Bachelor Kitchen:ஈஸியாக எலுமிச்சை சாதம் செய்வது எப்படி?

தமிழ்நாட்டில் உள்ள ஒவ்வொரு குடும்பத்திலும் பிறந்து வளர்ந்த இளைஞர்கள் பணிநிமித்தமாக, பல்வேறு இடங்களில் தனியாகவோ அல்லது நண்பர்களுடன் சேர்ந்து இருந்தோ, தங்கிப்பணியாற்றி வருகின்றனர். ஒவ்வொரு நாளும் அவர்கள் அவதி அவதியாக, சாப்பிடாமல் அலுவலகத்துக்கு கிளம்புவதைப் பார்க்கமுடியும். அத்தகைய நேரத்தில், குறைந்தபட்சம் ஒரு எளிமையான உணவினையாவது செய்யலாம். அப்படி ஒரு எளிமையான உணவுதான், எலுமிச்சை சாதம்.

தேவையான பொருட்கள்:

நல்லெண்ணெய் - ஒரு டீஸ்பூன்,

கடுகு  - ஒரு டீஸ்பூன், 

கடலை பருப்பு - இரண்டு டீஸ்பூன், 

பச்சை மிளகாய் - 2, 

காய்ந்த மிளகாய் - 3, 

வேர்க்கடலை - ஒரு கைப்பிடி அளவு,

கறிவேப்பிலை - சிறிதளவு, 

மஞ்சள் தூள் - ஒரு டீஸ்பூன்,

பெருங்காயத்தூள் - ஒரு டீஸ்பூன்,

எலுமிச்சை - 1

செய்முறை: ஒரு வாணலியில் ஒரு டீஸ்பூன் நல்லெண்ணெய் ஊற்றி, ஒரு டீஸ்பூன் கடுகு, இரண்டு டீஸ்பூன் கடலை பருப்பு, 2 பச்சை மிளகாய், 3 காய்ந்த மிளகாய், ஒரு கைப்பிடி அளவு வேர்க்கடலை, சிறிதளவு கறிவேப்பிலை போட்டு நன்கு வதக்கிக்கொள்ளவும். நன்கு கடலை பருப்பு மொறுமொறுவென வந்தவுடன், மஞ்சள் தூள், பெருங்காயத்தூள், ஒரு அரை ஸ்பூன் உப்பு சேர்த்துக்கொள்ளவும். பின், எலுமிச்சை சாற்றினை அதில் பிழிந்துவிடவும். அதையடுத்து, ஒரு 3 நிமிடங்கள் கழித்து, அதனை இறக்கிக்கொள்ளவும். பின், தயார்நிலையில் வைக்கப்பட்டிருந்த சாதத்தில் நன்கு கிளறிக்கொள்ளவும். பின் ஒரு டீஸ்பூன் நல்லெண்ணெயினை ஊற்றிக்கொள்ளவும்.

இப்போது கமகமக்கும் சுவையான எலுமிச்சை சாதம் தயார். 

இதையும் படிங்க: Monday Lunch Box: எளிமையான முறையில் சீரக சாதம் செய்வது எப்படி?

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.