Indoor Walking: வெயில்,மழை இருந்தாலும் வெளியில் செல்லாமல் நடைப்பயிற்சியை அதிகரிக்க, எடையைக் குறைக்க உதவும் வழிகள்!

உட்புற நடைப்பயிற்சியின் முக்கியத்துவம்:

உட்புற நடைப்பயிற்சி உங்கள் வீடு, பணியிடம், பிற உட்புற அமைப்புகளின் எல்லைக்குள் உங்கள் உடற்பயிற்சி இலக்குகளை அடைய உதவும். நீங்கள் விடுமுறைக்கு வரும்போது, அருகிலுள்ள மாலுக்குச் செல்லும்போது இதைச் செய்யலாம். நீங்கள் செய்ய வேண்டியதெல்லாம், உங்கள் படிகளை எண்ணி அதை ஒரு வழக்கமாக்குவதுதான் ஆகும்.

10,000 படிகள் நடப்பது உங்கள் உடற்பயிற்சி இலக்குகளை அடைய உதவுவது மட்டுமல்லாமல், மன ஆரோக்கியத்திற்கும் பயனளிக்கும். உங்கள் எடையைப் பொறுத்து, ஒரு நாளைக்கு 10,000 படிகள் நடப்பது, 250 முதல் 600 கலோரிகளை எரிக்க உதவுகிறது. ஸ்டான்போர்டு பல்கலைக்கழகத்தின் ஒரு ஆய்வின்படி, நடைப்பயிற்சி மன பாரத்தைக் குறைக்கிறது மற்றும் எண்ணங்களின் ஓட்டத்திற்கு உதவுகிறது. பல ஆய்வுகளின்படி தவறாமல் நடப்பது மாரடைப்பு அபாயத்தைக் குறைக்க உதவுகிறது.

உட்புற நடைப்பயிற்சி: 10,000 படிகளை எவ்வாறு முடிப்பது?

நீங்கள் தினசரி 10,000 படிகளை முடிக்க 6 ஆக்கபூர்வமான வழிகள் பற்றி, ஊட்டச்சத்து நிபுணரும் நிறுவனருமான சோனியா பக்ஷி கூறுகிறார்.

1. ஜூம்பா வகுப்பு: ஒரு ஆன்லைன் ஏரோபிக்ஸ் அல்லது ஜூம்பா வகுப்புகளில் சேரலாம். இதன்மூலம் சற்று வேடிக்கையாக தினசரி நடைப்பயிற்சியை அதிகப்படுத்தமுடியும். உங்கள் இதயத்துடிப்பை உயர்த்த முடியும். மேலும், உடல் எடையைக் குறைக்கவும் ஒரு அருமையான வழியாகும்.

2. உங்கள் வீட்டைச் சுற்றி நடக்கவும்: உங்கள் வீடு, அபார்ட்மென்ட் அல்லது அலுவலக கட்டடத்தைச் சுற்றி நடக்கவும். வீட்டில் / அலுவலகத்தில் காலை உணவு, மதிய உணவு மற்றும் இரவு உணவிற்கு 10 நிமிடங்களுக்குப் பிறகு, நடப்பதை பழக்கமாக்கிக் கொள்ளுங்கள். இது செரிமானத்திற்கு உதவுவது மட்டுமல்லாமல், வயிறு தொடர்பான அனைத்து பிரச்னைகளையும் விலக்கி வைக்கும். நாள் முழுவதும் உங்களை சுறுசுறுப்பாக வைத்திருக்க நீங்கள் ஒரு டைமரை அமைத்து ஒவ்வொரு மணி நேரத்திற்கும் சில நிமிடங்கள் நடக்கலாம்.

3. ஷாப்பிங் செல்லுங்கள்: தாழ்வாரங்களில் நடக்க அருகிலுள்ள ஷாப்பிங் மால் அல்லது கடைக்குச் செல்லவும். பல மால்கள், வீட்டிற்குள் உடற்பயிற்சி செய்ய விரும்புவோருக்கு நியமிக்கப்பட்ட நடைப்பயிற்சி திட்டங்களை வழங்குகின்றன. நீங்கள் பல மால்களில் உள்ளே நுழையும்போது விண்டோ ஷாப்பிங்கை அனுபவிப்பது மட்டுமல்லாமல், நடைப்பயிற்சியின் பலன்களையும் பெறலாம்.

4. வீட்டினை நேர்த்தியாக்குதல்: வீட்டில் பொருட்களை ஒதுங்க வைத்தல், துடைத்தல், பொருட்களை நேர்த்தி செய்வது உங்களின் தினசரி படி எண்ணிக்கையை அதிகரிக்க உதவும். அதே நேரத்தில் உங்கள் வாழ்விடத்தை சுத்தமாகவும் ஒழுங்காகவும் வைத்திருக்கும். ஒரே கல்லில் இரண்டு பறவைகள்.

5. படிக்கட்டுகளில் ஏறுங்கள்: உங்களுக்கு ஒரு படிக்கட்டுகளில் செல்லும் நிலை இருந்தால், படிக்கட்டுகளில் ஏறுவது இதய ஆரோக்கியத்திற்கு ஒரு சிறந்த பயிற்சியாகும். மேலும் உங்கள் படி எண்ணிக்கையை அதிகரிக்கும்போது நல்ல வியர்வையைப் பெற உதவும்.

6. டிவி பார்க்கும்போது நடந்து செல்லுங்கள்: இடம் குறைவாக இருந்தால், டிவி பார்க்கும்போது, தொலைபேசியில் பேசும்போது, இசை அல்லது பாட்காஸ்ட்களைக் கேட்கும்போது வெறுமனே நடந்து கொண்டே இருங்கள். மேலும் உங்களது நடைப்பயிற்சியைக் கண்காணிக்க, பெடோமீட்டர் அல்லது பெடோமீட்டர் ஆப்பினை மொபைலில் பயன்படுத்தலாம்.

ஒவ்வொரு நாளும் அல்லது வாரமும் இலக்குகளை நிர்ணயிப்பதன் மூலம் உங்கள் நடைப்பயிற்சி படிகளின் எண்ணிக்கையை படிப்படியாக அதிகரிக்க உங்களது இலக்குகளை அதிகரியுங்கள்.