத்தல் வழக்கில் கைதான ஜாபர் சாதிக்கிற்கு ஜாமீன்! அமலாக்கத்துறையின் கடும் வாதத்தை தாண்டியும் உத்தரவு!</a></p>

<ul><li>துணை வேந்தர்கள் மாநாட்டுக்கு ஆளுநர் ஆர்.என்.ரவி அழைப்பு, விசைத்தறி உரிமையாளர்கள் போராட்டம் வாபஸ், எடப்பாடி பழனிசாமிக்கு எதிராக திமுக போராட்டம், காவலர்களுக்கு டிஜிபி எச்சரிக்கை உள்ளிட்ட முக்கிய செய்திகளின் தொகுப்பு இதோ!</li></ul>

டாப் 10 செய்திகள்

தேசிய மற்றும் சர்வதேச செய்திகள் தமிழில்: Read all National and International news related to politics, entertainment, crime, sports, social and many more in Tamil only at tamil.hindustantimes.com.

தேசம்-உலகம்

National and International News in Tamil, International News in Tamil, National News Updates in Tamil - HT Tamil

ஐபிஎல் 2025: கடைசி வரை போராடிய டெல்லி.. சுனில் நரேன், வருண் சக்கரவர்த்தி சம்பவம்.. கொல்கத்தா 14 ரன்களில் வெற்றி

