நடிகர் விஜய்யை துரத்தும் விடாது கருப்பு.. அவர் வாழ்க்கையில் நான் சொல்வது நிச்சயம் நடக்கும்! அடித்துக் கூறும் நடிகர்

தமிழ் சினிமாவில் துணைக் கதாப்பாத்திரமாக பல படங்களில் நடித்துள்ளவர் இ.வி.கணேஷ் பாபு. இவரை திரைப்படங்களைக் காட்டிலும் மக்கள் வெளிச்சத்திற்கு கொண்டு சென்றது என்னவோ சீரியல்கள் தான்.

சாப்பாடு சாப்பாடு சாப்பாடு

சில ஆண்டுகளுக்கு முன்பு, சன் டிவியில் ஒளிபரப்பான 'திருமதி செல்வம்' சீரியல் தமிழ்நாட்டு மக்களின் முக்கிய பிரைம் டைம் சீரியலாக இருந்தது. இந்த சீரியல் மக்கள் மத்தியில் அவ்வளவு பிரபலம். ஏற்கனவே பல திரைப்படங்களில் நடித்திருந்தாலும் இந்த சீரியலில் 24 மணி நேரமும் சாப்பிட்டுக் கொண்டே இருக்கும் நகைச்சுவை கதாப்பாத்திரத்தில் நடத்து பிரபலமானவர் இவர்.

தனக்கு கொடுக்கும் கதாப்பாத்திரத்தில் மூழ்கி, அந்தக் கதாப்பாத்திரமாகவே மாறும் இவர் சமீபத்தில் விகடன் பத்திரிகைக்கு பேட்டி ஒன்று கொடுத்தார். அதில் அவர் சீரியல், சினிமா, அரசியல் குறித்து தனது கருத்துகளை முன்வைத்துள்ளார்.

சீரியல்கள் சலிப்பை தருகிறது

இந்தப் பேட்டியில் அவர் பேசும் போது, முன்பெல்லாம் மக்களின் வாழ்க்கையில் இருந்து சீரியலுக்கான கதைகளை எடுத்து மக்களுக்கு அளிப்பர். அதனால் அவை மக்கள் மனங்களுக்கு பிடித்திருந்தது. ஆனால், இப்போது அப்படி அல்ல. ஏற்கனவே இருந்த கதையில் நடிகர்களை மட்டும் மாற்றிவிட்டு நாடகம் எடுக்கின்றனர்.

இதனால், தற்போது வெளியாகும் சீரியல்களைப் பார்க்கும் போது மிகவும் சலிப்பு தட்டுகிறது. புதிய கதைகளை மக்களிடம் கொண்டு சென்றால் மட்டும் தான் அவர்கள் மனதில் அது எந்நாளும் நிலைத்து நிற்கும் என்றார்.

குடும்பமாகவே மாறிவிட்டோம்

தான் சீரியலில் நடித்த காலத்தில் இயக்குநர், சக நடிகர்களுடனான உறவு என்பது குடும்பத்தைப் போல இருக்கும். நான், என்னுடன் பணியாற்றிய சீரியல் நடிகைக்கு தாய் மாமன் சீர் எல்லாம் செய்துள்ளேன். அந்த அளவுக்கு அவர்களுடனான நெருக்கம் உள்ளது என்றார்.

நான் மறைந்த முதல்வர் கருணாநிதியின் தென்பாண்டி சிங்கம் பார்த்து தான் நடிக்க ஆசைப்பட்டேன். பின் ஒரு வழியாக சினிமாலில் நடிக்கும் வாய்ப்பைப் பெற்றேன். என் முதல் படமே பாரதியாரின் வாழ்க்கை வரலாற்று திரைப்படமான பாரதி தான். இதில், நான் பாரதியாரின் மருமகனாக நடித்திருப்பேன். அந்த முதல் படத்திலேயே திருப்திகரமான நடிப்பை வழங்கியதாக உணர்ந்தேன் என்றார்.

கருவறை பேசும் வாழ்க்கை

இதையடுத்து, அவர் கடந்த வருடம் இயக்கிய கருவறை குறும்படத்திற்கு தேசிய விருது கிடைத்தது குறித்து பேசினார். அதில், சாதாரண குடும்பத்தில் வாழ்ந்துவருபவர்கள் தங்களுக்கு குழந்தை பெறுவதை எப்படி எடுத்துக் கொள்கிறார்கள் என்பதை மிகவும் எளிதாக கூறியிருப்பேன். இந்தக் குறும்படத்தில் பணியாற்றிய இசையமைப்பாளர் ஸ்ரீகாந்த் தேவாவிற்கு தேசிய விருது கிடைத்தது. பொருளாதார சிக்கல், கணவன்- மனைவி உறவு முறை, குழந்தை பராமரிப்பு என்பதை மக்கள் எப்படி தங்கள் நிஜ வாழ்க்கையில் கடந்து செல்கின்றனர் என்பதை இந்தப் படம் உணர்வு பூர்வமாக எடுத்துக் காட்டியது என பலரும் என்னிடம் கூறியுள்ளனர் எனக் கூறினார்.

விஜய்யை துரத்தும் விடாது கருப்பு

நடிகர் விஜய்க்கு அவரது தந்தையால் வாய்ப்பு கிடைத்தது எனக் கூறினாலும், அவர் சினிமாவில் இந்த அளவிற்கு முன்னேறியது அவரது சொந்த முயற்சியால் தான். அதனால் தான் இளைய தளபதியாக இருந்த விஜய் இப்போது மக்களின் தளபதியாக உயர்ந்துள்ளார்.

அவர் சினிமாவை விட்டு அரசியலுக்கு வரலாம். ஆனால், அவரை சினிமா விடாது. விடாது கருப்பு போல சினிமா அவரைத் துறத்தும். அதனால் அவரே நினைத்தாலும் சினிமாவை விட்டு போக முடியாது. அவர் இன்னும் 20 படங்களில் நடிப்பார். அது தான் கலை எனக் கூறியுள்ளார்.