Papaya : விந்தணுக்களின் எண்ணிக்கையை குறைப்பது முதல் பப்பாளி விதையை அதிகம் எடுத்து கொள்வதால் ஏற்படும் பிரச்சனைகள்!

Papaya : இப்போதெல்லாம், பல வகையான விதைகளை சாப்பிடுவது நம் ஆரோக்கியத்திற்கு நல்லது என கூறப்படுகின்றன. பூசணி விதைகள், சூரியகாந்தி விதைகள் போன்ற நன்மை பயக்கும் விதைகளுடன் பப்பாளி விதைகளையும் சிலர் பயன்படுத்தி வருகின்றனர். குழந்தைகள் முதல் பெரியவர்கள் வரை பப்பாளியை அதிகம் விரும்பி உண்பது போல் அதன் விதைகளை சாப்பிட விரும்புவதில்லை. காரணம் அதன் ருசி பலருக்கும் பிடித்த ஒன்றாக இல்லை. அதே சமயம் பப்பாளி விதையில் சில நன்மைகள் உள்ளது போல்  பல வழிகளில் உடலுக்கு தீங்கும் விளைவிக்கும். பப்பாளி விதைகள் ஏன் தீங்கு விளைவிக்கின்றன என்பதைப் புரிந்து கொள்ளுங்கள். பப்பாளி விதையின் நன்மைகள் மற்றும் தீமை குறித்து இங்கு பார்க்கலாம்.

பப்பாளி விதைகளின் நன்மைகள்

செரிமான ஆரோக்கியம்: பப்பாளி விதைகளில் பப்பைன் மற்றும் புரோட்டீஸ் போன்ற நொதிகள் அடங்கி உள்ளன. அவை புரதங்களை உடைக்க உதவுகிதது செரிமானத்திற்கு உதவும். இதில் உள்ள அதிகப்படியான நார்ச்சத்து மலச்சிக்கல் பிரச்சனையை தீர்க்கும்.

கல்லீரல் ஆரோக்கியம்: கல்லீரலில் ஏற்படும் வீக்கத்தைக் குறைப்பதன் மூலமும் கல்லீரல் ஆரோக்கியத்தை ஆதரிக்கும் .

எடை இழப்பு : பப்பாளி விதையில் உள்ள நார்ச்சத்து, பசியைக் குறைத்து, நீண்ட நேரம் முழுதாக உணர உதவுவதன் மூலம், எடை நிர்வாகத்தில், மனநிறைவுக்கு உதவும்.

சிறுநீரக ஆரோக்கியம்: பப்பாளி விதைகள் சிறுநீரகங்களை நச்சுத்தன்மையாக்குவதற்கும் சிறுநீரக செயல்பாட்டை மேம்படுத்துவதற்கும் உதவக்கூடும் என சில ஆய்வு முடிவுகள் கூறுகின்றன.

அழற்சி எதிர்ப்பு விளைவுகள்: விதைகளில் அழற்சி எதிர்ப்பு பண்புகள் உள்ளன, அவை உடல் முழுவதும் வீக்கத்தைக் குறைக்க உதவும். கீல்வாதம் அல்லது பிற அழற்சி நோய்கள் போன்ற நிலைமைகளுக்கு இது பயனுள்ளதாக இருக்கும்.

புற்றுநோய் எதிர்ப்பு பண்புகள்: பப்பாளி விதைகள் அவற்றின் ஆக்ஸிஜனேற்ற உள்ளடக்கம் காரணமாக புற்றுநோய் எதிர்ப்பு விளைவுகளை ஏற்படுத்தக்கூடும் என்று சில ஆய்வுகள் தெரிவிக்கின்றன. இது குறித்து மேலும் பல ஆய்வுகள் நடந்து வருகிறது. அவை புற்றுநோய் உயிரணுக்களின் வளர்ச்சியைத் தடுக்க உதவும்.

பப்பாளி விதைகளின் பக்க விளைவுகள்

விந்தணுக்களின் தரத்தை குறைக்கிறது

பப்பாளி விதைகளை நீண்ட நாட்கள் தொடர்ந்து உட்கொண்டால், அவை ஆண்களின் விந்தணு எண்ணிக்கையை குறைப்பது மட்டுமல்லாமல், விந்தணுக்களின் தரத்தையும் குறைத்து, இயக்க விகிதத்தை குறைக்கிறது. விலங்குகளிடம் நடத்தப்பட்ட ஆய்வில், பப்பாளி விதைகளை உண்பதை நிறுத்தியபோது, குறைந்த விந்தணுக்களின் எண்ணிக்கை படிப்படியாக அதிகரிப்பது தெரியவந்தது.

கல்லீரலை சேதப்படுத்துகிறது

பப்பாளி விதைகளில் காணப்படும் சாறுகள் கல்லீரல் செல்களை சேதப்படுத்துவதாகவும், டிஎன்ஏவை சேதப்படுத்துவதாகவும் விலங்கு ஆய்வுகள் தெரிவிக்கின்றன. இது நாள்பட்ட கல்லீரல் பாதிப்பை ஏற்படுத்துகிறது மற்றும் கல்லீரல் சிரோசிஸ் அபாயத்தை அதிகரிக்கிறது. பப்பாளி விதைகளை அதிக அளவில் தொடர்ந்து நீண்ட நேரம் உட்கொண்டால், கல்லீரல் ஈரல் அழற்சி ஏற்படும் அபாயம் உள்ளது.

தேவையற்ற கர்ப்பம்

பப்பாளி விதைகளை சாப்பிடுவது தேவையற்ற கர்ப்பத்தைத் தடுக்கும் என்பது ஒரு முழுமையான கட்டுக்கதை. கருத்தடைக்காக பப்பாளி விதைகளை உட்கொள்ள வேண்டாம். பப்பாளியை பச்சையாக சாப்பிடுவதால் கருப்பை சுருங்குகிறது என எலிகளிடம் நடத்தப்பட்ட ஆராய்ச்சியில் தெரியவந்துள்ளது. எனவே, பப்பாளி விதைகளை பச்சையாக சாப்பிடக்கூடாது. இருப்பினும், பழுத்த பப்பாளி கருப்பைக்கு எந்த பாதிப்பையும் ஏற்படுத்தாது.

அதிகமாக சாப்பிடுவது தீங்கு விளைவிக்கும்

பப்பாளி விதைகளை சாப்பிடுவது ஆரோக்கியமான செல்களை மோசமாக பாதிக்கிறது மற்றும் செல்களுக்கு சேதத்தை ஏற்படுத்துகிறது. எலிகளில் இந்த ஆய்வு மேற்கொள்ளப்பட்டது.

பப்பாளி மட்டும் சாப்பிடுவது நன்மை தரும்

பப்பாளி தொடர்பான அதிகபட்ச ஆரோக்கிய நன்மைகளை நீங்கள் விரும்பினால் விதைகள் இல்லாமல் சாப்பிடுங்கள்.

ஆரோக்கியம் தொடர்பாக தொடர்ந்து பல சுவாரஸ்யமான தகவல்களை பெற இந்துஸ்தான் டைம்ஸ் தமிழுடன் இணைந்திருங்கள்