உள அமைதி மற்றும் மகிழ்ச்சிக்காக நீங்கள் தவிர்க்க வேண்டியவர்கள் யார்? – உளவியலாளர்கள் கூறுவது என்ன?

நீங்கள் உங்களின் மன அமைதி மற்றும் மகிழ்ச்சிக்காகவும் 8 வகை மனிதர்களை கட்டாயம் தவிர்க்கவேண்டும். அவர்களை உங்கள் வாழ்வில் இருந்து விலக்கினால்தான், உங்களால் மகிழ்ச்சியுடன் வாழமுடியும் என்று உளவியல் நிபுணர்கள் கூறுகிறார்கள். இந்த நச்சு உறவுகளை நீங்கள் தவிர்க்கவேண்டும். தொடர்ந்து ஏமாற்றிக்கொண்டு இருப்பவர்கள் மற்றும் சுயநலவாதிகளாக இருப்பவர்களை நீங்கள் உங்கள் வாழ்க்கையில் இருந்து கட்டாயம் நீக்கிவிடவேண்டும். இங்கு உங்களுக்கு நீங்கள் தவிர்க்கவேண்டிய சில வகை நச்சு உறவுகள் குறைத்து உங்களுக்கு பட்டியலிட்டுள்ளோம். இவர்களை தவிர்த்தால்தான் நீங்கள் மனஅமைதியுடனும், மகிழ்ச்சியுடனும் வாழ்வில் இருக்க முடியும். இதை உளவியல் நிபுணர்கள் அறிவுறுத்துகிறார்கள்.

உணர்வுகளை மடைமாற்றும் நபர்கள்

இவர்கள் சூழ்நிலைகள் மறறும் மனிதர்களை அவர்களின் தேவைகளுக்காக மாற்றிக்கொள்ளும் நபர்களாக இருப்பார்கள். உங்களை மாற்ற நினைப்பவர்களுக்கு உங்களின் பலவீனம் நன்றாகத் தெரியும். அவற்றை அவர்கள் உணர்வு ரீதியாக தூண்டி அவர்களுக்கு தேவையான வழியில் எப்போதும் மாற்றிக்கொள்வார்கள்.

தொடர்ந்து விமர்சிப்பவர்கள்

உங்களிடம் தொடர்ந்து குறைகளை மட்டுமே கண்டுபிடிப்பவர்கள், எப்போதும் மற்றவர்களை மட்டம் தட்டிக்கொண்டேயிருப்பார்கள். மற்றவர்களை எதற்காகவும் பாராட்ட மாட்டார்கள். மற்றவர்களை மதிப்பில்லாதவர்கள் என்று உணர வைத்துக்கொண்டே இருப்பார்கள். அவர்களின் எதிர்மறை எண்ணங்கள், விரைவில் மற்றவர்களின் ஆற்றலை அழிக்க வல்லது. எனவே இதுபோன்ற நபர்களிடம் இருந்து தப்பித்துவிடவேண்டும்.

சுயநலவாதிகள்

சுயநலவாதிகள் வெளியில் இருந்து பார்க்கும்போது, அவர்கள் வெற்றியாளராகவும், வசீகரமானவர்களாகவும் இருப்பார்கள். ஆனால், ஆழ்ந்து நோக்கினால் அவர்கள் உண்மையில் பாதுகாப்பில்லாதவர்களாக இருப்பார்கள். அவர்கள் ஈகோவை வளர்த்துக்கொண்டே செல்வார்கள். அவர்கள் தங்களை பெரிதாக எண்ணிக்கொள்வார்கள். அவர்கள் தங்களை கட்டுப்படுத்திக்கொள்வார்கள். மற்றவர்களை சிறுமைப்படுத்துவார்கள். இவர்களிடம் இருந்து விலகியிருத்தல் நலம்.

பரிதாபத்துக்கு உரியவர்களாக தங்களை காட்டிக்கொள்பவர்கள்

சிலர், தங்களை எப்போதும் எப்போதும் பரிதாபத்துக்கு உரிய நபர்களாக சித்தரித்துக்கொள்வார்கள். அவர்கள் மற்றவர்களின் அனுதாபத்தையும், கவனத்தையும், பாசத்தையும் பெறுவதற்காக இவ்வாறு நடந்துகொள்வார்கள். அவர்கள் எப்போதும் மற்றவர்கள் தங்களுக்காக நிற்கவேண்டும் என்று நினைப்பார்கள். ஆனால் அவர்கள் அதுபோல் நடந்துகொள்ள மாட்டார்கள். அவர்கள் எப்போதும் மற்றவர்களுக்காக நிற்கமாட்டார்கள்.

குழப்பவாதிகள்

சிலர் எப்போதும், உண்மைகளை திரிப்பவர்களாகவும், பொய்யுரைப்பவர்களாகவும் இருப்பார்கள். தங்களின் கோணத்தின் மீது தங்களுக்கு சந்தேகம் வரும் வகையில் மற்றவர்களை மாற்றும் நபர்களாக இருப்பார்கள். குழப்பங்களையும், பாதுகாப்பின்மையையும் உருவாக்கிக்கொள்வார்கள். அவர்களின் கட்டுப்பாட்டுக்குள் வைத்துக்கொள்ள எதையும் செய்வார்கள்.

போலி நண்பர்கள்

உங்களிடம் தங்களின் அன்பை மறைத்து, எதிர்மறை எண்ணங்களை விதைப்பவர்கள் நீங்கள் தவிர்க்கவேண்டிய நபர்களுள் ஒருவர். இவர்களை கட்டாயம் தவிர்த்தால்தான் உங்களின் மனஅமைதியும், மகிழ்ச்சியும் நிலைக்கும்.

கிசுகிசுப்பு பேசுபவர்கள்

இவர்கள் எப்போதும் மற்றவர்களைப் பற்றிய வதந்தியைப் பரப்பிக்கொண்டு இருப்பார்கள். மற்றவர்களின் தனிப்பட்ட தகவல்களை அடுத்தவர்களுக்கு பரப்புவார்கள். அதுகுறித்து அவதூறுகளை பரப்பிவிடுவார்கள். அவர்களிடம் நீங்கள் உங்களின் தனிப்பட்ட தகவல்களை பகிராதீர்கள். கிசுகிசுப்பு பேசுபவர்களிடம் இருந்து விலகியிருங்கள். இது உங்கள் வாழ்வில் தேவையற்ற டிராமாக்களில் இருந்து விலக்கி வைக்கும்.

தொடர்ந்து அவதூறு கூறுபவர்கள்

எதிர்மறை எண்ணங்களுடன் வாழ்பவர்கள், மற்றவர்களின் ஆற்றலை முற்றிலும் அழித்துவிடுபவர்கள். இவர்களிடம் இருந்து விலகியிருத்தல் நலம். இவர்களை திருப்திப்படுத்துவது கடினம். இவர்களிடம் பேசினால் நமக்கு எரிச்சல்தான் ஏற்படும்.