Gold rate today: ஒரு கிராம் தங்கம் எவ்வளவு தெரியுமா? வெள்ளி விலை சரிவு
நேற்று ஒரு கிராம் தங்கம் (22 காரட்) ரூ.5,317க்கும், ஒரு சவரண் (பவுன்) தங்கம் ரூ.42,536-க்கும் விற்பனை செய்யப்பட்டது.
கடந்த 12ஆம் தேதி முதலே தங்கம் விலை அதிகரித்து காணப்படுகிறது. நேற்று தங்கம் விலை பவுனுக்கு ரூ.168 அதிகரித்தது. நேற்று மலை நேர நிலவரப்படி கிராமுக்கு ரூ.21ம், பவுனுக்கு 168 ரூபாயும் தங்கம் விலை அதிகரித்தது.
ட்ரெண்டிங் செய்திகள்
நேற்று ஒரு கிராம் (22 காரட்) தங்கம் ரூ.5,317க்கும், ஒரு சவரண் (பவுன்) தங்கம் ரூ.42,536-க்கும் விற்பனை செய்யப்பட்டது.
24 கிராம் தூய தங்கம் கிராமுக்கு ரூ.5,800 ஆக இருந்தது. ஒரு சவரண் ரூ.46,400 ஆக இருந்தது.
தங்கம் விலையைப் போலவே வெள்ளி விலையும் நேற்று அதிகரித்தது. வெள்ளி கிராமுக்கு 80 காசுகளும், கிலோவுக்கு ரூ.800ம் அதிகரித்தது. ஒரு கிராம் 75 ரூபாய் 80 காசுக்கும், ஒரு கிலோ ரூ.75,800 க்கும் விற்பனை செய்யப்பட்டது.
இன்று வெள்ளி விலை சற்றே குறைந்து காணப்படுகிறது. கிராமுக்கு 50 காசுகள் குறைந்துள்ளது.
சென்னையில் இன்றைய நிலவரப்படி வெள்ளி கிராமுக்கு ரூ.75.30 காசுகளுக்கும், கிலோ வெள்ளி ரூ.75,300க்கும் இன்று விற்பனை செய்யப்படுகிறது.
இன்றைய தங்கம் விலை
சென்னையில் இன்று 22 காரட் ஒரு கிராம் தங்கம் ரூ.12 குறைந்து ரூ.5,305க்கு விற்பனை செய்யப்படுகிறது. 8 கிராம் தங்கம் ரூ. 96 குறைந்து ரூ.42,440-க்கு விற்பனை செய்யப்படுகிறது. 24 காரட் தங்கமும் கிராமுக்கு 13 ரூபாய் குறைந்து ரூ.5,787-க்கும் விற்பனை செய்யப்படுகிறது.
தங்கம் விலை உயர்வு ஏன்?
இந்தியாவிலும் குறிப்பாக தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். குழந்தை பிறப்பது முதல் பல்வேறு நல்ல நிகழ்ச்சிகளுக்கு தங்கம் வாங்குவது நமது வழக்கமாக உள்ளது. தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது. தங்கத்தின் விலை தொடர்ந்து அதிகரித்து வருகிறது.
பெண் குழந்தை என்றால் திருமணம் செய்து கொடுக்கும்போது பல சவரண் நகையை அணிவித்து அனுப்பும் பழக்கம் பல குடும்பங்களில் இன்றும் வழக்கத்தில் இருக்கிறது. ஆபத்து காலங்களில் அடகு வைப்பதற்கும் தங்க நகைகள் உபயோகமாக இருப்பதும் இதற்கு முக்கிய காரணங்களில் ஒன்றாக பார்க்கப்படுகிறது.
மத்திய தங்க பத்திர மூதலீடு திட்டத்தை கொண்டுவந்துள்ள போதிலும், தங்கம் விற்பனையாவது குறையவில்லை என்பதே உண்மை.
உக்ரைன் மீது ரஷ்யா போர் தொடுத்ததை தொடர்ந்து முதலீட்டு உலகம் சற்று பயந்து போனது. ஆனாலும், கடந்த ஆண்டு மந்தமாக இருந்த தங்கச் சந்தை தற்போது எழுச்சி கண்டுள்ளது.
24 காரட் vs 22 காரட்
தங்கமானது வரலாற்று ரீதியாக அரிய உலோகமாகவே கருதப்பட்டு வந்தது. காரட் என்ற அலகால் தங்கம் மதிப்பிடப்படுகிறது. 24 காரட் என்பது தூயத் தங்கமாகும். இதில் ஆபரணங்கள் செய்ய முடியாது.
22 காரட் முதல் 9 காரட் வரை தங்க நகைகள் செய்யப்படுகின்றன. 22காரட் தங்கம் என்பது 91.6 சதவீதம் தங்கமும் 8.4 சதவீதம் செம்பு, வெள்ளி போன்ற மற்ற உலோகமும் கலந்ததாகும். சேர்க்கப்படும் உலோகங்களுக்கேற்ப தஙத்தின் மதிப்பு கிடைக்கிறது.
22 காரட்டில் செய்யும் தங்க நகைகள் எளிதில் சேதம் அடையக்கூடியவை. காரட் குறையக் குறைய தங்க நகைகளின் தன்மை கெட்டியாகவும் உறுதியுடனும் இருக்கும்.
தங்கம் பெரும்பாலும் நிலத்தடியில் தனி நிலையிலேயே ரேகை போல பாறைகளில் படர்ந்திருக்கும். தங்கம், சுரங்கங்கள் மூலம் தோண்டி எடுக்கப்படுகிறது.பாறைகளில் வெடி வைத்துத் தகர்த்துத் தங்கத்தை இரசாயன (வேதியியல்) முறையில் பிரித்தெடுக்கிறார்கள். அதன்பின் மின்பகுப்பு முறையில் சுத்தம் செய்யப்படுகிறது.
உலகில் கிடைக்கக் கூடிய தங்கத்தில் பாதி தென் ஆப்பிரிக்காவில் வெட்டி எடுக்கப்படுகிறது.
டாபிக்ஸ்