தீபாவை சுட்டுத் தள்ளத் துணிந்த ஐஸ்வர்யா.. கஞ்சா வழக்கில் கைதியான கார்த்திக்! - கார்த்திகை தீபம் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். கடந்த சனிக்கிழமை நடந்த எபிசோடில், ஐஸ்வர்யா துப்பாக்கி உடன் கோயிலுக்குள் புகுந்த நிலையில், இன்று நடக்கப் போவது என்ன என்பது குறித்து பார்க்கலாம்.

தப்பித்த ஐஸ்வர்யா

ஐஸ்வர்யாவை தேடி வந்த போலீஸ், கோயிலுக்குள் நுழைந்து அவரைத் தேட, அவள் ஓர் இடத்தில் ஒளிந்து கொண்டாள். ஒரு கட்டத்தில் போலீஸ் ஐஸ்வர்யா இங்கே இல்லை என்று சொல்லி கோயிலை விட்டு வெளியேறி விடுகின்றனர்.

அதன் பின்னர் வெளியே வரும் ஐஸ்வர்யா மீண்டும் தீபாவைத் தேடத் தொடங்க, அப்போது எதிர்பாராத விதமாக எதிரில் வந்த சக்தி நர்ஸ் மீது அவள் மோதிவிடுகிறாள். அவளைப் பார்த்த அவள் நீ இங்கதான் இருக்கிறாயா?.. அப்படியானால் தீபாவும் இங்கதான் இருக்கணும் என துப்பாக்கியுடன் தீபாவை தேடி கண்டுபிடித்து அவளை சுடச் செல்கிறாள்.

இதற்கிடையே, ஐஸ்வர்யாவுக்கும், சக்திக்கும் இடையே தள்ளுமுள்ளு ஏற்பட, ஐஸ்வர்யா தீபாவை சுட்டுக் கொல்லத் துணியும் நேரத்தில், சக்தி நர்ஸ், கட்டையால் ஐஸ்வர்யா கையில் மீது அடித்து விடுகிறாள். இதனால், துப்பாக்கி பறந்து போய் பாம்பு புற்றுக்குள் விழுகிறது. ஐஸ்வர்யா வலி தாங்காமல் கீழே விழ, சக்தி நர்ஸ், தீபாவை அழைத்துக் கொண்டு அங்கிருந்து எஸ்கேப் ஆனாள்

கஞ்சா வழக்கில் கார்த்திக்

கார்த்திக் ஸ்டேஷனில் இருக்க, இன்ஸ்பெக்டர் சரவணன் நடந்தது என்ன என ஆசிரமத்தின் அருகே உள்ள சிசிடிவி காட்சிகளை ஆராந்தான். அப்போது, ரூபஸ்ரீ தான் போதைப் பொருளை வைத்தாள் என்பது தெரிய வருகிறது.

அந்த ஆதாரங்களை வைத்து கார்த்தியை வெளியே கொண்டு வர முயற்சிகள் நடக்க, மறுப்பக்கம் அபிராமியின் குடும்பத்தார் கச்சேரி நடக்கும் இடத்திற்கு வந்து தீபாவிற்காக காத்திருக்கின்றனர்.

இங்கே ஐஸ்வர்யா மீண்டும் எழுந்து புற்றுக்குள் விழுந்த துப்பாக்கியை எடுக்க முயற்சி செய்கிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

போலீசிடம் இருந்து துப்பாக்கியுடன் தப்பித்து வந்த ஐஸ்வர்யா நேராக அங்கிருந்து ஆசிரமத்துக்கு தீபாவை கொல்வதற்காக வந்தாள். ஆனால் ஆசிரமத்தில் யாரும் இல்லாததால் குழப்பம் அடைந்த அவள் செக்யூரிட்டி நெத்தியில் துப்பாக்கியை வைத்து மிரட்டி விசாரித்தாள்.

இதனால் அஞ்சி நடுங்கும் செக்யூரிட்டி எல்லாரும் கச்சேரிக்கு கிளம்பி சென்று விட்டதாக சொல்ல, ஐஸ்வர்யா அங்கிருந்து கிளம்பினாள். அடுத்து கார்த்திக்கை போதை பொருள் தடுப்பு பிரிவினர் விசாரணைக்கு அழைத்து வர, கார்த்திக் முக்கியமான விஷயமாக செல்வதாக சொல்லியும் விட மறுக்கின்றனர்.

உடனே இன்ஸ்பெக்டர் சரவணனை உதவிக்கு கூப்பிட, அவர் ஆபிசர்ஸ் விட மறுக்கின்றனர். கச்சேரிக்கு தீபாவுடன் கிளம்பி வந்த வேன், நடுவழியில் ரிப்பேர் ஆகி நிற்க, ரொம்ப நேரம் வேனில் இருப்பது பாதுகாப்பு இல்லை என்பதால் எல்லாரும் கோயிலுக்கு கிளம்பி வருகின்றனர். இதற்கிடையே ஐஸ்வர்யாவை போலீஸ் துரத்தி வர, அவளும் கோயிலுக்குள் வர அங்கு சக்தி நர்ஸ் இருப்பதை பார்த்து விட்டாள்.