<p>ஐபிஎல் 2025 தொடரின் 48வது போட்டி டெல்லி கேபிடல்ஸ் - கொல்கத்தா நைட் ரைடர்ஸ் அணிகளுக்கு இடையே டெல்லி அருண் ஜெட்லி மைதானத்தில் நடைபெற்றது. இந்த போட்டி தொடங்கும் முன் டெல்லி கேபிடல்ஸ் 9 போட்டிகளில் 6 வெற்றி, 3 தோல்வியுடன் புள்ளிப்பட்டியலில் நான்காவது இடத்திலும், கொல்கத்தா நைட் ரைடர்ஸ் 9 போட்டிகளில் 3 வெற்றி, 5 தோல்வியுடன் புள்ளிப்பட்டியலில் 7வது இடத்திலும் இருந்தது.</p><p>டெல்லி கேபிடல்ஸ் தனது முந்தைய போட்டியில் ஆர்சிபிக்கு எதிராக தோல்வியுற்றது. கொல்கத்தா நைட் ரைடர்ஸ் முந்தைய போட்டியில் பஞ்சாப் கிங்ஸ் அணியை எதிர்கொண்ட நிலையில், தொடர் மழை காரணமாக போட்டி கைவிடப்பட்டது.இரண்டு அணிகளும் வெற்றி பாதைக்கு திரும்பும் முனைப்பில் இந்த போட்டியில் களமிறங்கின.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-48th-match-delhi-capitals-vs-kolkata-knight-riders-innings-break-read-more-details-kkr-sets-205-runs-target-131745941805777.html" target="_blank">ஐபிஎல் 2025: வரிசை கட்டி அதிரடி காட்டிய கொல்கத்தா பேட்ஸ்மேன்கள்.. கடைசி நேரத்தில் கட்டுப்படுத்திய டெல்லி பவுலர்கள்</a></p><p>டெல்லி கேபிடல்ஸ் அணி முந்தைய போட்டியில் களமிறங்கிய அதே அணியுடனும் களமிறங்கியது. கொல்கத்தா நைட் ரைடர்ஸ் அணி அங்குல் ராய் சேர்க்கப்பட்டார்.</p><p>இந்த போட்டியில் முதலில் பேட் செய்த கொல்கத்தா நைட் ரைடர்ஸ் 204 ரன்கள் எடுத்த நிலையில், இந்த ஸ்கோரை சேஸ் செய்த டெல்லி கேபிடல்ஸ் 190 ரன்கள் அடித்து 14 ரன்கள் வித்தியாசத்தில் தோல்வியுற்றது.</p><h2>டெல்லி கேபிடல்ஸ் சேஸிங்</h2><p>முன்னதாக, டாஸ் வென்ற அக்சர் படேல் பவுலிங்கை தேர்வு செய்த நிலையில், முதலில் பேட் செய்த கொல்கத்தா நைட் ரைடர்ஸ் 20 ஓவரில் 9 விக்கெட் இழப்புக்கு 204 ரன்கள் எடுத்தது. இந்த ஸ்கோரை சேஸ் செய்த டெல்லி கேபிடல்ஸ் 20 ஓவரில் 9 விக்கெட் இழப்புக்கு 190 ரன்கள் எடுத்துள்ளது. இதனால் கொல்கத்தா நைட் ரைடர்ஸ் 14 ரன்கள் வித்தியாசத்தில் வெற்றியை பெற்றது.</p><p>டெல்லி அணியில் அதிகபட்சமாக டூ பிளெசிஸ் 62, அக்சர் படேல் 43, விப்ராஜ் நிகம் 38 ரன்கள் எடுத்துள்ளனர். கொல்கத்தா பவுலர்களில் சுனில் நரேன் 3, வருண் சக்கரவர்த்தி 2 விக்கெட்டுகளை வீழ்த்தினர். அன்குல் ராய், வைபவ் அரோரா, ஆண்ட்ரே ரசல் ஆகியோர் தலா ஒரு விக்கெட் எடுத்தனர்.</p><h2>சரிந்த டாப் ஆர்டர்</h2><p>டெல்லி கேபிடல்ஸ் டாப் ஆர்டர் இந்த போட்டியில் ஜொலிக்காமல் போனது. ஓபனர் போரல் 4, பின்னர் பேட் செய்ய வந்த கருண் நாயர் 15, கேஎல் ராகுல் 7 ரன்கள் எடுத்து அடுத்தடுத்து அவுட்டானார்கள். ஒரு பக்கம் விக்கெட்டுகள் வீழ்ந்தாலும் ஓபனரான டூ பிளெசிஸ் அதிரடியாக பேட் செய்து ரன்குவிப்பில் ஈடுபட்டார்.