Wayanad: கேரளாவில் 7 மாவட்டங்களில் பள்ளிகளுக்கு விடுமுறை; வயநாடு நிலச்சரிவில் பலியானோர் எண்ணிக்கை 290க்கும் மேல் உயர்வு!

Wayanad: கனமழை முன்னறிவிப்பைக் கருத்தில் கொண்டு கேரளாவின் திருச்சூர், மலப்புரம், கோழிக்கோடு, வயநாடு, கண்ணூர், காசர்கோடு மற்றும் பாலக்காடு மாவட்டங்களில் உள்ள பள்ளிகள், கல்லூரிகள் மற்றும் டியூஷன் மையங்கள் உட்பட அனைத்து கல்வி நிறுவனங்களும் ஆகஸ்ட் 2ஆம் தேதியான இன்று வெள்ளிக்கிழமை மூடப்படும் என அறிவிக்கப்பட்டுள்ளது.

ஏற்கனவே பெரிய நிலச்சரிவுகளால் பாதிக்கப்பட்டுள்ள கேரளாவின் வயநாடு மாவட்டத்தில், இந்திய வானிலை ஆய்வுத் துறை சனிக்கிழமை வரை 'ஆரஞ்சு' எச்சரிக்கை விடுத்துள்ள நிலையில் இந்த விடுமுறை அறிவிப்பு வந்துள்ளது. இந்த வயநாடு நிலச்சரிவில் 290க்கும் மேற்பட்டோர் உயிரிழந்ததாக கூறப்படுகிறது.

பாலக்காடு மாவட்ட ஆட்சியர் வெள்ளிக்கிழமை பள்ளிகள், அங்கன்வாடிகள், டியூஷன் மையங்கள் மற்றும் மதராஸாக்களுக்கு விடுமுறை அறிவித்துள்ளார். பாலக்காட்டில் நவோதயா போன்ற கல்லூரிகள் மற்றும் உண்டு உறைவிடப் பள்ளிகள் மட்டும் செயல்பட அனுமதிக்கப்படுகின்றன. ஆனால், திட்டவட்டமாக திருச்சூர், மலப்புரம், கோழிக்கோடு, வயநாடு, கண்ணூர் மற்றும் காசர்கோடு ஆகிய மாவட்டங்களில் அனைத்து கல்லூரி மையங்களுக்கும் விடுமுறை அளிக்கப்பட்டுள்ளது. 

