செட்டிநாடு ஸ்பெஷல் தக்காளி குருமா! பெயரை கேட்டாலே அதிருதில்ல! இதோ ரெசிபி!

தக்காளியில் உள்ள நன்மைகள் என்னவென்று தெரிந்துகொள்ளுங்கள். தக்காளியில் உங்கள் உடலுக்கு தேவையான அளவு பீட்டா கரோட்டின்கள், லைக்கோபென்கள், வைட்டமின் சி சத்துக்கள் உள்ளது. இவையனைத்தும் செல்களின் சேதத்தை தடுக்கும் ஆன்டி ஆக்ஸிடன்ட்கள் ஆகும். தக்காளியில் உள்ள ஊட்டச்சத்துக்கள் இதய நோய்கள், டைப் 2 நீரிழிவு நோய்கள் மற்றும் நரம்பியல் கோளாறுகள் ஏற்படுவதை தடுக்கும் என்று ஆய்வுகள் கூறுகிறது. தக்காளி அதன் பன்முக குணங்களுக்காக சமையலில் பரவலாகப் பயன்படுத்தப்படுகிறது. பச்சை, மஞ்சள், சிவப்பு என அனைத்து நிறங்களிலும் உள்ளது. இதன் நன்மைகளை தெரிந்துகொள்ளுங்கள். நோய் எதிர்ப்பாற்றலை அகிகரிக்கிறது. புற்றுநோய் ஆபத்தை குறைக்கிறது. இதய ஆரோக்கியத்தை அதிகரிக்கிறது. ஆண்களின் மலட்டுத்தன்மையை போக்குகிறது. மலச்சிக்கலைத் தடுக்கிறது. நீரிழிவு நோயை கட்டுப்படுத்துகிறது. வளர்சிதை மாற்ற நோய்க்குறியை தடுக்கின்றன. மூளை ஆரோக்கியத்தை அதிகரிக்கிறது. உடற்பயிற்சியில் இழக்கும் ஆற்றலை மீட்கிறது. தக்காளியில் உள்ள ஊட்டச்சத்துக்களின் அளவுகளை தெரிந்துகொள்ளுங்கள். ஒரு தக்காளியில் கலோரிகள் 22.5, கொழுப்பு 0.25 கிராம்கள், சோடியம் 6.25 மில்லி கிராம்கள், கார்போஹைட்ரேட்கள் 4.86 கிராம்கள், நார்ச்சத்துக்கள் 1.5 கிராம்கள், 0 சர்க்கரை, புரதச்சத்துக்கள் 1.1 கிராம் உள்ளது.

இத்தனை ஆரோக்கிய நன்மைகள் கொண்ட தக்காளியில் இருந்து நாம் எண்ணற்று உணவுகளை தயாரிக்க முடியும். இது அன்றாட பயன்பாட்டில் அதிகளவில் பயன்படுத்தப்படுகிறது. தக்காளியைப் பயன்படுத்தி தற்போது செட்டிநாடு தக்காளி குருமா செய்யலாம்.

தேவையான பொருட்கள்

தக்காளி – 10 (சிறு துண்டுகளாக நறுக்கிக்கொள்ளவேண்டும் அல்லது அரைத்துக்கொள்ளவேண்டும்)

பச்சை மிளகாய் – 2

பெரிய வெங்காயம் – 1 (பொடியாக நறுக்கியது)

முந்திரிப் பருப்பு – 8

பூண்டு – 4 பல்

சோம்பு – அரை ஸ்பூன்

தேங்காய் துருவல் – ஒரு கப்

கசகசா – ஒரு ஸ்பூன்

பட்டை – 1

கடுகு – ஒரு ஸ்பூன்

எண்ணெய் – 2 ஸ்பூன்

உப்பு – தேவையான அளவு

கறிவேப்பிலை – ஒரு கொத்து

மல்லித்தழை – சிறிதளவு

செய்முறை

தேங்காய்த் துருவலில், கசகசா, முந்திரி, பட்டை, சோம்பு, பச்சை மிளகாய், பூண்டு, சிறிது நறுக்கிய வெங்காயம் ஆகியவற்றை போட்டு விழுதாக அரைத்துக் கொள்ளவேண்டும்.

கடாயில் எண்ணெய் விட்டு சூடானவுடன், கடுகு, கறிவேப்பிலை தாளித்து எஞ்சிய வெங்காயத்தைப் போட்டு சிறிது நேரம் வதக்கவேண்டும். வெங்காயம் பொன்னிறமாக வதங்கியவுடன், தக்காளியைச் சேர்த்து நன்றாக வதக்கவேண்டும். இவை நன்றாக மசிந்து வதங்கும் வரை வதக்கவேண்டும்.

வெங்காயம், தக்காளி நன்றாக வதங்கியதும் அரைத்து வைத்துள்ள விழுதை சேர்த்து மேலும் சிறிது தண்ணீர் சேர்த்து கொதிக்க விடவேண்டும். தேவையான அளவு உப்பு சேர்த்து கிளறவேண்டும். மல்லித்தழையை தூவி இறக்கவேண்டும்.

செட்நாடு தக்காளி குருமா தயார். இதை இட்லி, தோசை, சப்பாத்தி, பூரி என அனைத்து டிஃபனுடனும் தொட்டுக்கொண்டு சாப்பிடலாம். இதை ஒருமுறை ருசித்தால் மீண்டும், மீண்டும் நீங்கள் ருசிக்கத் தூண்டுவீர்கள். குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள்.

இதுபோன்ற எண்ணற்ற தகவல்கள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.