</p><p><strong>மேலும் படிக்க:</strong> <a href="https://tamil.hindustantimes.com/cricket/ipl-2025-47th-match-rajasthan-royals-vs-gujarat-titans-match-result-read-more-details-rr-beat-gt-by-8-wickets-131745859635905.html" target="_blank">ஐபிஎல் 2025: 14 வயது சூர்யவன்ஷி அதிவேக சதம்.. குஜராத்தை எளிதாக வீழ்த்திய ராஜஸ்தான்</a></p><p>பவர்ப்ளே முடிவில் டெல்லி கேபிடல்ஸ் 2 விக்கெட் இழப்புக்கு 58 ரன்கள் எடுத்தது. தனி ஆளாக ரன்குவிப்பில் ஈடுபட்டு வந்த டூ பிளெசிஸ் 31 பந்துகளில் அரைசதமடித்தார். 7 பவுண்டரி, 2 சிக்ஸர்கள் என 45 பந்துகளில் 62 ரன்கள் அடித்து தனது விக்கெட்டை பறிகொடுத்தார்.</p><p>இதற்கிடைய டூ பிளெசிஸ் - அக்சர் படேல் ஜோடி மிடில் ஓவர்களில் பார்ட்னர்ஷிப் அமைத்து அணியின் ரன் ரேட்டை குறையாமல் பார்த்துக்கொண்டனர். அதிரடி மோடில் விளையாடி படேல் 23 பந்துகளில் 43 ரன்கள் எடுத்து அவுட்டானார்.</p><h2>விப்ராஜ் போராட்டம்</h2><p>மிடில் ஆர்டரில் பெரிதும் எதிர்பார்க்கப்பட்ட ஸ்டப்ஸ் 1 ரன்னில் நடையை கட்ட, இம்பேக் வீரராக களமிறக்கப்பட்ட அசுடோஷ் ஷர்மா 7 ரன்னில் விக்கெட்டை பறிகொடுத்தார். இவை தொடர்ந்து மிட்செல் ஸ்டார்க் டக் அவுட்டானார்.</p><p>முக்கிய பேட்ஸ்மேன்கள் அனைவரும் அவுட்டான நிலையில் விப்ராஜ் நிகம் தனி ஒருவானான போராடினார். ஆட்டத்தின் கடைசி ஓவர் வரை பேட் செய்த அவர் 19 பந்துகளில் 38 ரன்கள் அடித்து அவுட்டானார்.</p><p><strong>மேலும் படிக்க:</strong><a href="https://tamil.hindustantimes.com/cricket/cricket-in-india-wont-be-same-again-vaibav-suryavanshi-knock-will-change-says-ajay-jadeja-131745906320535.html" target="_blank"> சூர்யவன்ஷி அதிரடி வெறும் டெக்னிக் மட்டுமல்ல.. இந்திய கிரிக்கெட் இனி மாறிவிடும் - அஜய் ஜடேஜா</a></p><p>கொல்கத்தா பவுலர்களில் ஸ்பின்னர்களான வருண் சக்கரவர்த்தி, சுனில் நரேன் ஆகியோர் டெல்லி பேட்ஸ்மேன்களுக்கு நல்ல நெருக்கடியை தந்தனர். அங்குல் ராய் 4 ஓவரில் 27 ரன்கள் மட்டும் விட்டுக்கொடுத்து ஒரு விக்கெட்டும் வீழ்த்தினார். இந்த வெற்றிக்கு பின்னர் புள்ளிப்பட்டியலில் எந்த மாற்றமும் ஏற்படவில்லை.</p>

<ul><li>டெல்லி அணியின் டாப் ஆர்டர் சரிந்த போதிலும் டூ பிளெசிஸ் மற்றும் அக்சர் படேல் மிடில் ஓவர்களில் பார்ட்னர்ஷிப் அமைத்து அணியின் ஸ்கோரை உயர்த்தினர். கடைசி வரை விப்ராஜ் போராட்டத்தை வெளிப்படுத்தி அவுட்டானார். கொல்கத்தா ஸ்பின்னர்கள் சுனில் நரேன், வருண் சக்கரவர்த்தி நல்ல நெருக்கடியை தந்தனர்.</li></ul>

சீரியஸா..? சிரிப்பலையா..? ஃபிரேமிற்கு ஃபிரேம் அதகளம்.. பாராட்டு மழையில் டூரிஸ்ட் ஃபேமிலி.. விமர்சனம் இதோ..

