Turmeric : அதிகமா மஞ்சள் எடுப்பதால் இவ்வளவு பெரிய ஆபத்து இருக்கா.. ஒரு நாளைக்கு எவ்வளவு மஞ்சள் சாப்பிடலாம் பாருங்க!

Turmeric Side Effects : மஞ்சள் என்பது பல ஆரோக்கிய நன்மைகள் அடங்கி உள்ளது. இது உடலை குணப்படுத்த உதவும். மஞ்சளில் அழற்சி எதிர்ப்பு முதல் ஆக்ஸிஜனேற்ற பண்புகள் வரை பல பயன்பாடுகளைக் கொண்டுள்ளது. அதனால்தான் இதை உணவுகளில் சேர்த்துக்கொள்வதாக கூறப்படுகிறது. மஞ்சள் உண்மையில் பயன்படுத்த பாதுகாப்பானதா? என்ற கேள்வி எழுந்தால் ஆம் என்று தான் நாம் சொல்வோம். ஆனால் அளவுக்கு மிஞ்சினால் அமிர்தமும் நஞ்சு என்பது பழமொழி. அதேபோல் தான் மஞ்சளும் அளவாக எடுத்துககொள்வது நல்லது. கிறிஸ்டின் ஹில், மருத்துவ குழந்தைகள் மற்றும் பெண்கள் சுகாதார மருந்தாளர் கூறுகிறார். மஞ்சளை அதிகமாக உட்கொள்வது நமது உடலுக்கு மோசமான விளைவுகளை ஏற்படுத்தும் என்று கூறப்படுகிறது. வயிற்றுப் பிரச்சனைகளைத் தவிர, இரத்தம் மெலிதல் மற்றும் கல்லீரல் தொடர்பான நோய்களை உண்டாக்கும். இது குறித்த விரிவான தகவல்களை அறிந்து கொள்வோம்.

வயிறு மற்றும் செரிமான பிரச்சனைகள்:

நாம் மஞ்சளை அதிகமாக உட்கொள்வதால் ஏற்படும் பல பக்க விளைவுகளில் செரிமான பிரச்சனை பிரதானமான ஒன்று. இது செரிமான அமைப்பை சீர்குலைக்கிறது. மலச்சிக்கல், வயிற்றுப்போக்கு, அஜீரணம், வாயு, அமில வீச்சு, மஞ்சள் நிற மலம் போன்ற பல பக்க விளைவுகளை ஏற்படுத்தும்.

தோல் தடிப்புகள்:

மஞ்சள் பல அழகு சிகிச்சைகளுக்கு பரவலாக பயன்படுத்தப்படுகிறது. மஞ்சள் பெரும்பாலும் ஹேர் பேக் மற்றும் ஸ்கின் ஃபேஸ் பேக்குகளில் பயன்படுத்தப்படுகிறது. ஆனால் பெரும்பாலும், அதிக அளவு பயன்படுத்துவதால், தோல் மீது சொறி மற்றும் சிரங்கு ஏற்படலாம் என்று நிபுணர்கள் கூறுகின்றனர். மஞ்சளில் உள்ள குர்குமின் மூலப்பொருள் தான் இதற்கு காரணம்.

இரத்தப்போக்கு:

மஞ்சளில் இரத்தத்தை மெலிக்கும் தன்மை உள்ளது. எனவே இது இரத்த ஓட்டம் மற்றும் இரத்த உறைதலை சீராக்க தேவையான கால்சியம் சமிக்ஞையை தடுக்கிறது. இதன் காரணமாக, ஏதேனும் நமது உடலில் லேசான காயம் ஏற்படும் போது, ​​இரத்தம் உறைவதில்லை . மேலும் இரத்தப்போக்கு அதிகரிக்கிறது. மூக்கு அல்லது ஈறுகளில் இருந்து இரத்தப்போக்கு, மலம் அல்லது சிறுநீரில் இரத்தம் ஆகியவை மஞ்சள் உட்கொள்வதன் பக்க விளைவுகளாகும்.

சர்க்கரை அளவு:

டைப் 2 நீரிழிவு நோயாளிகளுக்கு, மஞ்சள் உடலில் இரத்த சர்க்கரை அளவை சீராக்க உதவுகிறது. ஆனால், அதிக அளவு மஞ்சளை உட்கொள்வதால் இரத்தத்தில் உள்ள சர்க்கரையின் அளவு திடீரென குறையும். சாதாரண சர்க்கரை அளவு உள்ளவர்களுக்கு இது உடல்நலப் பிரச்சினைகளை ஏற்படுத்தும்.

கல்லீரல்

ஒரு நாளைக்கு 250-1,800 மிகி என்ற அளவில் குர்குமினின் அதிக அளவுகள் கடுமையான கல்லீரல் பாதிப்பை ஏற்படுத்தும். மஞ்சள் காமாலை, வயிற்று வலி, குமட்டல் மற்றும் கருமையான சிறுநீர் ஆகியவை கல்லீரல் பாதிப்புக்கான அறிகுறிகளாகும். இந்த அறிகுறிகளுக்கு உடனடி மருத்துவ சிகிச்சை தேவைப்படுகிறது.

மஞ்சள் எவ்வளவு எடுக்க வேண்டும்?

பல்வேறு ஆய்வுகளின்படி, தினமும் 3 கிராம் மஞ்சளை உட்கொள்வது ஆரோக்கியமானது என்று கூறப்படுகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.

ஆரோக்கியம் தொடர்பான சுவாரஸ்மான தகவல்களை தொடர்ந்து பெற இந்துஸ்தான் டைம்ஸ் தமிழுடன் இணைந்திருங்கள்!