கிவி பழத்தை தோலுடன் சாப்பிடலாமா.. கொலஸ்ட்ராலை கட்டுப்படுத்துவது முதல் இதய ஆரோக்கியம் வரை கிவியால் கிடைக்கும் பலன்கள்!

இனிப்பும், புளிப்பும், நீர்ச்சத்தும் கொண்ட கிவி பழம். இது நம் உடல் நலத்துக்கு எவ்வளவு நல்லதோ அதே அளவு சுவையாகவும் இருக்கும். மிஸ்க்ஷேக், ஐஸ்கிரீம், கேக், பேஸ்ட்ரிகள் போன்ற பல வகையான உணவுகளின் சுவையை அதிகரிக்க கிவி பயன்படுகிறது. இது தவிர, கிவி சாலட் அல்லது சாறு வடிவத்திலும் உண்ணப்படுகிறது. கிவி எப்படி சாப்பிட்டாலும் ஆரோக்கியத்திற்கு மிகவும் நல்லது. ஆனால் கிவியை தோலில்லாமல் சாப்பிடுவதா அல்லது தோலுடன் சாப்பிடுவதா என்ற சந்தேகம் பலருக்கும் உள்ளது. கிவி பழத்தில் உள்ள அனைத்து சத்துக்களையும் பெற வேண்டுமானால், கிவி பழத்தின் நன்மைகள் பற்றி தெரிந்துகொள்வதே சரியான வழி.

கிவி சாப்பிடுவதற்கான சரியான வழி:

கிவி பழம் எப்படி சாப்பிட்டாலும் சத்து நிறைந்தது. ஆனால் இந்த பழத்தில் இருந்து இரட்டிப்பு ஆரோக்கிய நன்மைகளை நீங்கள் விரும்பினால், இதை தோலுடன் சாப்பிடுவது நன்மை பயக்கும். கிவி பழத்தின் தோலில் சிறிய முடிகள் உள்ளன. அதனால்தான் பலர் தோலுடன் சாப்பிடுவதில்லை. ஆனால் இதன் தோல் ஆரோக்கியத்திற்கு மிகவும் நல்லது. எனவே எப்போதும் தோலுடன் கிவி சாப்பிட முயற்சி செய்யுங்கள். 

கிவி ஏன் சாப்பிட வேண்டும்?

கிவி பழம் சாப்பிடுவதால் ஏற்படும் ஆரோக்கிய நன்மைகளைப் பார்ப்போம். இந்த பழம் மற்ற பழங்களை விட சற்று விலை அதிகம். ஆனால் கொஞ்சம் உடம்பு சரியில்லை என்றாலும் சாப்பிடுவது நல்லது.

வைட்டமின் சி:

கிவியில் வைட்டமின் சி நிறைந்துள்ளது. இது ஆரோக்கியமான ஆக்ஸிஜனேற்றியாக செயல்படுகிறது. இது உடலின் நோய் எதிர்ப்பு சக்தியை வலுப்படுத்த உதவுகிறது. கிவியை தொடர்ந்து சாப்பிட்டு வந்தால் உடலில் நோய் எதிர்ப்பு சக்தி அதிகரிக்கும். இது பருவகால நோய்களின் அபாயத்தைக் குறைக்கிறது.

இதய ஆரோக்கியம்:

கிவியில் நார்ச்சத்து மற்றும் பொட்டாசியம் நிறைந்துள்ளது. தொடர்ந்து சாப்பிடுவது இதயத்துக்கும் நல்லது. தினமும் ஒரு கிவி சாப்பிடுவது உடலில் இரத்த அழுத்தத்தை கட்டுக்குள் வைத்திருக்கும். கிவியில் உள்ள நார்ச்சத்து மற்றும் பொட்டாசியம் உடலில் உள்ள கொழுப்பின் அளவைக் கட்டுக்குள் வைத்து இதய நோய் அபாயத்தைக் குறைக்கும்.

பிளேட்லெட் எண்ணிக்கை:

கிவியில் இரும்பு மற்றும் ஃபோலிக் அமிலமும் நிறைந்துள்ளது. இது உடலில் இரத்தத்தை அதிகரிக்க உதவுகிறது. உடலில் பிளேட்லெட்டுகள் குறைவாக இருந்தாலும் கிவி சாப்பிடுவது நல்லது. ஏனெனில் இதில் உள்ள இரும்புச்சத்து, பிளேட்லெட்டுகளை வேகமாக அதிகரிக்கச் செய்கிறது. இது தவிர, கர்ப்ப காலத்தில் கிவி சாப்பிடுவதும் நன்மை பயக்கும்.

வயிற்று ஆரோக்கியம்:

கிவி பழத்தில்ல் உள்ள வைட்டமின் சி மற்றும் நார்ச்சத்து வயிற்றுக்கு மிகவும் நன்மை பயக்கும். இது குடல் அழற்சி மற்றும் மலச்சிக்கலை போக்க உதவுகிறது. கிவியில் உள்ள ஆக்டினிடின் கலவைகள் உடலில் உள்ள புரதங்களை உடைப்பதன் மூலம் செரிமான அமைப்பை ஆரோக்கியமாக வைத்திருக்கின்றன.

தோல் ஆரோக்கியம்:

கிவி பழத்திலும் வைட்டமின் ஈ அதிகமாக உள்ளது. இதனை தொடர்ந்து உட்கொள்வதால் சருமம் தொடர்பான பிரச்சனைகளில் இருந்து விடுபட்டு சருமம் பளபளப்பாக இருக்கும். நீரிழப்பு பிரச்சனை இருந்தாலும் கிவி சாப்பிடுவது ஆரோக்கியமானது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.