<p>சசிகுமார்- சிம்ரன் கூட்டணியில், அறிமுக இயக்குநர் அபிஷன் ஜீவந்த் இயக்கியுள்ள படம் டூரிஸ்ட் ஃபேமிலி. இந்தப் படத்தின் சிறப்புக் காட்சி பத்திரிகையாளர்களுக்காக வெளியிடப்பட்டது.  இதையடுத்து படம் எப்படி இருக்கிறது? என்ன சொல்ல வருகிறது என்பது குறித்து பார்க்கலாம்.</p><h2>டூரிஸ்ட் ஃபேமிலி</h2><p>இலங்கையில் வறுமையின் பிடியில் சிக்கித் தவிக்கும் குடும்பம் ஒன்று ஒருநாள் நள்ளிரவில் யாருக்கும் தெரியாமல் எப்படி தமிழ்நாட்டின் ராமேஸ்வரம் பகுதிக்குள் வருகிறார்கள். அப்படி வந்தவர்கள் சந்திக்கும் பிரச்சனை என்ன? அவர்கள் அதை சமாளித்தார்களா? என்பதை உணர்வுப்பூர்வமாக அதே சமயத்தில் காமெடியாக கொண்டு சென்றிருக்கிறார் இயக்குநர்.</p><p>மேலும் படிக்க| <a href="https://tamil.hindustantimes.com/entertainment/here-are-5-bollywood-films-to-watch-to-boost-your-kids-motivation-during-summer-vacations-131745936418720.html" target="_blank">பாசிட்டிவ்விட்டியும் எனர்ஜியையும் தரும் பாலிவுட் படங்கள்.. உங்க குழந்தைகளின் சம்மர் லீவை இந்த படங்களோட என்ஜாய் பண்ணுங்க!</a></p><h2>கடின உழைப்புக்கு பலன்</h2><p>இது தனக்கு முதல் படம் என்று தெரியாத அளவிற்கு ஒவ்வொரு ஃபிரேமிலும் தன் உழைப்பை கொட்டி இருக்கிறார். அரசியல், பொருளாதாரம், மதம், நட்புனர்வு, மனிதத் தன்மை, கோபம், ஆக்ரோஷம், நட்புணர்வு என அத்தனை உணர்ச்சிகளையும் படத்தில் செதுக்கி உள்ளார் இயக்குநர். வழக்கமாக படத்தில் ஒரு கேள்வியை எழுப்பி அந்தக் கேள்விக்கான பதிலை 2 முதல் 3 மணி நேர படமாக விளக்குவர். ஆனால், இந்தப் படத்தில் ஒரு கேள்வி எழுவதும் அந்தக் கேள்விக்கான பதிலை அந்த நொடியே தருவதும் பின் அடுத்த கேள்விக்கு செல்வதுமாக திரைக்கதை நகர்கிறது. இது தமிழ் சினிமாவில் ஒரு வித்தியாசமான பாணி திரைக்கதையாக உள்ளது.</p><h2>படத்தின் பில்லர்கள்</h2><p>படத்தில் சசிக்குமார், சிம்ரன் அவர்களது மகன்களாக நடித்திருக்கும் மிதுன் ஜெய் சங்கர், கமலேஸ் தவிர யோகி பாபு, பகவதி பெருமாள், எம்,எஸ். பாஸ்கர், ரமேஷ் திலக், இளங்கோ குமரவேல், ஸ்ரீஜா ரவி என அனைவரும் கனக் கச்சிதமாக அவர்களது கதாப்பாத்திரத்தை செய்துள்ளனர். அதிலும் குறிப்பாக சசிக்குமாரின் இளைய மகனாக வரும் கமலேஸ் படத்தின் பாதி பலமாக நிற்கிறார். எதிர்பார்க்காத சமயத்தில் எதிர்பார்க்காத செயலை செய்து கதையின் போக்கையே மொத்தமாக மாற்றி விட்டு செல்கிறார்.</p><p>மேலும் படிக்க| <a href="https://tamil.hindustantimes.com/entertainment/actor-ajith-kumar-spoke-proudly-about-his-wife-shalini-after-receiving-padma-bhushan-award-says-she-never-let-me-down-131745938270597.html" target="_blank">'ஷாலினி என்னை தாழ்ந்து போக விட்டதே இல்லை.. இது அவருக்கான மரியாதை..' பத்ம பூஷண் அஜித் குமார்</a></p><h2>இயக்குநரின் மெனக்கெடல்கள்</h2><p>இலங்கைத் தமிழர் பிரச்சனை, கச்சத்தீவு பிரச்சனை, விடுதலை புலிகள் என ஏற்கனவே இலங்கைக்கும் இந்தியா குறிப்பாக தமிழ்நாட்டிற்குமான பிரச்சனைகள் அதிகளவில் இருக்கும் போது இப்படி ஒரு கதையை அதுவும் தனது முதல் படத்திலேயே கொடுத்திருப்பதற்கு ஒரு தைரியம் வேண்டும். இந்தப் படத்தின் ஒவ்வொரு வசனத்திற்கும் இயக்குநராக அபிஷன் பட்டிருக்கும் மெனக்கெடல்கள் திரையில் கைதட்டல்களாக வந்து விழுகிறது.</p><h2>மனிதம் பேசிய இயக்குநர்</h2><p>இந்தப் படம் தற்போதைய மனிதர்கள் மறந்துபோன மனிதத்தை பற்றி பேசுகிறது. ஒரு அப்பாவாக, அம்மாவாக. மகனாக. பக்கத்து வீட்டு நபராக என அனைத்து தரப்பிலிருந்தும் பேசி மக்களை கதையோடு ஒன்ற வைக்கிறது. இதந் காரணமாக, படம் பார்க்கும் பலரும் கண்ணீருடனே தியேட்டரை விட்டு வெளியேறுவர்.</p><p>நடிகர்களைத் தவிர, இந்கப் படத்திற்கு மிகப்பெரிய பலமாக அமைந்திருப்பது இசை தான். அதுவும் படத்தின் அறிமுக பாடலின் மூலமே மனதை இலகாக வைத்திருப்பார் இசையமைப்பாளர் சாந் ரோல்டன். கதையை வழிநடத்திக் கொண்டு போகும் இவரது இசை அதன் வேலையை சிறப்பாக செய்திருக்கிறது. படத்தின் சூழலையும் இசையையும் பிரிக்க முடியாத அளவிற்கு அவர் சிறப்பாக பணியாற்றி இருக்கிறார்.</p><p>மேலும் படிக்க| <a href="https://tamil.hindustantimes.com/entertainment/dont-miss-these-movies-on-amazon-prime-ott-before-watching-actor-nanis-hit-3-movie-131745943320105.html" target="_blank">என்ன மக்களே ஹிட் 3 படத்துக்கு தயாராகிட்டீங்களா? அதுக்கு முன்ன இந்த படங்கள மிஸ் பண்ணிடாதீங்க..</a></p><h2>டூரிஸ்ட் ஃபேமிலி படக்குழு</h2><p>இந்தப் படத்தை குட் நைட், லவ்வர் போன்ற வாழ்வின் எதார்த்த படங்களை தயாரித்த மில்லியன் டாலர் ஸ்டூடியோஸ் தயாரித்துள்ளது. அரவிந்த் விஸ்வநாதன் ஒளிப்பதிவு செய்துள்ளார். பரத் விக்ரமன் படத்தை எடிட் செய்துள்ளார். இந்தப் படம் மே 1 ஆம் தேதி திரையரங்குகளில் ரிலீஸ் ஆகிறது.</p>

அறிமுக இயக்குநர் அபிஷன் ஜீவிந்த் இயக்கத்தில் சசிகுமார்- சிம்ரன் ஆகியோர் முக்கிய வேடத்தில் நடித்துள்ள படம் டூரிஸ்ட் ஃபேமிலி. அழுத்தமான அதேசமயம் அரசியல் தொடர்புடைய கதையை தன் முதல் படத்திலேயே எப்பசடி கையாண்டிருக்கிறார் என்பதை பார்க்கலாம்.

அதிர்ஷ்டத்தை கொண்டும் வரும் செவ்வாய் பகவான்! ஆயில்யம் நட்சத்திர பிரவேசம்.. லாபம், வருமானம், நன்மை பெறும் ராசிகள்

Mars in Ayilyam Nakshatra

<ul><li>செவ்வாய் பகவான் விரைவில் ஆயில்ய நட்சத்திரத்தில் பிரவேசிக்க உள்ளார். இதன் விளைவாக நான்கு ராசிகள் அதிர்ஷ்டத பலனை பெற போகிறார்கள். செவ்வாய் சஞ்சாரத்தால் எந்த ராசிக்காரர்களுக்கு நல்ல பலன்கள் கிடைக்கும் என்பதை தெரிந்து கொள்ளலாம்</li></ul>

என்ன மக்களே ஹிட் 3 படத்துக்கு தயாராகிட்டீங்களா? அதுக்கு முன்ன இந்த படங்கள மிஸ் பண்ணிடாதீங்க..