கேரள மழை மற்றும் வயநாடு நிலச்சரிவு குறித்த முக்கிய அப்டேட்ஸ்

• கேரளாவில் பலத்த மழை, பலத்த காற்று மற்றும் நீர் தேக்கம் ஆகியவை இயல்பு வாழ்க்கையைத் தொடர்ந்து தொந்தரவு செய்வதால் திருச்சூர் மாவட்ட ஆட்சியர் அர்ஜூன் பாண்டியன் மாவட்டத்தில் விடுமுறை விடுத்துள்ளார். அர்ஜூன் பாண்டியன் கூறுகையில், மாவட்டத்தில் பல பள்ளிகள் நிவாரண முகாம்களாக செயல்படுகின்றன. இருப்பினும், இந்த அனைத்து மாவட்டங்களிலும் அட்டவணைப்படி தேர்வுகள் மற்றும் நேர்காணல்கள் நடைபெறும் என்றார்.
• திருச்சூரில், உண்டு உறைவிடப் பள்ளிகளும் வகுப்புகளை நடத்த தடை விதிக்கப்பட்டுள்ளதாக ஒன்மனோரமா தெரிவித்துள்ளது.
• இடுக்கி மற்றும் எர்ணாகுளம் மாவட்டங்களில், நிவாரண முகாம்களாக அமைக்கப்பட்ட பள்ளிகள் வெள்ளிக்கிழமை வகுப்புகளுக்கு மூடப்படும் என்று மாவட்ட அதிகாரிகள் அறிவித்தனர்.
• கேரளாவில் ஆகஸ்ட் 5ஆம் தேதி வரை கனமழை நீடிக்கும் என்று இந்திய வானிலை ஆய்வு மையம் கணித்துள்ளது.
• வயநாட்டில், மலைப்பகுதியில் பெரிய நிலச்சரிவு ஏற்பட்டு மூன்று நாட்களுக்குப் பின்னர், இடிந்து விழுந்த கட்டடங்களில் சிக்கியுள்ள உயிர்தப்பியவர்களைத் தேடுவதற்காக மீட்புப் படையினர் கடுமையான நிலைமைகளின் கீழ் நேரத்திற்கு எதிராக விரைந்தனர்.
• சில உறுதிப்படுத்தப்படாத தகவல்கள் 290 இறப்புகளைக் காட்டினாலும், கேரள வருவாய்த்துறை அமைச்சர் கே.ராஜன் நிலச்சரிவுகளில் குறைந்தது 190 பேர் கொல்லப்பட்டதை உறுதிப்படுத்தினார். பலர் இன்னும் காணாமல் போயுள்ளதால் பலி எண்ணிக்கை உயரும் என்று எதிர்பார்க்கப்படுவதாக அதிகாரிகள் செய்தி நிறுவனமான பி.டி.ஐ.யிடம் தெரிவித்தனர்.
• உயிரிழந்தவர்களில் 27 குழந்தைகளும், 76 பெண்களும் அடங்குவதாக வயநாடு மாவட்ட நிர்வாகம் தெரிவித்துள்ளது. 225 க்கும் மேற்பட்டோர் காயமடைந்துள்ளனர், பெரும்பாலும் முண்டக்காயம் மற்றும் சூரல்மலா பகுதிகளில் மிகவும் பாதிப்புபகுதிகளாகும். 
• சாலைகள் மற்றும் பாலங்கள் சேதமடைந்திருப்பதன் காரணமாக ஆபத்தான நிலப்பரப்பு மற்றும் கனரக உபகரணங்களின் பற்றாக்குறை உள்ளிட்ட சவால்களின் கலவையால் மீட்பு முயற்சிகள் தடைபட்டுள்ளன. இதனால் அவசரகாலப் பணியாளர்கள் வீடுகள் மற்றும் பிற கட்டடங்கள் மீது விழுந்த சேறு மற்றும் வேரோடுசாய்ந்த மரங்களை அகற்றுவது கடினமாகவுள்ளது. 
• இதற்கிடையில், இந்திய ராணுவம் சிஎல் 24 பெய்லி பாலத்தின் கட்டுமானத்தை குறைந்த நேரத்தில் முடித்துள்ளது. இருவாணிப்பா ஆற்றின் மீது சூரல்மலா பகுதியும், முண்டக்காயத்தையும் இணைக்கும் பாலம் போக்குவரத்துக்கு திறக்கப்பட்டு சிவில் நிர்வாகத்திடம் ஒப்படைக்கப்பட்டுள்ளது.
• மக்களவை எதிர்க்கட்சித் தலைவரும், காங்கிரஸ் எம்.பி.யுமான ராகுல் காந்தி மற்றும் காங்கிரஸ் தலைவர் பிரியங்கா காந்தி வதோதரா ஆகியோர் ஆகஸ்ட் 1ஆம் தேதி, வயநாடு சூரல்மலா நிலச்சரிவு ஏற்பட்ட இடத்தைப் பார்வையிட்டனர். செய்தியாளர்களிடம் பேசிய ராகுல் காந்தி, இது வயநாட்டிற்கு ஒரு பயங்கரமான சோகம் என்றும், இங்கு நிறைய மாற்றங்கள் செய்ய வேண்டியுள்ளது என்றும் கூறினார்.

ராகுல் காந்தி மற்றும் பிரியங்கா வயநாடு ஆய்வுப்பணி: