நோயாளியின் பாதுகாப்பை உறுதிபடுத்தும் ரேடியோகிராஃபர்கள்..கதிரியக்க நாள் பற்றி தெரிந்து கொள்ள வேண்டிய விஷயங்கள்

உலக ரேடியோகிராஃபி தினம் என்பது ஒரு சர்வதேச சுகாதார விழிப்புணர்வு பிரச்சாரமாக பார்க்கப்படுகிறது. இது கதிரியக்க சிகிச்சை, நோயறிதல் இமேஜிங் மற்றும் ரேடியோகிராஃபர்கள் சுகாதார நிர்வாகத்தில் வகிக்கும் முக்கிய பங்கு பற்றிய பொது அறிவை அதிகரிக்க முயற்சிக்கிறது. நவீன சுகாதார சூழலில் ரேடியோகிராஃபர்கள் வகிக்கும் முக்கிய பங்கு மற்றும் மருத்துவ இமேஜிங்கின் முக்கியத்துவத்தை அங்கீகரித்து ரேடியோகிராஃபியின் தொழிலைக் கொண்டாடும் விதமாக இந்த நாள் இருக்கிறது. ஆண்டுதோறும் உலக ரேடியோகிராஃபி தினம் ஆண்டுதோறும் நவம்பர் 8ஆம் தேதி கொண்டாடப்படுகிறது.

ரேடியோகிராஃபி தினம் வரலாறு

உலக ரேடியோகிராஃபி தினம் நவம்பர் 8, 1895 அன்று, ஜெர்மன் இயற்பியலாளர் வில்ஹெல்ம் கான்ராட் ரோன்ட்ஜென் எக்ஸ்-கதிர்வீச்சு அல்லது எக்ஸ்-கதிர்களைக் கண்டுபிடித்ததைக் கொண்டாடுகிறது. 1901இல் இயற்பியலுக்கான நோபல் பரிசை முதன்முதலில் பெற்றவர் ரோன்ட்ஜென்.

ஐரோப்பிய கதிரியக்க சங்கம் (ESR), வட அமெரிக்காவின் கதிரியக்க சங்கம் (RSNA) மற்றும் அமெரிக்க கதிரியக்க கல்லூரி (ACR) ஆகியவை இணைந்து முதல் உலக கதிரியக்க தினத்தை 2012 ஆம் ஆண்டு கொண்டாடின. பிப்ரவரி 10, 1923இல் வில்ஹெம் ரோன்ட்ஜென் இறந்த தினத்தை அனுசரிக்கும் வகையில், பிப்ரவரி 10, 2011 அன்று நடத்தப்பட்ட ஐரோப்பிய கதிரியக்க தினம், இந்த நிகழ்வின் முன்னோடியாக இருந்தது. இது ESR ஆல் ஏற்பாடு செய்யப்பட்டது.

நவம்பர் 8 ஆம் தேதி, ரோன்ட்ஜென் எக்ஸ்-கதிர்களைக் கண்டுபிடித்ததன் நினைவுநாளான, உலக ரேடியோகிராஃபி தினம் ஒரு வருடாந்திர நிகழ்வாக நிறுவப்பட்டது, இந்த நாள் ஐரோப்பிய கதிரியக்க தினத்துக்கு பதிலாக நிறுவப்பட்டது. நைஜீரியாவில் உள்ள ரேடியோகிராஃபர்கள் சங்கம் மற்றும் இங்கிலாந்தில் உள்ள சொசைட்டி ஆஃப் ரேடியோகிராஃபர்ஸ் (SoR) உட்பட உலகம் முழுவதும் உள்ள பல அமைப்புகளால் இந்த தினம் கொண்டாடப்படுகிறது.

கடந்த 1996 முதல் மத்திய பிரதேசத்தின் ரேடியோகிராஃபர்ஸ் அசோசியேஷன், அமைப்பின் செயலாளரான சிவகாந்த் வாஜ்பாய் பரிந்துரைத்தபடி இந்த நாள் இந்தியாவில் கடைப்பிடித்தது.

ரேடியோகிராஃபி தினம் 2024 கருப்பொருள்

"ரேடியோகிராஃபர்கள்: காணாததைக் காண்பது." உடலில் மறைந்திருக்கும் உடல்நல பிரச்னைகளை வெளிக்கொணர்வதில் ரேடியோகிராஃபர்கள் வகிக்கும் முக்கியப் பங்கை இந்த கருபொருள் வலியுறுத்துகிறது. இமேஜிங் கருவிகளை இயக்கவும், நோயறிதலுக்கு உதவும் உயர்தர படங்களை உருவாக்கவும் பயிற்சி பெற்ற திறமையான நிபுணர்களாக ரேடியோகிராஃபர்கள் இருக்கிறார்கள்.

ரேடியோகிராஃபி தினம் முக்கியத்துவம்

உலக ரேடியோகிராஃபி தினம் மருத்துவம் மற்றும் சுகாதாரத்துறையில் முக்கியமான நாளாக பார்க்கப்படுகிறது. ஏனென்றால் இது மருத்துவ இமேஜிங் வல்லுநர்கள் மற்றும் ரேடியோகிராஃபர்கள் உயர்தர, பாதுகாப்பான சுகாதாரத்தை வழங்குவதில் வகிக்கும் முக்கிய பங்கை அங்கீகரித்து கொண்டாடும் நாளாக உள்ளது.

கதிர்வீச்சு பாதுகாப்பு, நோயாளியின் பாதுகாப்பு மற்றும் சுகாதார அமைப்புகளின் செயல்திறனை பராமரிப்பதில் அவற்றின் முக்கியத்துவத்தை இது கவனத்தை ஈர்க்கிறது. பாதுகாப்பற்ற கவனிப்பு பாதகமான விளைவுகளுக்கு வழிவகுக்கும். பாதுகாப்பற்ற கவனிப்பு 13.4 மில்லியன் பாதகமான நிகழ்வுகளுக்கு காரணமாகிறது. இதன் விளைவாக ஆண்டுதோறும் 26 லட்சம் இறப்புகள், குறைந்த மற்றும் நடுத்தர வருமான நாடுகளில் உள்ள மருத்துவமனைகளில் நிகழ்கிறது.

அதிக வருமானம் கொண்ட நாடுகளில், மருத்துவமனை பராமரிப்பின் போது 10இல் ஒரு நோயாளி ஆபத்தில் இருப்பதாக கூறப்படுகிறது. ரேடியோகிராஃபிக் இமேஜிங் மற்றும் சிகிச்சை பற்றிய பொது விழிப்புணர்வை ஏற்படுத்த உலக ரேடியோகிராஃபி தினம் கொண்டாடப்படுகிறது, இது நோயாளியின் நோயறிதல் மற்றும் கவனிப்புக்கு இன்றியமையாததாக திகழ்கிறது.