<p>ஹிட் சீரிஸ்.. பேருக்கேத்த மாதிரி நல்ல ஹிட் ஆச்சு. ஹிட் ஃபர்ஸ்ட் கேஸ், ஹிட் செகண்ட் கேஸ்னு ஏற்கனவே ரெண்டு படங்கள் வந்துருக்கு. முதல் படத்துல விஷ்வக் சென், ரெண்டாவது படத்துல அடவி சேஷ் நடிச்சாங்க.. இப்போ மூணாவது படத்துல நானி லீட் ரோல்ல நடிக்கிறாரு. ஒவ்வொரு பாகத்துலயும் ஒவ்வொரு கேஸ், அத ஒரு போலீஸ் ஆஃபீசர் எப்படி சேஸ் பண்றாருங்குற கதையோட டைரக்டர் ஷைலேஷ் கொலனு திரைக்கதை பண்ணிருக்காரு.</p><p>மேலும் படிக்க| <a href="https://tamil.hindustantimes.com/entertainment/actor-ajith-kumar-spoke-proudly-about-his-wife-shalini-after-receiving-padma-bhushan-award-says-she-never-let-me-down-131745938270597.html" target="_blank">'ஷாலினி என்னை தாழ்ந்து போக விட்டதே இல்லை.. இது அவருக்கான மரியாதை..' பத்ம பூஷண் அஜித் குமார்</a></p><h2>ஹிட் த ஃபர்ஸ்ட் கேஸ்</h2><p>ஹிட் சீரிஸ்ல வந்த முதல் படம் ஹிட்: த ஃபர்ஸ்ட் கேஸ். 2020ல இந்த மூவி ரிலீஸ் ஆச்சு. இதுல விக்ரம் ருத்ரராஜுங்குற போலீஸ் ஆஃபீசர் ரோல்ல விஷ்வக் சென் நடிச்சிருக்காரு. தெலங்கானா சிஐடில இருக்க ஹோமிசைட் இன்டர்வென்ஷன் டீம் (ஹிட்)ல மெம்பரா வந்திருக்காரு. ருஹானி சர்மா ஃபீமேல் லீடா நடிச்சிருக்காங்க. தன்னோட கடந்த காலத்துல நடந்த ஒரு சம்பவத்துல கஷ்டப்பட்டுட்டு இருக்க அந்த போலீஸ் அதிகாரி.. ஹைதராபாத்ல இருக்க அவுட்டர் ரிங் ரோட்ல காணாம போன ப்ரீத்திங்குற பொண்ணு கேஸ எப்படி சேஸ் பண்றாருங்குறதுதான் இந்த ஹிட்: த ஃபர்ஸ்ட் கேஸ் மூவி ஸ்டோரி.</p><p>ரூ.6.2 கோடி பட்ஜெட்ல எடுத்த இந்த மூவி பாக்ஸ் ஆஃபீஸ்ல ரூ.11 கோடி வசூல் பண்ணுச்சு. இந்த க்ரைம் த்ரில்லர ஷைலேஷ் கொலனு டைரக்ட் பண்ணின விதம் தெலுங்கு ஆடியன்ஸ்க்கு ரொம்ப பிடிச்சிருந்தது. தியேட்டர்ல சுமாரா சக்சஸ் ஆனாலும்.. அதுக்கப்புறம் அமேசான் பிரைம் வீடியோ ஓடிடிக்கு வந்த பிறகு இந்த சினிமா இன்னும் அதிகமா ரீச் ஆச்சு. இதுல விஷ்வக் சென்னோட ஆக்டிங்க்கு பாராட்டு கிடைச்சது.</p><p>மேலும் படிக்க| <a href="https://tamil.hindustantimes.com/entertainment/here-are-5-bollywood-films-to-watch-to-boost-your-kids-motivation-during-summer-vacations-131745936418720.html" target="_blank">பாசிட்டிவ்விட்டியும் எனர்ஜியையும் தரும் பாலிவுட் படங்கள்.. உங்க குழந்தைகளின் சம்மர் லீவை இந்த படங்களோட என்ஜாய் பண்ணுங்க!</a></p><h2>ஹிட்: தி செகண்ட் கேஸ்</h2><p>இப்போ ஹிட் யுனிவர்ஸ்ல இருந்து 2022ல வந்த இன்னொரு மூவி ஹிட்: தி செகண்ட் கேஸ். இதுல அடவி சேஷ், மீனாட்சி சௌத்ரி, சுஹாஸ் நடிச்சிருக்காங்க. ரூ.15 கோடி பட்ஜெட்ல எடுத்த இந்த சினிமா பாக்ஸ் ஆஃபீஸ்ல ரூ.42.5 கோடி வசூல் பண்ணி பிளாக்பஸ்டர் ஹிட் அடிச்சது. இந்த தடவ ஆந்திர பிரதேஷ் ஹோமிசைட் இன்டர்வென்ஷன் டீம் (ஹிட்)ல வேலை செய்ற போலீஸ் ஆஃபீசர் கிருஷ்ணதேவா அடவி சேஷ் நடிச்சிருக்காரு.</p><p>ஒரு கொடூரமான கொலை கேஸ சேஸ் பண்ற பொறுப்பு அவர் மேல விழுது. இந்த கேஸ அவர் எப்படி சால்வ் பண்ணாரு? இந்த ஆர்டர்ல அவருக்கு வந்த சேலஞ்சஸ் என்ன? அந்த கொலைய பண்ணது யாரு? ன்னு தெரிஞ்சிக்கணும்னா இந்த ஹிட் 2வ பாக்கணும். ஹிட் மூவில இருக்க மாதிரியே ஹிட் 2லயும் எதிர்பார்க்காத ட்விஸ்ட் த்ரில் கொடுக்கும். இந்த சினிமா கூட அமேசான் பிரைம் வீடியோலதான் இருக்கு.</p><p>மேலும் படிக்க|  <a href="https://tamil.hindustantimes.com/entertainment/the-release-date-of-the-film-starring-jr-ntr-and-directed-by-prashanth-neel-has-been-officially-announced-today-131745923116601.html" target="_blank">என்டிஆர் - பிரசாந்த் நீல் படத்தின் அப்டேட்! ரிலீஸ் தேதி உறுதி! ஸ்பெஷல் நாளில் முன்னோட்டம்!</a></p><h2>ஹிட் 3 படம்</h2><p>இப்போ ஹிட் சீரிஸ்ல இருந்து ஹிட் 3 வரப்போகுது. இதுல நானி லீட் ரோல்ல நடிக்கிறாரு. இதுல ஐபிஎஸ் ஆஃபீசர் அர்ஜுன் சர்க்கார் ரோல்ல நானி வரப்போறாரு. சீரியல் கில்லிங்குக்கு காரணமான குரூப்ப பிடிக்கிறதுக்காக ஜம்மு காஷ்மீர்ல அர்ஜுன் சர்க்கார் பண்ற சாகசத்த இந்த சினிமாவுல காட்டப்போறாங்க. இந்த மூவி ஏகப்பட்ட ரூ.610 கோடி பட்ஜெட்ல எடுத்திருக்காங்க. இதுல நானிக்கு ஜோடியா ஸ்ரீநிதி ஷெட்டி நடிச்சிருக்காங்க.</p><h2>பிளாக்பஸ்டர் ஹிட்</h2><p>இந்த வியாழக்கிழமை (மே 1) தியேட்டர்ல சினிமா ரிலீஸ் ஆகப்போகுது. முன்னாடி வந்த ரெண்டு சினிமா எதிர்பார்த்ததை விட சக்சஸ் ஆனதால இந்த மூணாவது சினிமா மேல இன்னும் அதிக எதிர்பார்ப்பு இருக்கு. அதுலயும் நானி நடிக்கிறதால அவரோட கரியர்ல இன்னொரு பிளாக் பஸ்டர் பாக்ஸ் ஆபிஸ் கொடுக்கும்ன்னு எதிர்பார்க்குறாங்க.</p>

