Clove Benefits: தம்மாத்துண்டு கிராம்புக்குள்ள இம்புட்டு பெரிய விசயம் இருக்கா.. அட இத்தனை நாளா இது தெரியாம போச்சே!

Clove Benefits: இந்தியர்கள் மசாலாவின் காரத்தை அதிகரிக்க கிராம்புகளை தங்கள் சமையலில் பயன்படுத்துகின்றனர். மேலும், இந்த கிராம்புகளில் உள்ள ஆக்ஸிஜனேற்ற பண்புகள் மற்றும் ஆண்டிமைக்ரோபியல் பண்புகள் உடலுக்கு பல நன்மைகளைத் தருகின்றன என்பது தான் முக்கியமான விஷயம். எனவே கிராம்புகளை தொடர்ந்து சாப்பிடுவது நல்லது என்று மருத்துவர்கள் பரிந்துரைக்கின்றனர். கிராம்பு நறுமணம் கமழும் பொருளாக நமது வீட்டில் உள்ள அஞ்சரை பெட்டியில் எப்போதும் வைத்திருக்கும் காரணம் இதுதான்.

கிராம்புகளை தினமும் உட்கொள்வது ஆரோக்கியத்தில் ஏதேனும் தாக்கத்தை ஏற்படுத்துமா என்று நீங்கள் கேட்டால், இந்த கேள்விக்கான பதில் சந்தேகத்திற்கு இடமின்றி ஆம் என்றுதான் இருக்கும். கிராம்புகளை தினமும் உட்கொள்வதால் பல ஆரோக்கிய நன்மைகளை பெறலாம். வாய்வழி ஆரோக்கியத்தை பராமரிப்பதோடு, குறைந்த இரத்த அழுத்த பிரச்சனையையும் இது விடுவிக்கிறது.

கிராம்புகளில் உள்ள ஃபிளாவனாய்டுகள் மற்றும் ஐசோஃப்ளேவோன்கள் போன்ற ஆக்ஸிஜனேற்ற பண்புகள் உடலுக்கு பல நன்மைகளை வழங்குகின்றன. கிராம்புகளை தினமும் உட்கொள்வதால் இதய நோய் மற்றும் புற்றுநோய் போன்ற நாள்பட்ட பிரச்சனைகளின் அபாயத்தையும் இவை குறைக்கின்றன.

கிராம்புகளில் யூஜெனால் உள்ளது. இது ஈறு அழற்சி மற்றும் பீரியண்டோன்டிடிஸ் போன்ற வாய்வழி நோய்களிலிருந்து உங்களை விலக்கி வைக்கிறது. அதுமட்டுமின்றி, பல் வலியைக் குறைக்கவும், ஈறு நோயைக் கட்டுப்படுத்தவும் கிராம்பு உதவுகிறது.

பல்வலி மற்றும் ஈறு வலியிலிருந்து விடுபட கிராம்பு எவ்வாறு உதவும் என்பது இங்கே:

வலி நிவாரணி பண்புகள்

கிராம்புகளில் காணப்படும் யூஜெனோல் என்ற பொருள் இயற்கையான வலி நிவாரணியாகவும், மயக்க மருந்தாகவும் செயல்படுகிறது. இது பல்வலியில் இருந்து தற்காலிக நிவாரணம் அளிக்கிறது. இதனால், ஆரம்பத்திலிருந்தே பல்வலிக்கு கிராம்பு சக்தி வாய்ந்த வீட்டு மருந்தாக பயன்படுத்தப்பட்டு வருகிறது.

ஈறு ஆரோக்கியம்

ஈறுகளில் பாக்டீரியாக்களின் வளர்ச்சியை குறைத்து ஆரோக்கியமான ஈறுகளை பராமரிக்க உதவுகிறது. கிராம்பு எதிர்காலத்தில் ஈறு தொடர்பான நோய்கள் வராமல் தடுக்கிறது. கிராம்பு கொண்ட மவுத்வாஷ்களும் வாய் துர்நாற்றத்தைக் குறைக்கும்.

செரிமானத்திற்கு உதவுகிறது

உங்கள் செரிமான அமைப்பை மேம்படுத்த கிராம்புகளை தினமும் சாப்பிடுவதை நீங்கள் வழக்கமாக்கிக் கொள்ளலாம். கிராம்புகளில் இருக்கும் செரிமான நொதிகள் அஜீரணம் மற்றும் வாய்வு போன்ற பிரச்சனைகளில் இருந்து உங்களை பாதுகாக்கிறது.

கிராம்புகளில் உள்ள யூஜெனால் உள்ளடக்கம் ஆரோக்கியத்திற்கு நன்மை பயக்கும் என்றாலும், கிராம்புகளை அதிகமாக உட்கொள்வது கல்லீரல் பாதிப்பை ஏற்படுத்தும். கிராம்புக்கு இரத்தத்தை மெலிக்கும் தன்மையும் உண்டு. எனவே இரத்தத்தை தடித்தல் தொடர்பான சிகிச்சைகள் அல்லது மாத்திரைகளை நீங்கள் எடுத்துக் கொண்டால் கிராம்புகளை சிறிய அளவில் உட்கொள்வது நல்லது.

கிராம்பை தினசரி உணவில் சேர்ப்பது எப்படி?

ஒரு நாளைக்கு ஒன்று முதல் இரண்டு சிறிய கிராம்புகளை உட்கொள்வது ஒரு நல்ல நடைமுறை. கிராம்புகளை உங்கள் உணவோடு சேர்த்து பல்வேறு வடிவங்களில் உட்கொள்ளலாம், அதாவது உங்கள் மசாலா உணவுகளில் அல்லது தேநீரில் கலந்து சாப்பிடலாம்.

கர்ப்பிணிப் பெண்கள், கல்லீரல் நோயால் பாதிக்கப்பட்டவர்கள் மற்றும் இரத்தத்தை மெலிக்கும் மருந்து எடுத்துக்கொள்பவர்கள் கிராம்பு சாப்பிடுவதற்கு முன்பு தங்கள் மருத்துவரை அணுக வேண்டும். மேலும், குழந்தைகளுக்கு கிராம்பு கொடுப்பதற்கு முன், குழந்தை நல மருத்துவரை அணுகி, குறிப்பிட்ட அளவில் மட்டும் கிராம்பு கொடுப்பது நல்லது.