ட்ரெண்ட் ஆகி வரும் நீர் நடை.. உங்களுக்கு நீர் நடை பற்றி தெரியுமா? நீரில் நடைப்பயிற்சி செய்வதால் கிடைக்கும் நன்மைகள்

நடைப்பயிற்சியால் பல ஆரோக்கிய நன்மைகள் உள்ளன. இப்போது நடக்கும் மனிதர்களின் எண்ணிக்கையும் அதிகமாகியிருக்கிறது. இப்போதெல்லாம் உலகில் பலர் உடல் பருமன் பிரச்னையுடன் போராடி வருகின்றனர். உடல் பருமன் உங்கள் தன்னம்பிக்கையைக் குறைப்பது மட்டுமல்லாமல், உடல்நலம் தொடர்பான பல பிரச்னைகளை உருவாக்கும் அபாயத்தையும் ஏற்படுத்துகிறது.

நீர் நடை தெரியுமா?:

உடல் எடையைக் குறைக்க ஜிம், யோகா போன்ற ஆரோக்கியமான வாழ்க்கை முறையைப் பின்பற்ற பலர் முயற்சி செய்கிறார்கள். ஆனால், இந்த முயற்சிகளுக்குப் பிறகும் விரும்பிய முடிவு கிடைக்கவில்லை என்றால், நீர் நடைப்பயிற்சி செய்து பாருங்கள். உடல் எடையை விரைவாக குறைக்க வாட்டர் வாக்கிங் ஒரு சுலபமான வழியாகும். உண்மையில், தண்ணீரில் நடப்பதற்கு நிறைய முயற்சி தேவை. இது முழு உடலையும் ஒன்றாக வேலை செய்ய வைக்கிறது. 

இது உடல் பருமனைக் குறைக்கிறது. தொடர்ந்து நீர் நடைப்பயிற்சி மேற்கொள்வது மன ஆரோக்கியம், மனச்சோர்வு மற்றும் பதற்றம் ஆகியவற்றைக் குறைக்கிறது. நீர் நடைப்பயிற்சி செய்வது எப்படி, அவ்வாறு செய்வதன் நன்மைகள் என்ன என்பதை அறிந்து கொள்வோம்.

நீர் நடை எப்படி செய்வது?

குறுகிய காலத்தில் விரைவாக உடல் எடையை குறைக்க வாட்டர் வாக் எனப்படும் ஒரு சுலபமான வழியாகும். இருப்பினும், அது சரியாக செய்யப்படாவிட்டால், அந்த நபர் கடுமையாக சோர்வடையக்கூடும். நீர் நடைப்பயிற்சி செய்யும் போது சில விஷயங்களை கவனித்துக் கொள்வது அவசியம். இல்லையெனில் நீங்கள் விரைவாக சோர்வடைய ஆரம்பிப்பீர்கள். வாட்டர் வாக்கிங் செய்யும்போது, தண்ணீரில் விறுவிறுப்பாக நடக்க முயற்சி செய்யுங்கள். இந்தப் பயிற்சியை செய்யும்போது, நீரில் விறுவிறுப்பாக நடக்க முயற்சி செய்யுங்கள். நீங்கள் நடக்க விரும்பினால், தண்ணீர் இடுப்பு அல்லது மார்பு வரைகூட இருக்கலாம். 

இதனால் கால்களின் தசைகள் நன்றாக வேலை செய்யும். நீர் நடை செய்ய நீங்கள் ஒரு கடற்கரை அல்லது ஒரு நீச்சல் குளத்தைத் தேர்ந்தெடுக்கலாம். நீங்கள் ஒரு நாளைக்கு 30 நிமிடங்கள் நீர் நடைப்பயிற்சி செய்யலாம்.

நீர் நடைப்பயிற்சியின் ஆரோக்கிய நன்மைகள்:

எடை இழப்பு:

வாட்டர் வாக் எடை இழப்புக்கு எளிதான தீர்வாகும். ஏனெனில் இது உடலை டோன் செய்யும்போது கலோரிகளை செலவு செய்ய உதவுகிறது. நீரின் அடர்த்தி காற்றைவிட அதிகமாக இருப்பதால் தண்ணீரில் நடப்பது அதிக கலோரிகளை செலவாக்குகிறது. அதனால்தான் சாலையில் நடப்பதை விட தண்ணீரில் நடப்பது பொதுவாக ஒரு மணி நேரத்திற்கு 460 கலோரிகளை உட்கொள்கிறது என்று மருத்துவ நிபுணர்கள் கூறுகின்றனர்.

மேம்படும் இதய ஆரோக்கியம்:

நீரில் நடைப்பயிற்சி செய்வது இதய ஆரோக்கியத்தை மேம்படுத்துகிறது. தண்ணீரில் நடப்பது உங்கள் மூட்டுகளில் அதிக அழுத்தம் கொடுக்காமல் உங்கள் இதயத் துடிப்பை அதிகரிக்க உதவுகிறது. தண்ணீரில் நடப்பதும் உயர் இரத்த அழுத்தத்தைக் குறைக்க உதவுகிறது. இதய ஆரோக்கியத்தை நன்றாக வைத்திருக்கும். அதன்படி, ஆரோக்கியமாக இருக்க அவ்வப்போது நீர் நடைப்பயிற்சி செய்வது அவசியம். நீச்சல் குளம் உள்ளவர்கள் இப்படி வாட்டர் வாக்கிங் செய்யலாம்.

சிறிதளவு நீரில் நடந்து செல்வதில் எந்தப் பயனும் இல்லை. இடுப்பு வரை தண்ணீர் இருப்பதை உறுதிப்படுத்திக் கொள்ளுங்கள். அப்போதுதான் நீர் நடை சாத்தியம். முழு உடலும் தண்ணீரில் ஒரு அடி எடுத்து வைக்கப்போராடுவதை உணரவேண்டும். இது ஒரு உடற்பயிற்சி போல ஆகிறது. இப்படி வாரத்திற்கு இரண்டு அல்லது மூன்று முறை செய்து வந்தால் பல ஆரோக்கிய நன்மைகள் கிடைக்கும்.