நானி நடிச்ச ஹிட் 3 படம் தியேட்டர்ல ரிலீஸாக ரெடியா இருக்கு. இந்த சீரிஸ்ல முன்னாடி வந்த ஹிட், ஹிட் 2 படங்கள நீங்க பாத்தீங்களா? இந்த ரெண்டு படங்களும் ஒரே ஓடிடில இருக்கு. இந்த படங்களோட கதை என்ன? அது ஹிட் ஆச்சா இல்லையா? எங்க பாக்கலாம்னு தெரிஞ்சுக்கோங்க.

ஐபிஎல் 2025: வரிசை கட்டி அதிரடி காட்டிய கொல்கத்தா பேட்ஸ்மேன்கள்.. கடைசி நேரத்தில் கட்டுப்படுத்திய டெல்லி பவுலர்கள்

<p>ஐபிஎல் 2025 தொடரின் 48வது போட்டி டெல்லி கேபிடல்ஸ் - கொல்கத்தா நைட் ரைடர்ஸ் அணிகளுக்கு இடையே டெல்லி அருண் ஜெட்லி மைதானத்தில் நடைபெற்று வருகிறது. இந்த போட்டி தொடங்கும் முன் டெல்லி கேபிடல்ஸ் 9 போட்டிகளில் 6 வெற்றி, 3 தோல்வியுடன் புள்ளிப்பட்டியலில் நான்காவது இடத்தில் உள்ளது. கொல்கத்தா நைட் ரைடர்ஸ் 9 போட்டிகளில் 3 வெற்றி, 5 தோல்வியுடன் புள்ளிப்பட்டியலில் 7வது இடத்தில் உள்ளது.</p><p>டெல்லி கேபிடல்ஸ் தனது முந்தைய போட்டியில் ஆர்சிபிக்கு எதிராக தோல்வியுற்றது. கொல்கத்தா நைட் ரைடர்ஸ் முந்தைய போட்டியில் பஞ்சாப் கிங்ஸ் அணியை எதிர்கொண்ட நிலையில், தொடர் மழை காரணமாக போட்டி கைவிடப்பட்டது.இரண்டு அணிகளும் வெற்றி பாதைக்கு திரும்பும் முனைப்பில் இந்த போட்டியில் களமிறங்கியுள்ளன.</p><p>டெல்லி கேபிடல்ஸ் அணி முந்தைய போட்டியில் களமிறங்கிய அதே அணியுடன் விளையாடுகிறது. கொல்கத்தா நைட் ரைடர்ஸ் அணி அங்குல் ராய் சேர்க்கப்பட்டுள்ளார்.</p><p><strong>மேலும் படிக்க: </strong><a href="https://tamil.hindustantimes.com/cricket/tata-ipl-has-been-an-incredible-academy-for-young-talent-they-can-learn-from-top-players-says-jos-butler-131745914724764.html" target="_blank">ஐபிஎல் 2025: இளம் திறமைகளை உருவாக்கும் சிறந்த பள்ளியாக ஐபிஎல் போட்டிகள் உள்ளது.. ஜோஸ் பட்லர்</a></p><h2>டெல்லி கேபிடல்ஸ் பவுலிங்</h2><p>இந்த போட்டியில் டாஸ் வென்ற டெல்லி கேபிடல்ஸ் கேப்டன் அக்சர் படேல் பவுலிங்கை தேர்வு செய்துள்ளார். இதையடுத்து முதலில் பேட் செய்த கொல்கத்தா நைட் ரைடர்ஸ் 20 ஓவரில் 9 விக்கெட் இழப்புக்கு 204 ரன்கள் எடுத்துள்ளது. அதிகபட்சமாக அங்ரிஷ் ரகுவன்ஷி 44, ரிங்கு சிங் 36, சுனில் நரேன் 27 ரன்கள் எடுத்துள்ளனர்.</p><p>டெல்லி பவுலர்களில் மிட்செல் ஸ்டார்க் 3 விக்கெட்டுகளை வீழ்த்தியுள்ளார். விபிராஜ் நிகம், அக்சர் படேல் ஆகியோர் தலா 2 விக்கெட்டுகளை கைப்பற்றியுள்ளனர்.துஷ்மந்தா சமீரா ஒரு விக்கெட் எடுத்துள்ளனர்.</p><h2>பவர்ப்ளேயில் ரன் மழை</h2><p>கொல்கத்தா அணிக்கு ஓபனர்கள் குர்பாஸ், சுனில் நரேன் மற்றும் மற்றொரு டாப் ஆர்டர் பேட்ஸ்மேனான அஜிங்கியா ரஹானே ஆகியோர் நல்ல தொடக்கத்தை தந்தனர். பவர்ப்ளே ஓவர்களில் கொல்கத்தா அணி 1 விக்கெட் இழப்புக்கு 79 ரன்கள் எடுத்துள்ளது.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-2025-47th-match-rajasthan-royals-vs-gujarat-titans-match-result-read-more-details-rr-beat-gt-by-8-wickets-131745859635905.html" target="_blank">ஐபிஎல் 2025: 14 வயது சூர்யவன்ஷி அதிவேக சதம்.. குஜராத்தை எளிதாக வீழ்த்திய ராஜஸ்தான் ராயல்ஸ்</a></p><p>5 பவுண்டரி, ஒரு சிக்ஸர் என அதிரடி காட்டிய குர்பாஸ் 12 பந்துகளில் 26 ரன்கள் அடித்துவிட்டு முதல் விக்கெட்டாக அவுட்டானார். இவரை தொடர்ந்து நரேன் 16 பந்துகளில் 27 ரன்கள் அடித்து பெவிலியன் திரும்பினார். மூன்றாவதாக களமிறங்கிய ரஹானே 14 பந்துகளில் 26 ரன்கள் குவித்தார்.</p><h2>ரகுவன்ஷி, ரிங்கு சிங் அதிரடி</h2><p>கொல்கத்தாவுக்கு கிடைத்த நல்ல தொடக்கத்தை மிடில் ஓவரில் தக்க வைத்தனர் அங்குரிஷ் ரகுவன்ஷி, ரிங்கு சிங். இருவரும் அதிரடியாக பேட் செய்ததுடன் முக்கிய கட்டத்தில் பார்ட்னர்ஷிப் அமைத்து 61 ரன்கள் சேர்த்தனர்.</p><p>ரகுவன்ஷி 32 பந்துகளில் 44 ரன்கள், ரிங்கு சிங் 25 பந்துகளில் 36 ரன்கள் எடுத்தனர். கடைசி கட்டத்தில் சிறிய கேமியோ இன்னிங்ஸை வெளிப்படுத்திய ஆண்ட்ரே ரசல் 9 பந்துகளில் 17 ரன்கள் எடுத்து கடைசி ஓவரில் ரன்அவுட்டானார்.</p><p><strong>மேலும் படிக்க: </strong><a href="https://tamil.hindustantimes.com/cricket/ipl-has-reached-a-stage-where-even-300-runs-in-possible-we-can-also-do-that-says-rinku-singh-131745666033586.html" target="_blank">ஐபிஎல் 2025: இப்போது 300 ரன்களை ஐபிஎல்லில் அடிக்கலாம்.. நாங்களும் அதை செய்வோம் - ரிங்கு சிங்</a></p><p>டெல்லி பவுலர்களில் அக்சர் படேல் சிறப்பாக பவுலிங் செய்து 4 ஓவர்களில் 27 ரன்கள் மட்டும் விட்டுக்கொடுத்து 2 விக்கெட்டுகளை கைப்பற்றினார். இந்த இன்னிங்ஸில் அதிகபட்சமாக டாட் பந்துகளை வீசிய போதிலும் 4 ஓவரில் ரன்களை வாரி வழங்கிய மிட்செல் ஸ்டார் 3 விக்கெட்டுகளை கைப்பற்றினார். அதேபோல் மற்றொரு வேகப்பந்சு வீச்சாளரான சமீரா 3 ஓவரில் 46 ரன்கள் வாரி வழங்கினார்.</p><p>ஆட்டத்தின் கடைசி ஓவரில் 8 ரன்கல் எடுக்கப்பட்ட நிலையில், அணியாக ஹாட்ரிக் விக்கெட்டுகள் வீழ்த்தப்பட்டது.</p>

<ul><li>நீண்ட நேரம் கிரீஸில் நிலைத்து பேட் செய்யவில்லை என்றாலும் கொல்கத்தாவின் முன்னணி பேட்ஸ்மேன்கள் அடுத்தடுத்து அதிரடி காட்டினர். கொல்கத்தா பெரிய ஸ்கோர் குவிக்கப்படும் என எதிர்பார்கக்ப்பட்ட நிலையில், கடைசி 4 ஓவரில் டெல்லி பவுலர்கள் கட்டுப்படுத்தினர்.</li></ul>

பார்வை திறன், கண்கள் ஆரோக்கியத்தை பராமரிக்க உதவும் பழக்கங்கள்

slide

கண்களின் ஆரோக்கியத்தை பராமரிக்கவும், பார்வத்திறனை பாதுகாக்கவும் சில பழக்கத்தை முறையாக கடைப்பிடிப்பதன் மூலம் பலன் பெறலாம்

ஸ்மார்ட் சாதனங்களின் பயன்பாடு காரணமாக நாள்தோறும் கண்களுக்கு பல்வேறு விதமான அழுத்தங்கள் ஏற்படுகின்றன. எனவே கண்களின் ஆரோக்கியம் மற்றும் கூர்மையான பார்வை திறனை பராமரிப்பது மிகவும் அவசியமாகிறது


கண்களில் குறைபாடு ஏற்படுவதை தவிர்க்கவும், பார்வையில் பிரச்னை ஏற்படுவதை தடுக்கவும் உதவும் சில அன்றாட பழக்கவழக்கங்கள் எவையெல்லாம் என்பதை பார்க்கலாம்

20-20-20 விதிமுறையை முறையாக கடைப்பிடிக்க வேண்டும். ஒவ்வொரு 20 நிமிடத்துக்கும் ஒரு முறை உங்கள் கண்கள் பார்வையை 20 அடி தூரத்தில் இருக்கும் வேறொரு விஷயத்தை 20 நொடிகளாகவது பார்க்க வேண்டும். இது டிஜிட்டல் சாதனங்களால் கண்கள் ஏற்படும் சோர்வை குறைக்கிறது

கண்களின் ஆரோக்கியத்துக்கு நன்மை தரும் உணவுகளான கேரட், சிட்ரஸ் பழங்கள், ஒமேகா 3 சத்துக்கள் நிறைந்த மீன் வகைகளை உங்கள டயட்டில் தவறாமல் சேர்த்துக்கொள்ள வேண்டும். இதில் இருக்கும் ஊட்டச்சத்துகள் கண்கள் ஆரோக்கியத்துக்கு ஆதரவு அளிக்கும்

யுவி (புற ஊதா) கதிர்கள் கண்களுக்கு சேதத்தை ஏற்படுத்தும். எனவே சூரிய கதிர்களால் ஏற்படும் சேதத்தில் இருந்து கண்களை பாதுகாக்க 100 சதவீதம் யுவி பாதுகாப்பு கிளாஸ்களை அணிய வேண்டும்

சீரான இடைவெளியில் கண்கள் சிமிட்டுவதை வழக்கமாக்க கொள்ள வேண்டும். இதன் மூலம் கண்கள் ஈரப்பதத்துடன் இருக்கும். கண்கள் வறட்சி அடைவதை போக்க அதிக அளவில் நீர் பருக வேண்டும்

கேட்ஜட்கள் பயன்படுத்தும்போது கண்களுக்கும், சாதனத்துக்கும் இடையே குறைந்தது 20 முதல் 24 இன்ச்கள் இடைவெளியுடன் பயன்படுத்த வேண்டும். அதே போல் பிரகாசத்தின் அளவு கண்களுக்கு எரிச்சல் ஏற்படாதவாறு அட்ஜெஸ்ட் செய்து கொள்ள வேண்டும்

போதிய தூக்கமின்மை கண்களுக்கு சோர்வையும், மங்களான பார்வையையும் வெளிப்படுத்தும். எனவே தினமும் 7 முதல் 8 மணி நேரம் தூங்குவதை உறுதி செய்து கொள்ள வேண்டும்

கைகளை நன்கு சுத்தமாக வைத்துக்கொள்ள வேண்டும். அழுக்கு படிந்த கைகளுடன் கண்களை தொடவோ அல்லது கசக்கவோ கூடாது. கண்களில் கை வைக்க நேரிட்டால் முதலில் கைகளை கழுவுவதை உறுதி செய்து கொள்ள வேண்டும்

கண்களின் ஆரோக்கியத்தை பேனி காக்கவும், பார்வைதிறனை பராமரிக்கவும் பின்பற்ற வேண்டிய பழக்கங்களை தெரிந்து கொள்ளலாம்

டாப் 10 செய்திகள்

கண்ணோட்டம்

செய்திகள்

கண்ணோட்டம்

தலைப்பு செய்திகள்: இன்றுடன் சட்டப்பேரவை நிறைவு முதல் பாரதிதாசன் பிறந்தநாள் வரை! இன்றைய முக்கிய செய்திகள்!

தலைப்பு செய்திகள்: கோவையில் உரையாற்றும் விஜய் முதல் டாஸ்மாக் நிறுவனம் மேல்முறையீடு வரை!

தலைப்பு செய்திகள்: மாற்றுத்திறனாளிகள் போராட்டம் முதல் நீலகிரி இ-பாஸ் மையம் வரை!

தலைப்பு செய்திகள்: ஆளுநரின் துணை வேந்தர் மாநாடு முதல் விசைத்தறி போராட்டம் வாபஸ் வரை!

Coverage