மைசூர் சாண்டல் சோப்பு யாருக்கெல்லாம் பிடிக்கும்.. அந்த வாசனை இருக்கே.. மைசூர் சாண்டல் வரலாறு தெரியுமா?

Mysore Sandal Soap: இயற்கையான பொருட்களை வைத்து மனிதர்கள் அனைவரும் நீராடி வந்தனர். அதன் பின்னர் சோப்புகள் தயாரிக்கப்பட்டு மக்கள் புழக்கத்தில் வந்தன. நிறுத்து உழைக்கும் சோப்புகள் மீது மக்கள் அதீத பிரியம் கொண்டு பயன்படுத்தி வந்தனர். அந்த இடத்தில் லைஃப் பாய் சோப்பு இருந்தது. குளிப்பதற்கு ஏற்றவாறு நீடித்து உழைக்கக்கூடிய சோப்பாக லைஃப் பாய் சோப்பு இருந்தது.

அதன் பின்னர் களத்தில் இறங்கியது தான் மைசூர் சாண்டல் சோப்பு. இந்த சோப்பு களத்தில் இறங்கிய பிறகு மிகப்பெரிய புரட்சியை மக்கள் மத்தியில் செய்தது என்று கூறினால் அது மிகையாகாது. அந்த சோப்பின் சிறிய வரலாறை இங்கே காண்போம்.

மைசூர் சந்தன மரங்கள்

சந்தன மரங்கள் நமது இந்தியாவின் தெற்கு பகுதியில் மைசூர் பகுதிகளில் அதிகம் காணப்பட்டன. சந்தனம் மற்றும் மரக்கட்டைகள் என அனைத்தும் வெளிநாட்டுகளுக்கு ஏற்றுமதி செய்யப்பட்டு மைசூர் சாம்ராஜ்யம் மிகப்பெரிய வருவாயை ஈட்டி வந்தது. திப்பு சுல்தான் ஆட்சி காலத்தில் கூட மைசூர் சந்தன கட்டைகள் அனைத்தும் சீனப் போன்ற மற்ற நாடுகளுக்கு ஏற்றுமதி செய்யப்பட்டு வந்துள்ளன.

இருபதாம் நூற்றாண்டு காலகட்டத்தில் ஐரோப்பா பகுதியில் மைசூர் சந்தனக் கட்ட வேலை அதிக அளவில் இறக்குமதி செய்துவந்துள்ளனர். ஜெர்மனி, பிரான்ஸ், பிரிட்டன் உள்ளிட்ட அனைத்து நாடுகளுக்கும் மைசூர் சமஸ்தானத்தில் இருந்து தான் சந்தன கட்டைகள் அனுப்பப்பட்டு வந்துள்ளன.

முதல் உலகப்போர் 1914 ஆம் ஆண்டின் காலகட்டத்தில் உச்சத்தில் இருந்தது. இதனால் கடல் வழி வாணிபம் என்பது மிகவும் சிரமமாக இருந்தது. வெளிநாடுகளுக்கு ஏற்றுமதி செய்யப்பட்ட மைசூர் சந்தன மரங்கள் தடைபட்டு மரங்கள் பெரிய அளவில் தங்கிவிட்டன.

மைசூர் ராஜ்யத்தை ஆண்டு வந்த நான்காவது கிருஷ்ணராஜ வாரியார் தனது ராஜ்யத்தில் திவானாக பதவி வகித்த விஸ்வேஸ்வரய்யா நாடு என்பவரிடம் இதுகுறித்து ஆலோசனை கேட்டார். அதன் பின்னர் சந்தன மரத்திலிருந்து எண்ணெய்யை பிரித்தெடுக்கும் வழிமுறை குறித்து எனக்கு கூறுங்கள் என கிருஷ்ணராஜா வாரியார் விஸ்வேஸ்வரய்யாவிடம் கூறியுள்ளார்.

அதன் பின்னர் பெங்களூருவில் இருந்த இந்திய அறிவியல் கழகத்தின் உதவியோடு சந்தன மரத்திலிருந்து எண்ணெய்யை பிரித்தெடுக்கும் மெஷினை விஸ்வேஸ்வரய்யா உருவாக்கினார். அதன் பின்னர் 1916 ஆம் ஆண்டு மைசூரில் சந்தன மரத்தின் எண்ணை தொழிற்சாலை தொடங்கப்பட்டது.

மைசூர் சாண்டல் சோப்பு

இந்த தொழிற்சாலையின் திறப்பு விழாவில் மைசூர் மன்னர் கிருஷ்ணராஜ வாரியார் சந்திப்பதற்காக வெளிநாட்டில் இருந்து பலர் வந்திருந்தனர். அப்போது இந்த சந்தன மர எண்ணையில் இருந்து தயாரிக்கப்பட்ட சோப்புகளை அவர்களுக்கு மன்னர் பரிசாக கொடுத்துள்ளார்.

அதற்குப் பிறகுதான் சந்தனமர எண்ணையில் இருந்து சோப்பு தயாரிக்கும் சிந்தனை அவருக்கு தோன்றி உள்ளது. அதன் பின்னர் 19 18 ஆம் ஆண்டு மைசூரில் சந்தன எண்ணையில் இருந்து சோப்பு தயாரிக்கும் தொழிற்சாலை நிறுவப்பட்டுள்ளது.

நமது நாடு சுதந்திரம் அடைந்த பிறகு சந்தனமர எண்ணெய் தொழிற்சாலை மற்றும் மைசூர் சோப்பு தொழிற்சாலை இரண்டையும் இணைத்து கர்நாடக சோப் அண்ட் டிஜிட்டல் லிமிடெட் என்பதை மாநில அரசு உருவாக்கியுள்ளது.

இயற்கை முறையில் நேரடியாக சந்தன மர எண்ணெயிலிருந்து தயாரிக்கப்படுகின்ற காரணத்தினால் இதனுடைய விற்பனையானது மிகப்பெரிய அளவில் உயர்ந்தது. அனைவரும் பட்டை வடிவில் சோப்புகளை விற்பனை செய்து வந்த காலகட்டத்தில் மைசூர் சாண்டல் சோப் மட்டும்தான் நீள் வட்ட வடிவில் விற்பனை செய்யப்பட்டது.

இதிலிருந்து வெளிப்படும் வாசனை அனைவரையும் ஈர்க்கக்கூடிய வகையில் இருந்தது. இன்று வரை இந்த மைசூர் சாண்டல் சோப்பு என மிகப் பெரிய ரசிகர்கள் கூட்டம் இருந்து வருகிறது என்பது நிதர்சனமாகும்.