Suchithra: ஜெயம் ரவி மனைவிக்கு சுசித்ரா சொன்ன அட்வைஸ்.... டேன்ஜரான கெனிஷா ட்ரீட்மெண்ட்! மீண்டும் புயலைக் கிளப்பிய சுச்சி

பிரபலங்களின் விவாகரத்து வரிசையில் தற்போது வந்து சிக்கியுள்ளவர் ஜெயம்ரவி. இவரது விவாகரத்து அறிவிப்பு கோலிவுட் வட்டாரத்தில் நாட்கள் தாண்டி இன்றளவும் பேசு பொருளாக உள்ளது. இந்நிலையில், இந்த விவகாரத்திற்கு பாடகி சுசித்ரா உள் நுழைந்துள்ளார். பாடகி சுசித்ரா, அவரது கணவர் கார்த்திக், நடிகர் தனுஷ், பாடலாசிரியர் வைரமுத்து, நடிகை திரிஷா, ஆண்ட்ரியா உள்ளிட்ட பலர் குறித்தும் பேசி அவ்வப்போது விவாதங்களை கிளப்பி வருகிறார். இந்நிலையில், அவர் அவர் தற்போது விவாகரத்து விஷயத்தில் ஜெயம்ரவியின் மனைவிக்கு அட்வைஸ் ஒன்றை வழங்கியுள்ளது பேசு பொருளாகியுள்ளது. அதுமட்டுமின்றி, அவர் கூறிய சில விஷயங்களும் பரபரப்பை ஏற்படுத்தியுள்ளது.

கெனிஷா தடை செய்யப்பட்ட மருந்தை பயன்படுத்தி மனநல சிகிச்சை அளித்து வருகிறார். எனவே, ஜெயம் ரவியை தன் சமாக்க அவரது மனைவி ஆர்த்தி ஈகோ பார்க்காமல் கண்ணகியாக மாற வேண்டும் என சுசித்ரா அட்வைஸ் அளித்துள்ள சம்பவம் நடந்துள்ளது.

ஜெயம் ரவி விவாகரத்து

ஜெயம் ரவி தனது மனைவியுடன் ஏற்பட்ட சில கருத்து மோதல்களால் பிரிந்து வாழ்ந்து வந்தத நிலையில், மனைவியை விட்டு பிரிவதாகவும், விரைவில் விவாகரத்து பெற உள்ளதாகவும் அறிக்கை ஒன்றை வெளியிட்டிருந்தார்.

இதனை முற்றிலும் மறத்த ஜெயம்ரவியின் மனைவி ஆர்த்தி, விவாகரத்து குறித்து தனக்கு எதுவும் தெரியாது என்றும், அவர் என்னையும் என் பிள்ளைகள் குறித்தும் கவனத்தில் கொள்ள வேண்டும். நான் அவரை சந்தித்து பேச பலமுறை முயற்சி செய்தும் எனக்கான வாய்ப்பு மறுக்கப்பட்டது எனக் கூறியிருந்தார்.

என்ன செய்தார் கெனிஷா?

இதற்கிடையில், பாடகி மற்றும் மனநல மருத்துவரான கெனிஷாவுடன் ஜெயம்ரவிக்கு கிடைத்த நட்பே, அவர் தனது காதல் மனைவியை பிரியக் காரணம். இவர்கள் இருவரும் கோவாவில் தனிமையில் இருந்துள்ளனர். இதனை அறிந்த ஆர்த்தி ஜெயம்ரவியை சந்திக்க முயன்றும் கெனிஷா அவரை தடுத்தார் என பல தகவல்கள் வெளியாகின.

