Gardening Tips : குறைவான வெளிச்சத்தில் கூட எளிதில் வளர்க்கலாம் இந்தச் செடிகளை! தொய்வில்லா தோட்டம்!

உங்கள் வீட்டில் குறைவான சூரியஒளிதான் கிடைக்கும் என்றாலும், நீங்கள் தோட்டம் அமைத்து பராமரிக்க முடியும். அதற்கு இந்த 9 செடிகள் உங்களுக்கு உதவும். குறைந்த ஒளியே தேவைப்படும் செடிகளே போதும். தண்ணீர் மற்றும் சூரிய ஒளியும் தாவரங்கள் வளர அத்யாவசியமான தேவை ஆகும். நல்ல வெளிச்சம் மற்றும் தண்ணீர் இருந்தால்தான் செடிகள் செழித்து வளர்ந்து, பூக்கும். ஆனால், சில செடிகளுக்கு அவை அதிக அளவு தேவைப்படாது. ஆனாலும் அவை வளரும். அவை என்ன செடி என்று தெரிந்துகொள்ளுங்கள். உங்கள் வீட்டில் அதிகம் வெளிச்சம் கிடைக்காவிட்டாலும் நீங்கள் இந்தச் செடிகளை வளர்த்து உங்கள் வீட்டின் அழகை பராமரிக்கலாம். உடனே இந்தச் செடிகளை உங்கள் வீட்டில் வளருங்கள்.

பாம்புச்செடி

பாம்புச் செடி வீட்டில் எளிதில் வளர்க்கக்கூடிய செடிகளுள் ஒன்று. இது மிகவும் அழகான தோற்றம் கொண்டதாக இருக்கும். இதற்கு நேரடி சூரிய ஒளி அதிகம் தேவைப்படாது. பாம்புச் செடிக்கு நீங்கள் கொஞ்சம் தண்ணீர் ஊற்றினாலே போதும் நாள் கணக்கில் அதற்கு மீண்டுமம் தண்ணீர் ஊற்றத் தேவையில்லை. மேலும் அதற்கு மறைமுக சூரிய ஒளியே போதும்.

இசட் இசட் (ZZ Plant)

ZZ செடி அழகாகவும், அடர் பசுமை நிற இலைகளையும் கொண்டதாக இருக்கும். இதன் இலைகள் கண்ணாடி போல் இருக்கும். அது உங்கள் வீட்டுக்கு அழகைத்தரும். இதை வீட்டுக்கு உள்ளே வளர்க்கலாம். இந்தச் செடி வளர்வதற்கு அதிக சூரிய ஒளி தேவையில்லை. நீங்கள் தினமும் கொஞ்சம் தண்ணீர் ஊற்றினாலே அவை எளிதில் வளர்ந்துவிடும்.

போத்தோஸ்

போதோஸ் என்பது மணி ப்ளான்ட். இதற்கு பராமரிப்பும் குறைவு. இதற்கு அதிக சூரிய ஒளியும் தேவையில்லை. இதற்கு நேரடி அல்லது மறைமுக சூரிய ஒளி என எதுவும் தேவையில்லை. இதற்கு தினமும் கொஞ்சம் தண்ணீர் ஊற்றினாலே போதும் இந்தச்செடி வளர்ந்துவிடும்.

அமைதி அல்லி

இந்த அமைதி அல்லிச் செடியில் வெள்ளை மலர்கள் மலரும். அமைதி அல்லி மற்றும் அடர் பசுமை நிற, பளபளக்கும் இலைகள் உண்மையான அழகைத்தரும். இந்த வீட்டின் உள்புறம் வளர்க்கும் செடிக்கு அதிக அளவு சூரியஒளி தேவையில்லை. அறை வெளிச்சத்திலே வளர்ந்துவிடும். தினமும் கொஞ்சம் தண்ணீர் ஊற்றினால் போதும்.

ஃபிலோடென்ட்ரான்

ஃபிலோடென்ட்ரான், வீட்டின் உள்ளேயும், வெளியேயும் வளரும் செடியாகும். இதன் இலைகள் இதய வடிவில் இருக்கும். ஃபிலோடென்ட்ரான் செடிகளும் நேரடி சூரிய ஒளி இல்லாமலும் வளரும். இதற்கு வீட்டின் விளக்கு வெளிச்சமே போதுமானது.

சைனீஸ் எவர்கிரீன்

சைகீஸ் எவர்கிரீன் செடிகள் அழகிய இலைகளைக் கொண்டது. இதற்கு அதிக அளவு சூரிய ஒளி தேவையில்லை. இதற்கு மறைமுக சூரிய ஒளி கிடைத்தாலே போதும் நன்றாக வளரும். இதற்கும் செயற்கை விளக்குகளின் வெளிச்சமே போதுமானது.

ஜேட் ப்ளான்ட்

ஜேட் எளிதில் வளரக்கூடிய தாவரமாகும். இதை வீட்டில் நட்டு வைத்தால் உங்கள் வீட்டில் செல்வம் செழிக்கும். இதன் இலைகள் மொத்தமாக இருக்கும். கொஞ்சம் காலத்திலே உயரமாக வளர்ந்துவிடும். ஜேட் சூரிய ஒளியில் வளரும் தன்மை கொண்டது. சூரிய ஒளி கிடைக்காவிட்டாலும் இது செழித்து வளரும்.

ஸ்பைடர் ப்ளான்ட்

ஸ்பைடர் ப்ளான்ட் என்பது நீண்ட, தொங்கும் இலைகளைக் கொண்ட தாவரமாகும். இது தொங்கும் தொட்டிகளில் வளர்க்க ஏற்ற செடியாகும். ஸ்பைடர் ப்ளான்டுக்கும் சூரிய ஒளி அதிகம் தேவையில்லை. இது வீட்டின் உள்புறமும் நன்றாக வளரும்.

பார்லர் பால்ம்

பார்லர் பால்ம் என்ற செடி சிறிய, நளிமான பனை மரத்தின் இலையைக் கொண்டிருக்கும். இது இறக்கை போன்ற அமைப்பைக் கொண்ட செடி. இதை நீங்கள் வீட்டின் உள்புறத் தோட்டத்தில் எளிதாக வளர்க்கலாம். இதை நீங்கள் வீட்டின் படுக்கையறை, ஹால், ஸ்டோர் ரூம் என எங்கு வேண்டுமானாலும் வளர்க்கலாம். இதை நீங்கள் உங்கள் படிக்கும் டேபிளில் கூட வைத்து வளர்க்கலாம். இதற்கு நல்ல மண் மற்றும் தண்ணீர் தேவை.