இந்த குற்றச்சாட்டுகளுக்கு பதிலளித்த ஜெயம்ரவி, கெனிஷா ஒரு நல்ல நண்பர். அவர் வாழ்க்கையில் தனியாக இருந்து சாதித்து இந்த உயரத்திற்கு வந்துள்ளார். அவர் குறித்து தவறாக பேச வேண்டாம். வரும் காலத்தில் நாங்கள் இருவரும் சேர்ந்து ஹீலிங் சென்டர் வைக்க திட்டமிட்டுள்ளோம். எனவே, எங்கள் தனிப்பட்ட வாழ்க்கை குறித்து தவறான கருத்துகளை பர்ப்ப வேண்டாம் என்றார். அத்துடன், மனைவி ஆர்த்திக்கு 2 முறை முறைப்படி விவாகரத்து நோட்டிஸ் அனுப்பப்பட்டுள்ளது. அப்படி இருக்கும்போது, இது குறித்து தனக்கு எதுவும் தெரியாது என கூறுவதில் நியாயமில்லை என்றார்.

தடை செய்யப்பட்ட சிகிச்சை

இந்நிலையில், இந்த விவகாரம் குறித்து கருத்து தெரிவித்துள்ள பாடகி சுசித்ரா, இதுவரை வெளிவந்த மொத்த விஷயத்தையும் மாற்றி அமைக்குமாறு சில தகவல்களைக் கூறியுள்ளார். மேலும், ஜெயம்ரவி மனைவி ஆர்த்திக்கு சில அறிவுரைகளையும் வழங்கியுள்ளார்.

பாடகி கெனிஷா தன்னை மெண்டல் ஹெல்த் அட்வகேட் என குறிப்பிட்டு வருகிறார். இவரிடம் மனநலம் சார்ந்த பிரச்சனைக்காக செல்லும் நபர்களுக்கு கெனிஷா நேச்சுரோபதி முறையில் சிகிச்சை அளிக்கிறார். ஆனால், இந்த சிகிச்சைக்கு இந்தியா போன்ற நாடுகள் முற்றிலும் தடை விதித்துள்ளது. தென்னாப்பிரிக்கா போன்ற சில நாடுகளே அனுமதி அளித்துள்ளது. 

மேலும், இந்த சிகிச்சைக்காக கெனிஷா அயஹூஸ்கா எனும் மருந்தை உபயோகிக்கிறார். இது தடை செய்யப்பட்ட மருந்துப் பொருளாம். அதுமட்டுமின்றி பயங்கரமான பக்க விளைவு கொண்ட இந்த மருந்து, சிகிச்சையில் உள்ள நபருக்கு அதீத கோபத்தை ஏற்படுத்துமாம். இந்த மருந்தை அமெரிக்காவில் உள்ள மந்திவாதிகள், ஆன்மீக சடங்குகளில் பயன்படுத்துவார்களாம். இது எடுத்துக்கொண்டோர், மறுபிறவி, மரணம், பூமிக்கு வந்ததற்கான நோக்கம் குறித்து பேசி வருவார்களாம்.

கண்ணகியாக மாறு- சுசித்ராவின் அட்வைஸ்

இந்த மருந்தின் பிடியில் சிக்கியதால் தான் ஜெயம்ரவி ஆர்த்தியை பிரிந்தார் என பாடகி சுசித்ரா கூறியுள்ளார். அத்தோடு நில்லாமல், ஆர்த்தி மீண்டும் ஜெயம் ரவியுடன் சேருவதற்கு சோசியல் மீடியாவில் மட்டும் ஆதரவைத் தேடினால் போதாது. ஈகோ பார்க்காமல் இறங்கி வேலை செய்தாக வேண்டும். வாழ்க்கையை காப்பாற்ற கண்ணகி போல் மாறி செயல்பட வேண்டும் எனவும் அட்வைஸ் செய்துள்ளார்.

சுசித்ராவின் இந்தக் கருத்து கோலிவுட் வட்டாரத்தில் மீண்டும் ஒரு புயலைக் கிளப்பியுள்ளது. சுசித்ராவின் இந்த தகவலால் ஜெயம்ரவி- ஆர்த்தி தம்பதிக்குள் அடுத்து என்ன நடக்கப்போகிறது என தெரியவில்லை என சினிமா வட்டாரங்கள் கருத்து தெரிவித்துள்ளனர்.